ہالی ووڈ میں پہلی بار نصف سے زیادہ فلموں میں خواتین مرکزی کردار میں
اشاعت کی تاریخ: 12th, February 2025 GMT
اسلام آباد (اُردو پوائنٹ ۔ DW اردو۔ 12 فروری 2025ء) منگل کے روز جاری ہونے والی ایک رپورٹ کے مطابق سن 2024 میں ہالی ووڈ کی سب سے زیادہ کمائی کرنے والی سو فلموں میں سے نصف سے زیادہ میں پہلی بار کسی خاتون نے مرکزی کردار یا پھر شریک سرکردہ مرکزی کردار ادا کیا۔
یونیورسٹی آف سدرن کیلیفورنیا کے ایننبرگ انکلوژن انیشیٹو (یو ایس سی) کے مطابق باکس آفس کی ٹاپ 100 فلموں میں سے 54 فیصد میں خواتین اور لڑکیوں کو مرکزی کرداروں کے طور پر پیش کیا گیا۔
'اوپن ہائمر‘ نے آسکرز کا میلہ لوٹ لیا
یو ایس سی نے جب سن 2007 میں پہلی بار اس طرح کی سالانہ درجہ بندی اور اعداد و شمار جمع کرنے شروع کیے تھے، تو یہ تناسب محض 20 فیصد تھا اور 2023 میں یہ تناسب 30 فیصد کے قریب تھا۔
(جاری ہے)
اس حساب سے گزشتہ برس کے اعداد و شمار اس رجحان میں کافی بہتری کی عکاسی کرتے ہیں۔
باکس آفس پر خواتین کا راجایننبرگ انکلوژن انیشیٹو کی بانی اسٹیسی ایل سمتھ نے ایک بیان میں کہا، "یہ پہلی بار ہے، جب ہم کہہ سکتے ہیں کہ صنفی مساوات سب سے زیادہ کمائی کرنے والی فلموں تک پہنچ گیا ہے۔
"’اخلاقی اقدار کی پامالی‘ باربی فلم پر پابندی عائد
ان کا مزید کہنا تھا، "2024 میں ٹاپ پانچ فلموں میں سے تین میں ایک لڑکی یا عورت مرکزی کردار میں تھی۔ سال کی نمبر ایک فلم، ڈزنی کی 'ان سائیڈ آؤٹ 2'، سمیت ٹاپ 10 میں سے پانچ فلمیں اسی طرح کی تھیں۔"
سن 2024 میں خواتین کے مرکزی کردار والی جو دیگر قابل ذکر اہم فلمیں تھیں، اس میں سنتھیا ایریو کی "وِکڈ"، ڈیمی مور اور مارگریٹ کوالی کی "دی سبسٹینس"، اور آنیا ٹیلر- جوائے کی فلم "فیوریوسا: اے میڈ میکس ساگا" شامل ہیں۔
'اوپن ہائمر' کے ایک منظر پر شدت پسند ہندو ناراض کیوں؟
تاہم اسٹوڈیوز کے درمیان اس میں کچھ تفاوت بھی تھا۔ یونیورسل اسٹوڈیوز کی طرف سے ریلیز ہونے والی 66.
اسٹیسی اسمتھ کا کہنا ہے، "ہمیں ہمیشہ سے معلوم ہے کہ خواتین کی لیڈ کرداروں والی فلمیں پیسہ کمائیں گی۔
یہ معاشی بیداری کا نتیجہ نہیں بلکہ وکالت کرنے والے گروپوں اور اسٹوڈیوز میں اسکرین پر مساوات کی ضرورت پر زور دینے والے مختلف حلقوں اور کوششوں کا نتیجہ ہے۔"ہالی وڈ کے رائٹرز اور اداکاروں کی مشترکہ تاریخی ہڑتال
اقلیتوں کی نمائندگی کا فقدان برقرارسان ڈیاگو اسٹیٹ یونیورسٹی کے سینٹر فار دی اسٹڈی آف ویمن ان ٹیلیویژن اینڈ فلم کی ایک علیحدہ رپورٹ، جو منگل کے روز ہی جاری کی گئی، میں بتایا گیا ہے کہ اہم کرداروں میں خواتین کی تعداد میں اضافے کے باوجود بولنے والے کرداروں میں خواتین کے کرداروں کا تناسب 2024 میں 35 فیصد سے بڑھ کر صرف 37 فیصد ہی رہا۔
یو ایس سی کی رپورٹ میں یہ بھی پایا گیا کہ ہالی ووڈ میں صنفی شمولیت نسلی شمولیت سے مماثلت نہیں رکھتی ہے۔
ہالی ووڈ بند، ہڑتال کرنے والوں میں اداکار بھی شامل
اس نے پایا کہ سرفہرست 100 فلموں میں سے صرف 25 میں ہی غیر سفید فام افراد مرکزی کردار میں تھے، جبکہ 2023 میں اس اقلیتی طبقے کے 37 اداکار تھے۔ مردم شماری کے مطابق امریکی آبادی کے 41.6 فیصد افراد کا تعلق دیگر رنگ و نسل سے ہے، تاہم کسی بھی اسٹوڈیو میں اس تناسب سے ان کی نمائندگی کا کوئی ریکارڈ نہیں ہے۔
یو ایس سی کے مطالعہ کی سرکردہ مصنفہ کیتھرین نیف نے کہا، "گرچہ اس سال کے نتائج خواتین کے لیے متناسب نمائندگی کی جانب ایک تاریخی قدم کی نشاندہی کرتے ہیں، تاہم سیاہ فام نسل کی خواتین کے لیے ابھی بھی بہت کام کرنا باقی ہے۔"
