جنگل کا قانون اپنا کر امریکہ قانونی زوال کی جانب گامزن
اشاعت کی تاریخ: 14th, February 2025 GMT
اسلام ٹائمز: آئی سی سی کے علاوہ عالمی عدالت انصاف (آئی سی جے) میں بھی جنوبی افریقہ کی مدعیت میں صیہونی حکمرانوں کے خلاف عدالتی کاروائی جاری ہے۔ یہ مقدمہ 1948ء میں اقوام متحدہ کے منظور شدہ نسل کشی کنونشن کی بنیاد پر شروع کیا گیا ہے۔ اس مقدمے میں بھی اب تک عالمی عدالت انصاف غاصب صیہونی رژیم کے خلاف تین فیصلے جاری کر چکی ہے جس سے ظاہر ہوتا ہے کہ مستقبل قریب میں صیہونی حکمرانوں کو غزہ میں نسل کشی کے جرم میں عالمی عدالت انصاف کے سخت فیصلوں کا سامنا کرنا پڑے گا۔ لہذا امریکی حکومت کی جانب سے بین الاقوامی فوجداری عدالت کے خلاف پابندیاں عائد کیے جانے کا ایک مقصد عالمی عدالت انصاف اور اس کے پندرہ ججوں پر دباو ڈالنا ہے۔ لیکن ماضی کے تجربات سے واضح ہوتا ہے کہ یہ دباو بے سود ثابت ہو گا اور یہ اقدامات صرف امریکہ کے قانونی زوال میں مزید شدت کا باعث بنیں گے۔ تحریر: ڈاکٹر احمد کاظمی
امریکہ کے نئے صدر ڈونلڈ ٹرمپ کی جانب سے صیہونی وزیراعظم بنجمن نیتن یاہو کی امریکہ میں موجودگی کے وقت بین الاقوامی فوجداری عدالت (آئی سی سی) کے خلاف پابندیوں پر مشتمل صدارتی آرڈیننس جاری کر دینے جیسے اقدام سے ایک بار پھر بین الاقوامی قانونی اداروں کے خلاف امریکہ کی محاذ آرائی کھل کر سامنے آئی ہے۔ یاد رہے انٹرنیشنل کریمنل کورٹ (آئی سی سی) نے نومبر 2024ء میں غزہ جنگ کے دوران جنگی جرائم اور انسانیت کے خلاف مجرمانہ اقدامات کا ارتکاب ثابت ہو جانے کے بعد صیہونی وزیراعظم بنجمن نیتن یاہو اور سابق صیہونی وزیر جنگ یوآو گالانت پر فرد جرم عائد کر کے ان کے وارنٹ گرفتاری جاری کر دیے تھے۔ اب امریکی صدر ڈونلڈ ٹرمپ نے اس بین الاقوامی قانونی ادارے کو ہی سیاسی دشمنی کا نشانہ بناتے ہوئے اس پر پابندیاں عائد کر دی ہیں۔ امریکی صدر کا یہ سیاسی اقدام پانچ مختلف پہلووں سے قابل غور ہے:
1)۔ امریکہ کی جانب سے بین الاقوامی فوجداری عدالت، اس کے اٹارنی اور ججوں کے خلاف یہ دوسرا دھمکی آمیز اور پابندیوں پر مبنی اقدام ہے۔ اس سے پہلے امریکہ نے بین الاقوامی فوجداری عدالت کے خلاف ایسا ہی اقدام اس وقت انجام دیا تھا جب اس نے افغانستان پر فوجی قبضے کے دوران امریکی فوجیوں کے جنگی جرائم کی جانچ پرکھ انجام دی تھی۔ امریکی صدر ڈونلڈ ٹرمپ کا یہ اقدام اپنے قانونی، اخلاقی اور عمومی پہلووں سے ہٹ کر امریکہ کے "قانونی زوال" کا مظہر ہے جو اس کے "سیاسی زوال" کے ساتھ ساتھ شدت اختیار کرتا جا رہا ہے۔ دنیا کے 79 ممالک جن میں امریکہ کے اتحادی ممالک بھی شامل ہیں، نے امریکی صدر کے اس اقدام کو مسترد کرتے ہوئے اس بات پر زور دیا ہے کہ یہ اقدام قانون کی بین الاقوامی حاکمیت کو کمزور کرنے اور سنگین قسم کے جرائم کو تحفظ فراہم ہونے کا باعث بنے گا۔ یہ موقف ہمارے مدعا کی بہترین دلیل ہے۔
