الخدمت انورنذیراسپتال کی سالانہ ڈونر کانفرنس کا انعقاد
اشاعت کی تاریخ: 18th, February 2025 GMT
فیصل آباد(وقائع نگارخصوصی)الخدمت انور نذیر اسپتال کی سالانہ ڈونر کانفرنس الخدمت ہیلتھ فاؤنڈیشن کے چیئرمین پروفیسر ڈاکٹر زاہد لطیف کی زیر صدارت ہوئی،جس میں تاجروں، ڈاکٹروں ، صنعتکاروں کی کثیرتعداد نے شرکت کی کانفرنس کے مہمان خصوصی سابق پرنسپل سیکرٹری صدر پاکستان طارق نجیب نجمی تھے جبکہ نظامت کے فرائض ماہر تعلیم اور موٹیویشنل اسپیکر میاں وقاص وحید نے انجام دیے۔ الخدمت انور نذیر اسپتال کے چیئرمین ڈاکٹر شفقت جاوید وائس چیئر پرسن میڈم میمونہ روحی سیکرٹری مینجمنٹ کمیٹی ڈاکٹر عبدالجبار عباسی ڈائریکٹر فائنانس انجم اقبال بٹ ممبران کور کمیٹی ڈاکٹر محمد اقبال اور ڈاکٹر محمد رفیق نے مہمانوں کو خوش آمدید کہا۔اس موقع پراسپتال کی سالانہ رپورٹ اور کارکردگی کا جائزہ پیش کیا گیا اور مستقبل کے نئے منصوبہ جات کی نشاندہی کی گئی۔اس موقع پر فیصل اباد کے مخیر شہریوں نے اسپتال کی کارکردگی اور غریب مریضوں کی فلاح بہبود کے لیے کیے گئے اقدامات کو سراہا اس موقع پر انہوں نے اڑھائی کروڑ سے زائد کے عطیات بھی اسپتال کیلیے پیش کیے، سرپرست الخدمت انورنذیراسپتال امیرجماعت اسلامی پروفیسر محبوب الزماں بٹ نے خطاب کرتے ہوئے کہاکہ اسپتال اہل علاقہ اورشہریوں کے لئے نعمت خداوندی کے مترادف جہاں انتہائی کم نرخروں میں مریضوں کا علاج معالج کیا جاتا جبکہ مستحق مریضوں کامفت علاج بھی کیا جاتا،شوگرفری کیمپ،گائنی کیمپ اوردیگربیماریوں کے کیمپس بھی ساراسال جاری رہتے جہاں سے مریض مفت مستفید ہوتے ہیں۔ انہوں نے مخیرحضرات سے اپیل کی کہ وہ ایسے اسپتال اوراداروں کی بھرپورمدد کریں جہاں سے غریب مہنگائی کے اس دورمیں سستی اورمفت سہولیات حاصل کرسکیں۔
.ذریعہ: Jasarat News
کلیدی لفظ: اسپتال کی
پڑھیں:
کراچی میں اسپتال کے اخراجات کی ادائیگی کیلیے نومولود بچہ فروخت کرنے کا انکشاف
شہر قائد کے علاقے میمن گوٹھ میں اسپتال کے اخراجات ادا کرنے کیلیے نومولود کو فروخت کرنے کا انکشاف ہوا جسے خاتون نے خرید کر پنجاب میں کسی کو پیسوں کے عوض دے دیا تھا۔
تفصیلات کے مطابق میمن گوٹھ میں قائم نجی اسپتال میں شمع نامی حاملہ خاتون ڈاکٹر سے معائنہ کروانے کیلیے گئی تو وہاں پر ڈاکٹر نے زچگی آپریشن کیلیے رقم کی ادائیگی کا مطالبہ کیا۔
خاتون نے جب ڈاکٹر سے رقم نہ ہونے کا تذکرہ کیا تو انہوں نے بتایا کہ ایک خاتون بچے کی خواہش مند ہے اور وہ بچے کو نہ صرف پالے گی بلکہ آپریشن کے اخراجات بھی ادا کردے گی۔
خاتون کے آپریشن کے بعد لڑکے کی پیدائش ہوئی جسے ڈاکٹر نے مذکورہ خاتون کے حوالے کیا جس پر والد سارنگ نے مقدمہ درج کروایا۔
والد سارنگ نے مقدمے میں بتایا کہ وہ جامشورو کے علاقے نوری آباد کے جوکھیو گوٹھ کا رہائشی ہے۔ مدعی مقدمہ کے مطابق اہلیہ چند ماہ قبل حاملہ ہونے کے باوجود ناراض ہوکر والدین کے گھر چلی گئی تھی۔
’پانچ اکتوبر کو اہلیہ اپنی والدہ کے ساتھ معائنے کیلیے کلینک گئی تو ڈاکٹر زہرا نے آپریشن تجویز کرتے ہوئے رقم ادائیگی کا مطالبہ کیا، رقم نہ ہونے پر ڈاکٹر نے مشورہ دیا کہ وہ ایک عورت کو جانتی ہیں جو غریبوں کی مدد کرتی اور غریب بچوں کو پالتی ہے‘۔
سارنگ کے مطابق ڈاکٹر نے مشورہ دیا کہ وہ عورت نہ صرف بچے کو پالے گی بلکہ آپریشن کے تمام اخراجات بھی ادا کردے گی، جس پر میری اہلیہ نے رضامندی ظاہر کی تو خاتون شمع بلوچ نے آکر اخراجات ادا کیے اور بچہ لے کر چلی گئی۔
والد کے مطابق مجھے جب لڑکے کی پیدائش کا علم ہوا تو اسپتال پہنچا جہاں پر یہ ساری صورت حال سامنے آئی اور پھر اہلیہ نے شمع بلوچ نامی خاتون کا نمبر دیا تاہم متعدد بار فون کرنے کے باوجود کوئی رابطہ نہیں ہوا کیونکہ موبائل نمبر بند ہے۔
شوہر نے مؤقف اختیار کیا کہ مجھے شبہ ہے کہ شمع نامی خاتون نے میرا بچہ کسی اور کو فروخت کر دیا ہے لہذا قانونی کارروائی کی جائے۔ پولیس نے مقدمے کی تفتیش اینٹی وائلنٹ کرائم سیل کے حوالے کیا۔
اینٹی وائلنٹ کرائم سیل نے کارروائی کرتے ہوئے پنجاب سے بچے کو بازیاب کروا کے والدین کے حوالے کردیا جبکہ اسپتال کو سیل کردیا ہے۔ پولیس کے مطابق شمع بلوچ اسپتال کی ملازمہ ہے اور اُس نے ڈاکٹر زہرا کے ساتھ ملکر یہ کام انجام دیا۔
ایس ایس پی ملیر عبدالخالق پیرزادہ کے مطابق بچے کو شمع بلوچ اور ڈاکٹر زہرا نے ملکر پنجاب میں فروخت کردیا تھا۔
انہوں نے بتایا کہ ڈاکٹر زہرا اور شمع بلوچ کی گرفتاری کیلیے چھاپے مارے گئے ہیں تاہم کامیابی نہ مل سکی، دونوں کو جلد گرفتار کر کے قانون کے کٹہرے میں لایا جائے گا۔
رواں سال کا طاقتور ترین طوفان کیریبین جزائر پر اثر انداز ہونا شروع، اب تک 3 افراد ہلاک