حب انڈسٹریل سیکٹرکا پانی کی عدم دستیابی پر ہڑتال کا اعلان
اشاعت کی تاریخ: 18th, February 2025 GMT
کراچی(کامرس رپورٹر) حب کے صنعتی شعبے نے پانی کی قلت کے خلاف جمعرات 20 فروری 2025 کو ہنگامی ہڑتال کرنے کا اعلان کردیا۔ علاقے میں پانی کی قلت کے جاری مسئلے کے حل کیلئے حب چیمبر آف کامرس اینڈ انڈسٹری نے حکومت سے مطالبہ کیاہے اور انکا کہنا ہے کہ کیونکہ گزشتہ کئی ماہ سے پانی کی قلت کا مسئلہ حل نہیں ہو سکا اس لئے بلوچستان کے اہم ترین صنعتی علاقے حب کے صنعتکاروں نے مسلسل شکایات کے باوجود پانی کی درست مقدار میں عدم دستیابی پر جمعرات کو ہڑتال کرنے کی ہنگامی کال دی ہے۔صنعتی شعبہ جو مقامی معیشت کی بہتری میں بنیادی کردار انجام دیتا ہے پانی کی عدم فراہمی کی وجہ سے اپنی پوری استعداد کے مطابق پیداواری سرگرمی انجام دینے سے قاصر ہے۔ایوان صنعت وتجارت حب کے ترجمان نے بتایا کہ ہم نے اپنی شکایات مقامی حکومت تک پہنچانے میں تمام ذرائع استعمال کئے لیکن بدقسمتی سے یہ مسئلہ ابھی تک حل طلب ہے ،پانی کے بغیرصنعتی سرگرمیاں جاری رکھنا ناممکن ہے۔ترجمان نے کہا کہ حب صنعتی شعبہ کاروبار کی ایک وسیع رینج کی نمائندگی کرتا ہے جو علاقائی اور قومی معیشت دونوں میں اہم کردار ادا کرتے ہیں، پانی کی عدم فراہمی نے نہ صرف فیکٹریوں کے کام کو متاثر کیا ہے بلکہ مزدوروں اور مقامی رہائشیوں کی روزگار کو بھی خطرے میں ڈال دیا ہے۔حب کے صنعتکاروں نے کہا ہے کہ جب تک پانی کے مسئلے کو حل نہیں کیا جاتا ہڑتال جاری رہے گی، صنعتی پیداواری سرگرمیاں جاری رکھنے کیلئے مقامی حکام پر زور دیا کہ وہ فوری کارروائی کریں اور علاقے میں کاروباری سرگرمیوں کے تسلسل کو یقینی بنانے کے لیے فوری حل تلاش کریں۔
.ذریعہ: Jasarat News
کلیدی لفظ: پانی کی
پڑھیں:
دریائے چناب میں سیلاب سے بندبوسن کے حالات سنگین، کئی بستیاں پانی میں ڈوب گئیں
دریائے چناب میں خزان پور کے مقام پر بندبوسن میں سیلاب سے بدستور شدید زمینی کٹاؤ جاری ہے جس کے باعث لوگوں کی مشکلات میں اضافہ ہوگیا۔
زمینی کٹاؤ سے درجنوں مکانات ملیامیٹ ہوگئے، متاثرین اپنی مدد آپ کے تحت مکانوں سے ملبہ نکال رہے ہیں جبکہ لاکھوں کا نقصان ہوچکا۔
زرعی زمینیں اور آم کے باغات دریا برد ہونے لگے جبکہ اروی اور تلی کی فصلیں دریا کی نذر ہوگئیں۔
سیلاب کے باعث بستی کھوکھر اور بستی کھیڑا صفحہ ہستی سے مٹ گئیں جبکہ شدید زمینی کٹاؤ سے بجلی کے پول دریائے چناب کی نذر ہو چکے ہیں۔
دوسری جانب، پی ڈی ایم اے پنجاب کے مطابق پنجاب کے دریاؤں میں پانی کا بہاؤ نارمل ہو رہا ہے اور سیلابی علاقوں میں بھی پانی کی سطح تیزی سے کم ہو رہی ہے۔
دریائے ستلج میں گنڈا سنگھ والا کے مقام پر درمیانے درجے کا سیلاب ہے جبکہ سلیمانکی اور اسلام ہیڈ ورکس پر نچلے درجے کا سیلاب ہے۔
وزیر اعلیٰ پنجاب کی ہدایات کے پیش نظر انتظامیہ الرٹ ہے اور سیلابی علاقوں میں امدادی سرگرمیاں جاری ہیں۔ شہری ایمرجنسی کی صورت میں ہیلپ لائن 1129پر رابطہ کریں۔
دریائے چناب میں سیلابی صورتحال، ٹرین سروس معطل