سنگاپور : کراسٹ چرچ طرز پر مسلمانوں پر حملے کا منصوبہ ناکام، ملزم گرفتار
اشاعت کی تاریخ: 10th, February 2025 GMT
سنگاپور میں کراسٹ چرچ حملے کی طرز پر مسلمانوں پر حملے کی منصوبہ بندی کرنے والے ملزم کو گرفتار کرلیا گیا۔
میڈیارپورٹس کے مطابق ملزم نے حملے کی تربیت کے لیے ایک ویڈیو گیم کا استعمال کیا جو 2019 میں نیوزی لینڈ میں کراسٹ چرچ حملے سے مشابہت رکھتا تھا۔
ملزم کی شناخت 18 سالہ نِک لی کے نام سے ہوئی جس نے مبینہ طور پر سفید فام بالادستی کے حامی برینٹن ٹیرنٹ کی جانب سے کیے گئے قتل عام جیسا حملہ کرنے کی منصوبہ بندی کی تھی۔
نیوزی لینڈ میں مارچ 2019 میں برینٹن ٹیرنٹ نے کرائسٹ چرچ کی مساجد میں فائرنگ کرکے 51 نمازیوں کو شہید کردیا تھا۔
حکام کا کہنا ہے کہ نِک لی نے دیسی ساختہ بندوقوں، چاقو اور پیٹرول بموں سے مسلمانوں پر حملے کا ایک منصوبہ بنایا تھا، جو نیوزی لینڈ کے کرائسٹ چرچ حملے جیسا ہوتا اور وہ اس واقعے کو براہ راست نشر کرنے کا بھی ارادہ رکھتا تھا۔
سکیورٹی حکام کے مطابق نِک لی نے سوشل میڈیا پر مسلمانوں کے خلاف پروپیگنڈا دیکھنے کے بعد 2023 میں ان کے خلاف شدید نفرت پالنا شروع کی۔
حکام کا کہنا ہے کہ نِک لی نے ٹیرنٹ کے حملے کی ویڈیوز تلاش کرکے بار بار دیکھیں اور اس سے متاثر ہو کر ایک پرتشدد آن لائن گیم میں خود کو ٹیرنٹ کے کردار میں ڈھال لیا۔
وہ مختلف ویڈیو گیمز میں خصوصی موڈیفکیشنز ڈاؤن لوڈ کرتا تاکہ خود کو کرائسٹ چرچ حملے میں شامل محسوس کر سکے۔
بیان میں کہا گیا کہ نِک لی نے خود کو مشرقی ایشیائی بالادستی کا حامی قرار دیا اور اس نظریے پر یقین رکھتا تھا کہ چینی، کورین اور جاپانی نسلیں دیگر قوموں سے برتر ہیں۔
سنگاپور کے داخلی سکیورٹی ادارے نے دسمبر 2024 میں نِک لی کیخلاف انٹرنل سکیورٹی ایکٹ کے تحت کارروائی کرتے ہوئے اسے حراست میں لیا تھا، اس قانون کے تحت حکام کسی بھی مشتبہ شخص کو بغیر مقدمہ چلائے گرفتار رکھ سکتے ہیں۔
ذریعہ: Daily Mumtaz
کلیدی لفظ: چرچ حملے ن ک لی نے حملے کی
پڑھیں:
بنوں اور کرک میں دہشت گردوں کے حملے ناکام بنادیے گئے، 3 دہشت گرد ہلاک، 4 زخمی
فوٹو بشکریہ رپورٹرخیبرپختونخوا کے اضلاع بنوں اور کرک میں دہشت گردوں کے حملے ناکام بنادیے گئے۔
بنوں میں دہشت گردوں نے پہلے میریان تھانے اور پھر مزنگ چوکی کو نشانہ بنایا تاہم پولیس نے دلیری اور حکمت عملی سے دونوں حملے پسپا کر دیے۔
ریجنل پولیس افسر کے مطابق دہشت گردوں نے میریان تھانے پر حملہ کیا جسے 20 منٹ میں ناکام بنادیا گیا۔ میریان میں مزنگ چوکی پر بھی درجنوں دہشت گردوں نے بھاری ہتھیاروں سے حملہ کیا جہاں فائرنگ کا سلسلہ ایک گھنٹے تک جاری رہا۔
اسلام آباد پاکستان کا طالبان حکومت سے تحریک...
آر پی او بنوں سجاد خان کے مطابق پولیس نے 3 دہشت گردوں کو ہلاک جبکہ 4 کو زخمی کردیا۔
دہشت گردوں کے ساتھی ہلاک اور زخمیوں کو لے کر فرار ہو گئے جبکہ حملے میں 3 پولیس اہلکار معمولی زخمی ہوئے ہیں۔
دوسری جانب کرک کے گرگری تھانے پر بھی دہشت گردوں نے حملہ کیا تاہم اس دوران پولیس اور دہشت گردوں میں فائرنگ کا تبادلہ ہوا۔
ڈی پی او کے مطابق دہشت گردوں کو تھانے کے قریب نہیں آنے دیا گیا۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام