پی ٹی آئی چیف الیکشن کمشنر اور 2ممبران کیلیے مختلف ناموں پر غور کر رہی ہے، بیرسٹر گوہر
اشاعت کی تاریخ: 11th, February 2025 GMT
اسلام آباد:
چیئرمین پی ٹی آئی بیرسٹر گوہر کا کہنا ہے کہ ہماری پارٹی چیف الیکشن کمشنر اور دو ممبران کے لیے مختلف ناموں پر غور کر رہی ہے۔
پی ٹی آئی انٹرا پارٹی کیس کی سماعت بعد میڈیا سے گفتگو میں چیئرمین پی ٹی آئی بیرسٹر گوہر نے کہا کہ چیف الیکشن کمشنر اور دو ممبران اپنی آئینی مدت پوری کر چکے ہیں۔
کیس سے متعلق بیرسٹر گوہر نے کہا کہ الیکشن کمیشن سے استدعا کی ہے کہ دلائل سے پہلے ہمارا ریکارڈ بازیاب کروایا جائے، پانچ میں سے چار درخواست گزاروں نے انٹرا پارٹی انتخابات میں کسی طور پر حصہ نہیں لیا تھا جبکہ پانچواں درخواست گزار جو اکبر ایس بابر کا ساتھی ہے اسے پارٹی سے بہت عرصہ قبل نکالا جا چکا ہے۔
درخواست گزار اکبر ایس بابر کا میڈیا سے گفتگو میں کہنا تھا کہ میری درخواست پر تاحال پی ٹی آئی نے تحریری جواب جمع نہیں کروایا، بیرسٹر گوہر نے آج الیکشن کمیشن کے ساتھ غلط بیانی کی۔
کیس کی سماعت
قبل ازیں، الیکشن کمیشن نے انٹرا پارٹی انتخابات کیس میں پی ٹی آئی کو جواب جمع کرانے کے لیے چار مارچ تک کی مزید مہلت دے دی۔
پی ٹی آئی انٹرا پارٹی کیس کی سماعت چیف الیکشن کمشنر کی سربراہی تین رکنی کمیشن نے کی۔ پی ٹی آئی کی طرف سے بریسٹر گوہر خان الیکشن کمیشن کے سامنے پیش ہوئے۔
دوران سماعت بیرسٹر گوہر نے کہا کہ انہوں نے جواب جمع کروایا ہے تاہم دلائل کے لیے وقت دیا جائے۔
چیف الیکشن کمشنر نے ریمارکس دیے کہ درخواست گزاروں کی جمع کروائی گئیں دستاویزات کی کاپیاں آپ لے لیں۔ بیرسٹر گوہر نے کہا کہ مارچ کے دوسرے ہفتے تک سماعت ملتوی کر دیں تاہم الیکشن کمیشن نے سماعت 4 مارچ تک ملتوی کر دی۔
الیکشن کمیشن کی جانب سے چیئرمین پی ٹی آئی بیرسٹر گوہر اور رؤف حسن کو نوٹس جاری ہوئے تھے جبکہ الیکشن کمیشن نے اکبر ایس بابر اور دیگر درخواست گزاروں کو بھی نوٹس جاری کیے تھے۔
دفعہ 144 کی خلاف ورزی کے کیسز کی سماعت
دوسری جانب، ڈسٹرکٹ اینڈ سیشن کورٹس اسلام آباد میں چیئرمین پی ٹی آئی بیرسٹر گوہر خان و دیگر کیخلاف دفعہ 144 کی خلاف ورزی کے کیسز کی سماعت ہوئی۔
جوڈیشل مجسٹریٹ تھانہ کراچی کمپنی شہزاد خان نے کیسز پر سماعت کی۔ بیرسٹر گوہر خان کی جانب سے حاضری سے استثنا کی درخواست دائر کی گئی۔
