علی امین گنڈاپور نے موٹر وہیکل رجسٹریشن اسمارٹ کارڈ کا اجراء کر دیا
اشاعت کی تاریخ: 15th, February 2025 GMT
— فائل فوٹو
وزیرِ اعلیٰ خیبر پختون خوا علی امین گنڈاپور نے کہا ہے کہ ملک کے لیے قربانیاں پہلے بھی دی ہیں اور آگے بھی دیں گے، امید ہے کہ ہمیں اپنے پورے حقوق ملیں گے، نہ ملے تو ہر فورم پر جائیں گے۔
علی امین گنڈاپور نے موٹر وہیکل آٹومیشن سسٹم اور وہیکل رجسٹریشن اسمارٹ کارڈ کا اجراء کر دیا ہے جس سے گاڑیوں کی رجسٹریشن، منتقلی، یونیورسل نمبر پلیٹس اور فیس و ٹیکسوں کی ادائیگی ڈیجیٹلائزڈ ہوگی۔
انہوں نے کہا کہ ڈیجیٹلائزیشن سے سرکاری امور میں شفافیت یقینی ہوگی اور کرپشن کا خاتمہ ہوگا۔
وزیرِ اعلیٰ خیبر پختون خوا علی امین گنڈاپور کا کہنا ہے کہ بانیٔ پی ٹی آئی ہمارے لیے مقابلہ کر رہے ہیں۔
وزیرِ اعلیٰ نے کہا کہ اپنے صوبے میں ہی گاڑیوں کی رجسٹریشن کرائیں، یہ ہماری اپنی پہچان ہے۔
علی امین گنڈا پور نے کہا کہ اپنے وسائل کا دانشمندانہ استعمال کر کے آمدن کو بڑھانا ہے، ہم نے اپنی آمدن میں 49 فیصد اضافہ کیا ہے۔
وزیرِ اعلیٰ کے پی نے کہا کہ مؤثر مانیٹرنگ کے ذریعے صحت کارڈ کی مد میں سالانہ 11 ارب روپے کی بچت ہو رہی ہے۔
انہوں نے مزید کہا کہ منشیات کے خلاف مؤثر کارروائیاں جاری ہیں۔
.ذریعہ: Jang News
کلیدی لفظ: علی امین گنڈاپور نے کہا کہ
پڑھیں:
پنجاب حکومت صحافیوں کے تحفظ کے لیے پرعزم ہے، وزیر اعلیٰ کا پیغام
وزیر اعلیٰ پنجاب مریم نواز شریف کا صحافیوں کے خلاف جرائم کے خاتمے کے عالمی دن پر پیغام .تفصیلات کے مطابق مریم نوازشریف کا اپنے بیان میں کہنا تھا کہ حق سچ کی آواز اٹھانے والے صحافیوں پر ظلم و تشدد بند ہونا چاہیے۔ احساس ذمہ داری کے ساتھ آزادی صحافت جمہوریت کی اساس ہے۔ انہوں نے مزید کہا کہ مضبوط جمہوری معاشرے کے لیے صحافت کا آزاد ہونا بہت ضروری ہے۔ صحافی معاشرتی انصاف کے محافظ اور عوام کی آواز ہیں۔ ظلم، ناانصافی اور جھوٹ کو بے نقاب کرنے والے صحافی ہیرو ہیں۔ انہوں نے مزید کہا کہ بحیثیت وزیر اعلیٰ آزادی صحافت کے تحفظ کی ضامن ہوں۔ صحافیوں کے حقوق کے تحفظ کے لیے حکومت متعدد اقدامات کررہی ہے۔ بے گھر صحافیوں کے لئے اپنی چھت کا خواب پورا کرنے کے لئے پرعزم ہیں۔ حق اورسچ کی راہ پر چلنے والے صحافیوں کے ساتھ ہیں اور ان کے حقوق کا تحفظ کریں گے۔ مریم نواز شریف نے کہا کہ یہ دن منانے کا مقصد حق اور سچ کی پاداش میں قتل ہونے یا تکلیفیں سہنے والے صحافیوں کو یاد کرنا ہے۔ پنجاب میں صحافی اور صحافت محفوظ ہے۔ اللہ تعالیٰ کے فضل و کرم سےیہاں ان کے قتل و تشدد کے واقعات نہ ہوئے نہ ہی ہوں گے۔
پاکستان اور افغان طالبان کے درمیان استنبول میں مذاکرات ناکام، عطا تارڑ