2)۔ بین الاقوامی فوجداری عدالت کا بنیادی مقصد عالمی سطح پر لاقانونیت کا مقابلہ کرنا ہے۔ یہ لاقانونیت اس وقت پیدا ہوتی ہے جب بین الاقوامی جرائم جیسے جنگی جرائم، فوجی جارحیت، نسل کشی اور انسانیت کے خلاف جرائم کا ارتکاب کرنے والے افراد اور ممالک کے خلاف کوئی قانونی کاروائی انجام نہ پا سکے اور اس کا نتیجہ بین الاقوامی معاشرے میں انارکی اور جنگل کا قانون حکمفرما ہو جانے کی صورت میں ظاہر ہوتا ہے۔ یہ ذمہ داری بین الاقوامی فوجداری عدالت کے منشور میں ذکر ہوئی ہے۔ امریکہ کی جانب سے اس معقول انسانی عمل کی مخالفت کی وجہ امریکی حکومت کی تسلط پسندانہ ذات کے علاوہ اس قانونی ادارے کی طاقت بڑھنے سے خوف بھی ہے کیونکہ خود امریکی حکمران بھی اس کی زد میں آ سکتے ہیں۔ تاریخ دنیا کے مختلف ممالک پر امریکہ کی فوجی جارحیت اور انسانیت کے خلاف جرائم سے بھری پڑی ہے۔
3)۔ اگرچہ بنجمن نیتن یاہو کی امریکہ میں موجودگی کے وقت ٹرمپ کی جانب سے آئی سی سی کے خلاف صدارتی آرڈیننس جاری کیے جانے کا مطلب صیہونی رژیم کے مجرمانہ اقدامات کی بھرپور اور غیر مشروط امریکی حمایت ہے لیکن یوں دکھائی دیتا ہے کہ بعض یورپی اور امریکہ کے اتحادی ممالک سمیت دنیا کے اکثر ممالک کی جانب سے نیتن یاہو اور یوآو گالانت کے وارنٹ گرفتاری جاری ہونے کا خیر مقدم وائٹ ہاوس کی توقعات کے خلاف انجام پایا ہے۔ اس بات نے امریکہ کو غاصب صیہونی رژیم کا عالمی سطح پر مزید گوشہ نشین ہو جانے کی نسبت پریشان کر دیا ہے۔ تقریباً بیس سال پہلے آئی سی سی نے اس وقت کے صیہونی وزیراعظم ایریل شیرون پر صبرا اور شتیلا مہاجرین کیمپس میں فلسطینیوں کی نسل کشی کا مقدمہ چلا کر صیہونی رژیم کا مجرمانہ چہرہ دنیا والوں کے سامنے عیاں کیا تھا۔ آج بھی عالمی رائے عامہ صیہونی حکمرانوں کی گرفتاری کے حق میں ہے لہذا ٹرمپ کا اقدام عالمی فوجداری عدالت کے خلاف ایک ناکام کوشش ثابت ہو گی۔
4)۔ امریکہ عالمی فوجداری عدالت میں غاصب صیہونی رژیم کے مجرمانہ اقدامات کے خلاف عدالتی کاروائی سے خوفزدہ ہے اور اس کی بنیادی وجہ یہ ہے کہ امریکہ خود بھی غزہ جنگ میں صیہونی حکمرانوں کے انسانیت کے خلاف جرائم میں برابر کا شریک ہے۔ امریکہ نے صیہونی حکمرانوں کو فاسفورس بموں جیسے مہلک اور ممنوعہ ہتھیاروں سے لیس کیا جو جنیوا کنونشنز (1949ء) اور جنگ سے متعلق ہیگ کے قوانین کی روشنی میں ممنوعہ ہتھیار ہیں۔ یوں امریکہ نے صیہونی حکمرانوں کے مجرمانہ اقدامات میں براہ راست شراکت انجام دی ہے۔ لہذا بین الاقوامی فوجداری عدالت میں صیہونی رژیم کے خلاف جاری عدالتی کاروائی میں خود امریکہ بھی ملزم اور شریک جرم ہے اور امریکی حکمرانوں کو بھی سزا سنائے جانے کا خطرہ پایا جاتا ہے۔ آئی سی سی کے خلاف امریکی اقدامات اس تناظر میں بھی دیکھے جا سکتے ہیں۔
