صارفین کیلئےاہم خبر ،گوگل میپس کی جانب سے نہایت کارآمد فیچر متعارف
اشاعت کی تاریخ: 14th, February 2025 GMT
گوگل میپس میں ایک نیا کارآمد فیچر صارفین کے لیے متعارف کرایا گیا ہے۔
گوگل میپس کے اس انسیڈنٹس رپورٹنگ نامی فیچر کے ذریعے صارفین دیگر افراد کو اپنے علاقوں میں ٹریفک کے حوالے سے درپیش موسمی مسائل سے آگاہ کر سکیں گے۔اینڈرائیڈ پولیس کی رپورٹ کے مطابق صارفین بتاسکیں گے کہ بارش کی وجہ سے کونسی سڑکوں میں سیلاب جیسی صورتحال پیدا ہوچکی ہے یا دھند کی وجہ سے کن مقامات پر گاڑی سے باہر دیکھنا مشکل ہے۔
اسی طرح وہ یہ بھی رپورٹ کرسکیں گے کہ کن علاقوں میں سڑکیں بارشوں کی وجہ سے خراب ہیں تاکہ دیگر افراد کو سفر کے دوران مشکلات کا سامنا نہ ہو۔رپورٹ کے مطابق انسیڈنٹس رپورٹنگ کا فیچر پہلے اینڈرائیڈ آٹو اور پھر گوگل میپس کی آئی فون ایپ میں نظر آیا۔البتہ ابھی تک یہ فیچر اینڈرائیڈ ڈیوائسز استعمال کرنے والے صارفین تک نہیں پہنچا۔
خیال رہے کہ گوگل میپس میں ٹریفک حادثات، ٹریفک جام، اسپیڈ ٹریپس اور دیگر مسائل سے لوگوں کو آگاہ کرنے کے آپشنز پہلے سے موجود ہیں۔اب ان میں موسم سے متعلق مسائل کا اضافہ بھی کیا جا رہا ہے۔اکثر اس طرح کے الرٹس بہت کارآمد ثابت ہوتے ہیں کیونکہ لوگوں کو قبل از وقت علم ہو جاتا ہے کہ انہیں سفر کے دوران کن مسائل کا سامنا ہوسکتا ہے۔
.ذریعہ: Daily Ausaf
کلیدی لفظ: گوگل میپس
پڑھیں:
میٹا نے ڈسپلے سے لیس اپنے اولین اے آئی اسمارٹ گلاسز متعارف کرا دیے
میٹا کی جانب سے طویل عرصے سے اسمارٹ فونز کے متبادل کے لیے اگیومینٹڈ رئیلٹی (اے آر) ٹیکنالوجی پر مبنی اسمارٹ گلاسز کی تیاری پر کام کیا جا رہا ہے۔
اب اس حوالے سے کمپنی نے اہم پیشرفت کی ہے اور آرٹی فیشل انٹیلی جنس (اے آئی) ٹیکنالوجی سے لیس پہلے اسمارٹ گلاسز کو متعارف کرایا ہے۔
میٹا کے چیف ایگزیکٹو مارک زکربرگ نے ایک ایونٹ کے دوران میٹا رے بین ڈسپلے نامی ڈیوائس کو پیش کیا۔
انہوں نے کہا کہ یہ اولین اسمارٹ گلاسز ہے جو ایک ڈسپلے سے لیس ہے۔
اس ڈسپلے کو ہاتھوں کے اشاروں سے کنٹرول کیا جاسکے گا اور اس حوالے سے نیورو ٹیکنالوجی سے لیس بریسلیٹ کا استعمال کیا جائے گا۔
میٹا کا نیورل بینڈ بریسلیٹ الیکٹرومائیو گرافی پر کام کرتا ہے اور وہ میٹا رے بین ڈسپلے کا حصہ ہے۔
مارک زکربرگ نے بتایا کہ یہ گلاسز دیکھنے میں عام نظر آتے ہیں، مگر یہ اپنی طرز کے اولین گلاسز ہیں جن میں ایک ہائی ریزولوشن ڈسپلے موجود ہے اور اسے میٹا نیورل بینڈ سے استعمال کیا جاسکتا ہے۔
اس ڈیوائس میں صارفین اسکرین پر ویڈیوز کو دیکھ سکتے ہیں یا ٹیکسٹ میسجز کو دیکھ کر ان کا جواب دے سکتے ہیں۔
اسکرین باہری دنیا کے نظارے میں رکاوٹ نہیں ڈالے گی اور جب استعمال نہیں کیا جا رہا ہوگا تو غائب ہو جائے گی۔
میٹا کے نئے اسمارٹ گلاسز کی قیمت 799 ڈالرز رکھی گئی ہے اور اسے ستمبر کے آخر میں فروخت کے لیے پیش کیا جائے گا۔
اس کے ساتھ ساتھ میٹا کی جانب سے 2 دیگر اسمارٹ گلاسز بھی متعارف کرائے گئے۔
ان میں سے ایک اوکلے میٹا وان گارڈ ہے جسے سنو بورڈنگ یا ماؤنٹین بائیکنگ جیسے کھیلوں کا حصہ بننے والے ایتھلیٹس کے لیے ڈیزائن کیا گیا ہے۔
کمپنی کے مطابق یہ ڈیوائس ری چارج کیے بغیر 9 گھنٹوں تک کام کرسکے گی، 3K ویڈیوز ریکارڈ کرسکے گی اور اس میں لاؤڈ اسپیکرز بھی موجود ہیں۔
اس کی قیمت 499 ڈالرز رکھی گئی ہے۔
تیسری ڈیوائس میٹا کے پہلے رے بین میٹا اسمارٹ گلاسز کا اپ ڈیٹڈ ورژن ہے جس کی قیمت 379 ڈالرز رکھی گئی ہے۔
واضح رہے کہ کہ جولائی 2024 میں مارک زکربرگ نے ایک کانفرنس سے خطاب کے دوران کہا تھا کہ ہر فرد کی آنکھوں پر اے آئی ٹیکنالوجی سے لیس اسمارٹ گلاسز ہوں گے۔
انہوں نے دعویٰ کیا کہ اسمارٹ گلاسز کا استعمال ایک نیا ٹرینڈ بن جائے گا۔
مارک زکربرگ نے بتایا کہ ہمارے خیال میں مستقبل میں مختلف قیمتوں اور مختلف ٹیکنالوجیز سے لیس اسمارٹ گلاسز تیار ہوں گے۔
ان کا کہنا تھا کہ ‘میرے خیال میں اے آئی گلاسز کم قیمت میں دستیاب ہوں گے اور کروڑوں یا اربوں افراد انہیں استعمال کریں گے’۔
خیال رہے کہ میٹا کی جانب سے 2021 میں اپنے اولین اسمارٹ گلاسز Ray Bans نامی کمپنی کے اشتراک سے تیار کیا ہے۔
2024 کے شروع میں کمپنی کی جانب سے اے آئی ٹیکنالوجی کو اسمارٹ گلاسز کا حصہ بنانے کا اعلان بھی کیا گیا تھا۔
مارک زکربرگ ایسے اسمارٹ گلاسز تیار کرنا چاہتے ہیں جو ہولوگرافک ڈسپلے کو ان ایبل کرسکیں۔
ان گلاسز میں کیمرا سنسرز بھی ہوں گے تاکہ لوگ تصاویر ریکارڈ کرسکیں، انسٹا گرام پر لائیو اسٹریم کرسکیں یا واٹس ایپ پر ویڈیو کالز کرسکیں۔
Post Views: 5
اسرائیل نے غزہ سٹی میں بھی زمینی فوج اُتار دی