ٹریفک مینجمنٹ کامسئلہ چیلنج ہے‘سید پیر محمد شاہ
اشاعت کی تاریخ: 18th, February 2025 GMT
کراچی ( اسٹاف رپورٹر )ڈپٹی انسپکٹر جنرل ٹریفک پولیس کراچی سید پیر محمد شاہ نے اسکاؤٹ آڈیٹوریم ساؤتھ کراچی میں ٹریفک پولیس افسران و اہلکاروں سے خطاب کیا۔ٹریفک پولیس کی اصطلاحات اور شہریوں کی خدمت میں نئی راہوں کا آغاز کر دیا گیا ہے ۔اس موقع پر تمام ایس ایس پی صاحبان ،ڈی ایس پی صاحبان اور سیکشن آفیسر نے شرکت کی۔انہوں نے خطاب کرتے ہوئے کہا ہے کہ ٹریفک مینجمنٹ کا مسئلہ شہر میں اہم چیلنج ہے جس کی بہتری ہماری اولین ترجیح ہے۔اپنی پیشہ ورانہ ذمہ داریوں میں ایمانداری اور اخلاقی معیار کو برقرار رکھیں۔انفورسمنٹ کو بڑھائیں ڈمپر اور ہیوی ٹریفک کی ٹائمنگ پر سختی سے عمل درآمد کرائیں مقرر ٹائمنگ شہر کے علاقوں میں
رات 10 بجے سے صبح 6 بجے تک ہے،کیو آر کوڈز کے بغیر چلنے والے غیر قانونی واٹر ٹینکرز کو ضبط کریں۔ رنگین شیشوں ، فینسی نمبر پلیٹس، غیر مجاز پولیس لائٹس، اور ہوٹرز والی گاڑیوں کے خلاف کارروائیوں کو یقینی بنائیں۔ ایسی اشیاء فروخت کرنے والی دکانوں کو مقامی پولیس کے ساتھ مل کر سیل کیا جائے۔ بغیر ہیلمٹ کے ڈرائیونگ کرنے والے موٹر سائیکل سواروں کے خلاف کارروائی کریں۔ ڈرائیونگ لائسنس کے بغیر گاڑی چلانے والوں کو نہ صرف جرمانے عائد کریں گے بلکہ گاڑی بھی بند کریں جب تک لائسنس بنوا کر نہ لاؤ تب تک گاڑی نہیں چھوڑیں گے۔بغیر ڈرائیونگ لائسنس کے کمرشل گاڑیاں چلانے اورانتہائی غفلت و لا پرواہی برتنے والے ڈرائیورز پر ایف آئی ار درج کی جائے۔مقامی پولیس کے ساتھ مل کر غیر قانونی تجاوزات کا خاتمہ کروائیں۔
پیرمحمد شاہ
ذریعہ: Jasarat News
پڑھیں:
کراچی، کار چوری کی فوٹیج سامنے آگئی
فائل فوٹوکراچی کے ڈیفنس فیز 8 کے علاقے میں رات گئے کار لفٹرز کی واردات کی سی سی ٹی وی فوٹیج سوشل میڈیا ہر وائرل ہو گئی۔
فوٹیج کے مطابق 7 جون کو پیش آئے واقعہ میں 3 ملزمان ایک قیمتی گاڑی چوری کرتے ہوئے نظر آئے۔
واقعہ رات تقریباً 3 بجے پیش آیا، جب 3 ملزمان ایک کار میں گھر کے قریب پہنچتے ہیں، دو ملزمان گاڑی سے اتر کر متاثرہ شہری کی گاڑی کا لاک توڑتے ہیں، جبکہ تیسرا ملزم گاڑی کے قریب کھڑا رہتا ہے، گاڑی کا دروازہ توڑنے کے بعد، ملزمان گاڑی کو لے کر فرار ہو جاتے ہیں۔
متاثرہ شہری طارق حسین نے واقعے کی رپورٹ ساحل تھانے میں درج کرائی ہے، تاہم پولیس نہ تو ملزمان کو پکڑ سکی ہے اور نہ ہی گاڑی برآمد کرسکی ہے۔
غزہ کی جانب سے صہیونی بستیوں پر راکٹ حملہ