مایہ ناز مرحوم کرکٹر حنیف محمد پی سی بی ہال آف فیم میں شامل
اشاعت کی تاریخ: 12th, February 2025 GMT
پاکستان کرکٹ ٹیم کے سابق کھلاڑی حنیف محمد مرحوم کو پاکستان کرکٹ بورڈ (پی سی بی) ہال آف فیم میں شامل کرلیا گیا۔
یہ بھی پڑھیں: آئی سی سی ’ہال آف فیم‘ میں نئے شامل کیے گئے 3 سابق کرکٹرز کون ہیں؟
اس حوالے سے ایک تقریب بدھ کو نیشنل اسٹیڈیم کراچی میں ہونے ولے پاکستان اور جنوبی افریقا کے درمیان سہ ملکی سیریز کے میچ کے دوران ہوئی۔
قبل ازیں چیئرمین محسن نقوی نے شعیب محمد کو حنیف محمد کی تختی اور کیپ پیش کی، پی سی بی نے 2021ء میں ہال آف فیم میں شامل کرنے کا اعلان کیا گیا تھا۔
تقریب کے دوران حنیف محمد کے صاحبزادے شعیب محمد نے ہال آف فیم کی یادگاری تختی اور کیپ وصول کی۔
مزید پڑھیے: شاندار خدمات کا اعتراف:انضمام الحق اور مصباح الحق پی سی بی کے ہال آف فیم میں شامل
واضح رہے کہ حنیف محمد کو ہال آف فیم میں شامل کیے جانے کا اعلان سنہ 2021 میں کردیا گیا تھا تاہم معاملہ مختلف عوامل کی وجہ سے تاخیر کا شکار ہوگیا تھا۔
پی سی بی ہال آف فیم پاکستان کے کرکٹ لیجنڈز کی خدمات کو خراج تحسین پیش کرنے کے لیے قائم کیا گیا ہے۔ اس میں پہلے سے ہی عبدالقادر، اے ایچ کاردار، فضل محمود، حنیف محمد، عمران خان، جاوید میانداد، وسیم اکرم، وقار یونس، یونس خان اور ظہیر عباس جیسے مایہ ناز کرکٹرز شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: ہال ا ف فیم میں حنیف محمد پی سی بی
پڑھیں:
پاکستان امریکا کے ساتھ معاشی تعاون بڑھانے کا خواہاں ہے، وزیر خزانہ محمد اورنگزیب
وفاقی وزیر خزانہ محمد اورنگزیب نے کہا ہے کہ پاکستان امریکا کے ساتھ مختلف شعبوں میں شراکت داری کو وسعت دینے کا خواہاں ہے اور دونوں ممالک کے درمیان معاشی تعاون کے نئے امکانات پیدا ہو رہے ہیں۔
اسلام آباد میں ایک تقریب سے خطاب کرتے ہوئے وزیر خزانہ نے کہا کہ حالیہ دنوں میں امریکا کے کامرس سیکریٹری سے بات ہوئی ہے، جس میں امریکی ٹیرف سمیت مختلف امور پر گفتگو ہوئی۔ ان کا کہنا تھا کہ امریکا نے پاکستان کے ساتھ اسٹریٹیجک معاہدے کی یقین دہانی کرائی ہے، جو مستقبل میں دوطرفہ تعلقات کو مزید مستحکم کرے گا۔
محمد اورنگزیب نے کہا کہ پاکستانی ایکسپورٹ انڈسٹری بہتری کی طرف گامزن ہے اور حکومت اس کی مزید ترقی کے لیے مؤثر اقدامات کر رہی ہے۔ انہوں نے کہا کہ برآمدات بڑھانے کے لیے صنعتوں کو سہولیات فراہم کی جا رہی ہیں اور توانائی، ٹیکس نیٹ اور ریاستی اداروں (SOEs) میں اصلاحات متعارف کرائی جا رہی ہیں۔
مزید پڑھیں: وفاقی حکومت قرض لے کر ریلیف دے رہی ہے، اخراجات میں کمی ناگزیر ہے، وزیر خزانہ محمد اورنگزیب
وفاقی بجٹ کے حوالے سے گفتگو کرتے ہوئے انہوں نے کہا کہ موجودہ بجٹ میں پنشن اخراجات ترقیاتی بجٹ سے بھی زیادہ ہیں، تاہم حکومت نے پنشن کو مہنگائی کے تناسب سے بڑھایا ہے۔ وزیر خزانہ نے انکشاف کیا کہ 10 ملین روپے سے زائد پنشن پر 5 فیصد ٹیکس عائد کرنے کی تجویز دی گئی ہے تاکہ مالی بوجھ کو متوازن کیا جا سکے۔
انہوں نے کہا کہ حکومتی اصلاحات میں صوبے لیڈ کا کردار ادا کر رہے ہیں، اور اگر کوئی صوبہ پبلک پرائیویٹ پارٹنرشپ کے ذریعے ترقی کر رہا ہے تو وفاق کو اس سے سیکھنا چاہیے۔ انہوں نے خاص طور پر سندھ کے پبلک پرائیویٹ پارٹنرشپ ماڈل کو سراہتے ہوئے کہا کہ یہ ایک قابل تقلید مثال ہے جس سے دیگر صوبوں کو بھی فائدہ اٹھانا چاہیے۔
وزیر خزانہ کا کہنا تھا کہ معاشی اصلاحات، بیرونی سرمایہ کاری، اور اسٹریٹیجک شراکت داری پاکستان کی اقتصادی بحالی کی کنجی ہیں، اور حکومت ان تمام شعبوں میں سنجیدہ اقدامات کر رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد امریکا پبلک پرائیویٹ پارٹنرشپ سندھ وزیر خزانہ وفاقی بجٹ وفاقی وزیر خزانہ محمد اورنگزیب
وزیر خارجہ اسحاق ڈار کا گجرات ائیر انڈیا پرواز حادثے پر دکھ کا اظہار