وکلا بیرون ملک بیٹھے یوٹیوبرز کیلئے کام کرتے ہیں، عمران کو شکایات پرپی ٹی آئی رہنما ئو ں کے تحفظات
اشاعت کی تاریخ: 15th, February 2025 GMT
وکلا بیرون ملک بیٹھے یوٹیوبرز کیلئے کام کرتے ہیں، عمران کو شکایات پرپی ٹی آئی رہنما ئو ں کے تحفظات WhatsAppFacebookTwitter 0 15 February, 2025 سب نیوز
راولپنڈی(آئی پی ایس )پاکستان تحریک انصاف کے بعض مرکزی رہنماں نے وکلا کی جانب سے پارٹی کے بانی عمران خان کو شکایات لانے پر تحفظات کا اظہار کردیا۔ذرائع کے مطابق پارٹی مرکزی قائدین نے وکلا کی شکایات، پیغام رسانی، کور کمیٹی اور سیاسی کمیٹی اجلاسوں میں ان کے طرز عمل پر سوالات اٹھائے۔ذرائع کا کہنا ہے کہ پارٹی رہنماں نے الزام لگایاکہ وکلا میں چند ایسے بھی ہیں جو بیرون ملک بیٹھے یوٹیوبرز کیلئے کام کرتے ہیں اور بیرون ملک بیٹھے یوٹیوبرز چند وکلا کو اندر کی معلومات کے بدلے معاوضہ دیتے ہیں۔
ذرائع نے بتایاکہ پارٹی ارکان نے الزام عائد کیاکہ چند وکلا پارٹی کے الگ الگ گروپس کیلئے بھی کام کرتے ہیں۔پارٹی ذرائع کے مطابق پارٹی رہنماں نے بانی پی ٹی آئی کو شکایات سمیت وکلا کے معاملات کا از سرنو جائزہ لینے کا فیصلہ کیا ہے۔دوسری جانب اس حوالے سے مرکزی سیکرٹری اطلاعات شخ وقاص اکرم کا کہنا تھاکہ تحریک انصاف کی سیاسی قیادت کو اڈیالہ میں ملاقاتیں ہی نہیں کرنے دی جاتیں، صرف وکلا ہی بانی پی ٹی آئی سے ملاقات کرتے ہیں۔
انہوں نے کہا کہ سیاسی قیادت عدالتوں سے اجازت لے کر مشکل سے ملاقات کر پاتی ہے۔خیال رہے کہ گزشتہ روز پی ٹی آئی سے نکالے گئے رہنما شیر افضل مروت نے الزام عائد کیاتھا کہ بانی پی ٹی آئی عمران خان سے ملاقات کے لیے جانے والوں میں صرف ایک وکیل ہوتا ہے اور باقی 9 کان بھرنے والے ہوتے ہیں۔
.ذریعہ: Daily Sub News
کلیدی لفظ: کام کرتے ہیں کو شکایات ٹی آئی
پڑھیں:
وفاقی وزیر داخلہ محسن نقوی کی امت مسلمہ اور قوم کو عید الاضحیٰ کی مبارکباد
سٹی42: وفاقی وزیر داخلہ محسن نقوی نے عید الاضحیٰ کے پرمسرت موقع پر امت مسلمہ اور پاکستانی قوم کو دل کی گہرائیوں سے مبارکباد پیش کرتے ہوئے اس دن کی روحانی اور اجتماعی اہمیت کو اجاگر کیا ہے۔
محسن نقوی نے اپنے پیغام میں کہا کہ عید الاضحیٰ سنتِ ابراہیمی کی پیروی اور اطاعتِ الٰہی کا عظیم مظہر ہے، جو ہمیں قربانی، ایثار، صبر اور اللہ کی رضا کیلئے نفس کی خواہشات کو قربان کرنے کا درس دیتی ہے۔انہوں نے کہا کہ حضرت ابراہیمؑ اور حضرت اسماعیلؑ کی قربانی اطاعت اور صبر کی ایسی لازوال مثال ہے جو رہتی دنیا تک انسانیت کیلئے مشعل راہ ہے۔
سنتِ ابراہیمی کی ادائیگی، کھالوں کے حوالے سے پولیس کی اہم ایڈوائزری جاری
محسن نقوی نے مزید کہا کہ قربانی صرف جانور ذبح کرنا نہیں بلکہ اپنی ذاتی خواہشات کو اللہ کی رضا کی خاطر قربان کرنا ہی اصل روحِ عبادت ہے۔پاکستان کی سالمیت اور ترقی کی خاطر بھی ہمیں ذاتیات کو پسِ پشت ڈال کر اجتماعی مفادات کیلئے قربانی دینا ہوگی، جیسے معرکۂ حق میں قوم نے لازوال قربانیاں دیں۔
وفاقی وزیر داخلہ نے افواجِ پاکستان کی قربانیوں کو بھی بھرپور خراج تحسین پیش کرتے ہوئے کہا کہ مسلح افواج اور عوام کا اتحاد ملکی تاریخ کا روشن باب ہے۔ مادرِ وطن کے محافظوں، شہداء اور ان کے خاندانوں کو یاد رکھنا ہمارا قومی فریضہ ہے۔ ان عظیم جان نثاروں کو سلام پیش کرتے ہیں جنہوں نے قیامِ امن اور وطن کے دفاع کیلئے اپنی جانوں کے نذرانے پیش کیے۔
انہوں نے عوام سے اپیل کی کہ عید کے اس پرمسرت موقع پر یتیموں، بیواؤں، ناداروں اور مستحق افراد کو اپنی خوشیوں میں شامل کریں اور اصل عید کا لطف اُن کے چہروں کی مسکراہٹ میں تلاش کریں۔
عید قربان پر قومی کرکٹرز کی مبارکباد، نیک تمناؤں کا اظہار
عالمی صورتحال پر بات کرتے ہوئے وزیر داخلہ نے کہا کہ فلسطین اور مقبوضہ کشمیر کے مظلوم بہن بھائی ہمارے دلوں اور دعاؤں کا حصہ ہیں، ہمیں ان کی آزادی اور سلامتی کیلئے بھی دعا کرنی چاہیے۔
آخر میں انہوں نے دعا کی کہ یہ عید امتِ مسلمہ کیلئے رحمت، برکت، یکجہتی اور امن کا پیغام ثابت ہو۔
مولانا فضل الرحمان کا کم عمری میں شادی سے متعلق قانون کیخلاف ملک گیر احتجاج کا اعلان