قومی اسمبلی کا اجلاس کل 11 بجے دوبارہ شروع ہوگا، 8 نکاتی ایجنڈا جاری
اشاعت کی تاریخ: 13th, February 2025 GMT
قومی اسمبلی کا اجلاس کل 11 بجے دوبارہ شروع ہوگا، 8 نکاتی ایجنڈا جاری WhatsAppFacebookTwitter 0 13 February, 2025 سب نیوز
اسلام آباد(آئی پی ایس ) قومی اسمبلی کا اجلاس کل (بروز جمع المبارک) صبح 11 بجے دوبارہ شروع ہوگا۔ قومی اسمبلی سیکرٹریٹ نے اجلاس کا 8 نکاتی ایجنڈا جاری کردیا ، وقفہ سوالات، توجہ دلائو نوٹس اور قانون سازی ایجنڈے میں شامل ہے۔
اجلاس میں وزیر قانون اعظم نذیر تارڑ دیوانی عدالتیں ترمیمی بل منظور کرنے کی تحریک پیش کریں گے جبکہ وزیر داخلہ محسن نقوی پاکستان ساحلی محافظین ترمیمی بل منظور کرنے کی تحریک پیش کریں گے۔ جگیوٹ روڈ اور سکندر اعظم روڈ اسلام آباد کی خستہ حالی ، سرکاری شعبے کی یونیورسٹیوں کو درپیش مالی مشکلات کے متعلق توجہ دلا نوٹس بھی ایجنڈے کا حصہ ہے۔
.ذریعہ: Daily Sub News
کلیدی لفظ: قومی اسمبلی
پڑھیں:
کے پی حکومت کا سولرائزیشن منصوبہ دوبارہ شروع کرنے کا فیصلہ
پشاور(نیوز ڈیسک) خیبرپختونخوا میں توانائی کے مسائل پر قابو پانے کے لیے ہنگامی اقدامات اٹھا لیے گئے، سولرائزیشن کا گزشتہ سالوں سے رکا ہوا منصوبہ فوری طور پر شروع کرنے کا فیصلہ کر لیا گیا۔
ذرائع کے مطابق خیبرپختونخوا کی سرکاری عمارتوں پر سولر لگانے کے فیصلے پر عملی اقدامات شروع کر دیئے گئے، ابتدائی مرحلے میں صوبے کی جیلوں میں سولر لگانے کا فیصلہ کیا گیا ہے جبکہ دوسرے مرحلے میں مخصوص علاقوں میں سٹریٹ لائٹ اور دیگر سرکاری عمارتوں پر سولر لگایا جائے گا۔
منصوبہ شروع کرنے کے لیے تمام متعلقہ اداروں کے لیے وقت مخصوص کر دیا گیا ہے، ابتدائی مراحل مکمل کرنے کے لیے محکمہ پی اینڈ ڈی 2 ماہ کے اندر ٹھیکیداروں سے بولی طلب کرے گا، انرجی ڈیپارٹمنٹ 15 دن میں اس پراجیکٹ کو کابینہ میں پیش کرے گا۔
45 دن میں محکمہ داخلہ اور محکمہ توانائی پائلٹ پراجیکٹ کے پہلے مرحلے کا آغاز کریں گے، سرکاری عمارتوں میں بجلی بل کی مد میں صوبہ 20 ارب روپے سے زائد دیتا ہے، اس منصوبے سے کم سے کم 10 ارب روپے کی بچت کی جا سکے گی۔
ذرائع نے مزید بتایا ہے کہ سولرائزیشن منصوبہ پرائیویٹ پارٹنر شپ کے تحت شروع کیا جائے گا، پرائیویٹ کمپنیاں سولر کی دیکھ بھال کی بھی ذمہ دار ہوں گی۔
Post Views: 1
کراچی میٹروپولیٹن کارپوریشن نے شہری حکومت کے ٹیکسوں میں اضافہ کردیا