5)۔ آئی سی سی کے علاوہ عالمی عدالت انصاف (آئی سی جے) میں بھی جنوبی افریقہ کی مدعیت میں صیہونی حکمرانوں کے خلاف عدالتی کاروائی جاری ہے۔ یہ مقدمہ 1948ء میں اقوام متحدہ کے منظور شدہ نسل کشی کنونشن کی بنیاد پر شروع کیا گیا ہے۔ اس مقدمے میں بھی اب تک عالمی عدالت انصاف غاصب صیہونی رژیم کے خلاف تین فیصلے جاری کر چکی ہے جس سے ظاہر ہوتا ہے کہ مستقبل قریب میں صیہونی حکمرانوں کو غزہ میں نسل کشی کے جرم میں عالمی عدالت انصاف کے سخت فیصلوں کا سامنا کرنا پڑے گا۔ لہذا امریکی حکومت کی جانب سے بین الاقوامی فوجداری عدالت کے خلاف پابندیاں عائد کیے جانے کا ایک مقصد عالمی عدالت انصاف اور اس کے پندرہ ججوں پر دباو ڈالنا ہے۔ لیکن ماضی کے تجربات سے واضح ہوتا ہے کہ یہ دباو بے سود ثابت ہو گا اور یہ اقدامات صرف امریکہ کے قانونی زوال میں مزید شدت کا باعث بنیں گے۔
ذریعہ: Islam Times
کلیدی لفظ: فوجداری عدالت کے خلاف میں صیہونی حکمرانوں صیہونی حکمرانوں کے عالمی عدالت انصاف غاصب صیہونی رژیم مجرمانہ اقدامات انسانیت کے خلاف عدالتی کاروائی صیہونی رژیم کے قانونی زوال آئی سی سی کے حکمرانوں کو امریکی صدر کی جانب سے امریکہ کی نیتن یاہو امریکہ کے یہ اقدام ثابت ہو میں بھی جانے کا اور اس
پڑھیں:
یونیسکو رکنیت ترک کرنے کا امریکی فیصلہ کثیرالفریقیت سے متضاد، آزولے
اسلام آباد (اُردو پوائنٹ ۔ UN اردو۔ 23 جولائی 2025ء) اقوام متحدہ کے تعلیمی، سائنسی و ثقافتی ادارے (یونیسکو) کی ڈائریکٹر جنرل آدرے آزولے نے امریکہ کی جانب سے ادارے کی رکنیت چھوڑنے کے فیصلے پر افسوس کا اظہار کرتے ہوئے اسے کثیرالطرفہ نظام کے بنیادی اصولوں سے متضاد قرار دیا ہے۔
ان کا کہنا ہے کہ امریکہ کے صدر کی جانب سے لیے گئے اس فیصلے سے ملک میں ادارے کے بہت سے شراکت داروں کو نقصان ہو گا جن میں عالمی ثقافتی ورثے میں شمولیت کے خواہش مند علاقوں کے لوگ، تخلیقی شہروں کا درجہ اور یونیورسٹیوں کی چیئر شامل ہیں۔
Tweet URLڈائریکٹر جنرل نے اس فیصلے کو افسوسناک اور متوقع قرار دیتے ہوئے کہا ہے کہ ادارہ نجی و تعلیمی شعبوں اور غیرمنفعی اداروں میں اپنے امریکی شراکت داروں کے تعاون سے کام جاری رکھے گا اور اس معاملے پر امریکہ کی حکومت اور کانگریس کے ساتھ سیاسی بات چیت کرے گا۔
(جاری ہے)