ملزمان کی بریت کی درخواستوں پر آج بھی دلائل نہ ہو سکے۔ عدالت نے کیسز کی سماعت بغیر کارروائی 3 مارچ تک ملتوی کر دی۔
بیرسٹر گوہر خان و دیگر کے خلاف تھانہ آئی 9 میں دو مقدمات درج ہیں۔
.ذریعہ: Express News
کلیدی لفظ: چیئرمین پی ٹی آئی بیرسٹر گوہر بیرسٹر گوہر نے کہا کہ چیف الیکشن کمشنر الیکشن کمیشن انٹرا پارٹی گوہر خان کی سماعت
پڑھیں:
9 مئی کیس: شاہ محمود قریشی بری، یاسمین راشد و دیگر کو رہنماؤں 10، 10 سال قید
شاہ محمود قریشی—فائل فوٹولاہور کی انسدادِ دہشت گردی کی عدالت نے 9 مئی کو جلاؤ گھیراؤ، شیر پاؤ پل کیس کا فیصلہ جاری کر دیا، عدالت نے کیس کا محفوظ کیا گیا فیصلہ سنا دیا۔
انسدادِ دہشت گردی کی عدالت نے پی ٹی آئی رہنما شاہ محمود قریشی کو بری کر دیا۔
اسی کیس میں انسدادِ دہشت گردی کی عدالت نے حمزہ عظیم پاہٹ، رانا تنویر اور اعزاز رفیق کو بھی مقدمے سے بری کر دیا۔
عدالت کی جانب سے ڈاکٹر یاسمین راشد اور میاں محمود الرشید سمیت دیگر ملزمان کو 10، 10 سال قید کی سزا سنا دی گئی۔
عدالت نے عمر سرفراز چیمہ، اعجاز چوہدری اور عظیم پاہٹ کو بھی 10، 10 سال قید کی سزا سنا دی۔
چیئرمین PTI بیرسٹر گوہر کا ردِعملپاکستان تحریکِ انصاف (پی ٹی آئی) کے چیئرمین بیرسٹر گوہر نے کہا ہے کہ سزائیں قانون کے تقاضوں کو پورا کیے بغیر دی گئی ہیں، عوام کا عدالتوں پر سے اعتماد اٹھ گیا ہے۔
پارٹی رہنماؤں کے ہمراہ پریس کانفرنس کرتے ہوئے بیرسٹر گوہر آج کے فیصلوں سے ظاہر ہو رہا ہے کہ عدالتیں ناکام ہو گئی ہیں، آج متنازع فیصلوں میں ایک نئے فیصلے کا اضافہ ہوا ہے۔
انہوں نے کہا کہ بانیٔ پی ٹی آئی اور ساتھیوں نے کہا تھا کہ شفاف ٹرائل کا حق دیا جائے، آئین و قانون کا تقاضہ یہی ہے کہ ایک کیس میں مختلف جگہوں پر ٹرائل نہیں ہو سکتا۔
بیرسٹر گوہر نے کہا کہ اپوزیشن لیڈر پنجاب سمیت پی ٹی آئی کے 3 اراکین پارلیمنٹ کو سزا ہوئی۔
9 مئی کیس میں انصاف کا بول بالا ہوا ہے، بیرسٹر عقیلمسلم لیگ ن کے رہنما بیرسٹر عقیل نے ملک نے کہا ہے کہ 9 مئی کیس میں انصاف کا بول بالا ہوا ہے، یہ کبھی وکیل پیش نہیں کرتے تھے، کبھی خود پیش نہیں ہوتے تھے۔
’جیو نیوز‘ سے گفتگو میں بیرسٹر عقیل ملک نے کہا کہ تمام شواہد پیش کیے گئے، تمام تقاضے پورے کیے گئے، فیصلہ آئین و قانون کے مطابق ہے، فیصلہ ان کے خلاف آتا ہے تو کہتے ہیں فیصلہ منظور نہیں۔
جسٹس محسن کا اسلام آباد ہائی کورٹ کے ججز کی سنیارٹی کو چیلنج کرنے کا فیصلہ