ص ز/ ج ا (اے پی روئٹرز)
ذریعہ: UrduPoint
کلیدی لفظ: تلاش کیجئے فلموں میں سے میں خواتین خواتین کے یو ایس سی پہلی بار سے زیادہ ہالی ووڈ
پڑھیں:
ملکی تاریخ میں پہلی بار ’’فری انرجی مارکیٹ پالیسی‘‘کے نفاذکااعلان
اسلام آباد: وفاقی وزیر توانائی سردار اویس احمد خان لغاری نے اعلان کیا ہے کہ ملک کی تاریخ میں پہلی مرتبہ “فری انرجی مارکیٹ پالیسی” آئندہ دو ماہ میں حتمی نفاذ کے مرحلے میں داخل ہو جائے گی، جس کے بعد حکومت کی جانب سے بجلی کی خریداری کا عمل مستقل طور پر ختم کر دیا جائے گا۔
یہ بات انہوں نے عالمی بینک کے اعلیٰ سطحی وفد سے ملاقات کے دوران کہی، جس کی قیادت عالمی بینک کے ریجنل نائب صدر برائے مشرق وسطیٰ، شمالی افریقہ، افغانستان و پاکستان، جناب عثمان ڈیون (Ousmane Dione) کر رہے تھے۔
وزیر توانائی نے بتایا کہ نئے ماڈل CTBCM (Competitive Trading Bilateral Contract Market) کے تحت ملک میں بجلی کی آزادانہ تجارت ممکن ہو سکے گی، جس میں “وِیلنگ چارجز” اور دیگر ضروری میکانزم شامل کیے جا رہے ہیں۔ اس نظام کے تحت حکومت کا کردار صرف ریگولیٹری فریم ورک تک محدود کر دیا جائے گا۔
انہوں نے کہا کہ اس منتقلی کا عمل بتدریج اور جامع حکمت عملی کے ساتھ آگے بڑھایا جائے گا تاکہ بجلی کے نظام میں استحکام برقرار رکھا جا سکے۔
ملاقات کے دوران سردار اویس لغاری نے عالمی بینک کے وفد کو حکومت کی جاری توانائی اصلاحات، نیٹ میٹرنگ پالیسی، نجکاری اقدامات، ریگولیٹری بہتری اور سرمایہ کاری کے مواقع سے آگاہ کیا۔
انہوں نے اس بات پر زور دیا کہ حکومت کی پالیسی کا جھکاؤ واضح طور پر نجی شعبے کے فروغ اور شفافیت کی جانب ہے اور حکومت چاہتی ہے کہ بین الاقوامی سرمایہ کار اس تبدیلی میں بھرپور کردار ادا کریں۔
عالمی بینک کے نائب صدر عثمان ڈیون نے پاکستان کے توانائی شعبے میں جاری اصلاحات کو قابلِ تحسین قرار دیا اور کہا کہ توانائی کسی بھی ملک کی معاشی ترقی کی بنیاد ہے، اسی لیے عالمی بینک اس شعبے میں پاکستان کے ساتھ اپنی شراکت داری جاری رکھے گا۔
انہوں نے اس عزم کا اعادہ کیا کہ عالمی بینک پاکستان کے لیے ایک پائیدار، قابل اعتماد اور سرمایہ کاری کے لیے موزوں توانائی نظام کی تشکیل میں بھرپور تعاون فراہم کرے گا۔
آخر میں وفاقی وزیر نے عالمی بینک کے وفد کو توانائی اصلاحات پر مبنی جامع کتابچہ بھی پیش کیا اور امید ظاہر کی کہ موجودہ شراکت داری مستقبل میں مزید مستحکم ہو گی۔
صارفین کے لیے “فری انرجی مارکیٹ” کے ممکنہ فوائد:
صارفین کو مختلف بجلی فراہم کنندگان میں سے مسابقتی نرخوں پر بجلی خریدنے کی آزادی ہوگی۔
مارکیٹ میں مسابقت بڑھنے سے بجلی کی قیمتوں میں کمی آنے کا امکان ہے۔
نجی کمپنیاں بہتر سروس فراہم کرنے کے لیے ایک دوسرے سے مقابلہ کریں گی، جس سے کسٹمر سروس، بلنگ کا نظام اور شکایات کے ازالے میں بہتری آئے گی۔
صنعتیں اپنی ضروریات اور استعمال کے مطابق سستا اور مستحکم توانائی معاہدہ کر سکیں گی، جو برآمدات اور پیداواری لاگت پر مثبت اثر ڈالے گا۔
صارفین سولر، ونڈ یا دیگر گرین انرجی ذرائع سے بجلی خریدنے کے آپشنز کو ترجیح دے سکیں گے، جس سے ماحول دوست توانائی کو فروغ ملے گا۔
جن گھریلو یا صنعتی صارفین کے پاس سولر پینل نصب ہوں گے، وہ بجلی فروخت بھی کر سکیں گے، جس سے آمدن حاصل کی جا سکتی ہے۔
جب حکومت بجلی خریدنا بند کرے گی، تو اس پر موجود گردشی قرضوں (circular debt) کا دباؤ کم ہوگا، جس کا بالآخر فائدہ صارفین کو مستحکم نظام کی صورت میں ملے گا۔
پی ٹی آئی نے سینیٹ کی نشستوں کے لیے امیدواروں کو ٹکٹ جاری کردیئے