خود انحصاری اور غیرمعمولی کامآدرے آزولے کا کہنا ہے کہ حالیہ برسوں میں ادارہ اپنے ہاں کئی بڑی اور بنیادی نوعیت کی اصلاحات لایا ہے اور اس نے مالی وسائل کے حصول کے ذرائع کو متنوع بھی بنایا ہے۔ 2018 سے جاری ادارے کی کوششوں کی بدولت امریکہ کے مہیا کردہ مالی وسائل پر انحصار میں کمی آئی جو اس وقت یونیسکو کے مجموعی بجٹ کا 8 فیصد ہیں جبکہ اقوام متحدہ کے بعض اداروں کا 40 فیصد بجٹ امریکہ مہیا کرتا رہا ہے۔
اس وقت ادارہ مالیاتی اعتبار سے کہیں بہتر طور پر محفوظ ہے اور اسے رکن ممالک کی بڑی تعداد سمیت بہت سے نجی اداروں اور افراد کا مالی تعاون بھی میسر ہے جبکہ 2018 کے بعد اسے دیے جانے والے عطیات دو گنا بڑھ چکے ہیں۔ علاوہ ازیں، اس موقع پر ادارہ اپنے عملے کی تعداد میں کمی بھی نہیں کر رہا۔
2017 میں بھی صدر ٹرمپ کی جانب سے یونیسکو کی رکنیت چھوڑنے کا فیصلہ آنے کے بعد ادارے نے ہر جگہ فروغ امن کے لیے اپنی کوششوں میں اضافہ کیا اور اپنی ذمہ داریوں کی اہمیت ثابت کی۔
ڈائریکٹر جنرل نے بتایا کہ اُس دوران ادارے نے عراقی شہر موصل کے قدیم حصے کی تعمیرنو کرائی جو ادارے کی تاریخ کا سب سے بڑا کام تھا۔ علاوہ ازیں مصنوعی ذہانت کی اخلاقیات پر پہلا اور واحد عالمی معاہدہ بھی منظور کرایا گیا اور یوکرین، لبنان اور یمن سمیت جنگ سے متاثرہ تمام ممالک میں ثقافتی ورثے کی حفاظت اور تعلیم کے لیے پروگرام شروع کیے۔
یہی نہیں بلکہ، یونیسکو نے حیاتیاتی تنوع اور قدرتی ورثے کی حفاظت اور لڑکیوں کی تعلیم کے لیے بھی اپنے اقدامات میں اضافہ کیا۔امریکی دعووں کی تردیدان کا کہنا ہےکہ امریکہ نے یونیسکو کی رکنیت چھوڑنے کی جو وجوہات پیش کی ہیں وہ سات سال پہلے بیان کردہ وجوہات سے مماثل ہیں جبکہ حالات میں بہت بڑی تبدیلی آ چکی ہے، سیاسی تناؤ کم ہو گیا ہے اور آج یہ ادارہ ٹھوس اور عملی کثیرالطرفہ طریقہ ہائے کار پر اتفاق رائے کا ایک غیرمعمولی فورم بن چکا ہے۔
امریکہ کی جانب سے رکنیت چھوڑنے کے موقع پر کیے گئے دعوے ہولوکاسٹ سے متعلق دی جانے والی تعلیم اور یہود مخالفت کو روکنے کے لیے یونیسکو کی کوششوں کی حقیقت سے بھی متضاد ہیں۔
یونیسکو اقوام متحدہ کا واحد ادارہ ہے جو ان موضوعات اور مسائل پر کام کرتا ہے اور واشنگٹن ڈی سی میں واقع امریکہ کے ہولوکاسٹ میموریل میوزیم، عالمی یہودی کانگریس بشمول اس کے امریکی شعبے اور امریکی یہودی کمیٹی (اے جے سی) جیسے اداروں نے بھی اس کام کو سراہا ہے۔
علاوہ ازیں، یونیسکو نے 85 ممالک کو ہولوکاسٹ اور نسل کشی کے بارے میں طلبہ کو آگاہی دینے اور اس سے انکار اور نفرت کے اظہار کو روکنے کے لیے درکار ذرائع اور اساتذہ کی تربیت کا اہتمام بھی کیا ہے۔آدرے آزولے نے کہا ہے کہ وسائل کی کمی کے باوجود یونیسکو اپنا کام جاری رکھے گا اور اس کا مقصد دنیا کے تمام ممالک کا اپنے ہاں خیرمقدم کرنا ہے جن میں امریکہ بھی شامل ہے۔
یرغمالیوں کی رہائی اور غزہ جنگ بندی کے لیے حالات سازگار ہیں: اسرائیلی آرمی چیف