’نکاح بھی اداکار پڑھنے لگے، کچھ تو چھوڑ دیں‘، حمزہ عباسی کی ویڈیو پر صارفین کے تبصرے
اشاعت کی تاریخ: 18th, February 2025 GMT
پاکستان شوبز انڈسٹری کے معروف اداکار حمزہ علی عباسی نکاح خواں بھی بن گئے ہیں۔
حمزہ علی عباسی کی سوشل میڈیا پر ایک ویڈیو وائرل ہورہی ہے جس میں انہیں شادی کی ایک تقریب میں نکاح پڑھاتے دیکھا جاسکتا ہے۔ حمزہ عباسی نے دلہے کی جانب سے حق مہر کی رقم کا اعلان بھی کیا۔
View this post on Instagram
A post shared by All Pakistan Drama Page (@allpakdramapageofficial)
ویڈیو سوشل میڈیا پر وائرل ہوئی تو صارفین کی جانب سے اس پر مختلف تبصرے کیے گئے۔ کسی نے سوال کیا کہ کیا یہ ڈرامے کا سین ہے، تو کئی صارفین یہ بھی کہتے نظر آئے کہ ان کا نکاح بھی حمزہ علی عباسی ہی پڑھائیں۔
ایک صارف نے لکھا کہ نکاح بھی اداکار پڑھ رہے ہیں کچھ تو چھوڑ دیں۔ جبکہ ایک سوشل میڈیا صارف کا کہنا تھا کہ یہ کسی ڈرامے کا سین ہی ہوگا کیونکہ نکاح ایسے نہیں پڑھاتے۔
واضح رہے کہ حمزہ علی عباسی ایک معروف پاکستانی ٹیلی ویژن اور فلم اداکار ہیں۔ ان کے مشہور ڈراموں میں ’میرے درد کو جو زبان ملے‘، ’من مائل‘، ’پیارے افضل‘ اور ’الف‘ ہیں۔ ان کی مشہور فلمیں ’جوانی پھر نہیں آنی‘، ’عمرو عیار‘ اور ’دی لیجنڈ آف مولا جٹ‘ ہیں۔
اداکار حال ہی میں ’جانِ جہاں‘ اور ’فرار‘ کے ساتھ ٹیلی ویژن اسکرین پر واپس آئے ہیں۔ حمزہ علی عباسی نے سابق اداکارہ نیمل خاور کے ساتھ 2019 میں شادی کرلی تھی۔ حمزہ کی اہلیہ نیمل نے بھی صرف ایک ڈرامے ’انا‘ میں کام کے بعد میڈیا انڈسٹری کو خیرباد کہہ دیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستانی ڈرامے حمزہ علی عباسی نیمل خاور.ذریعہ: WE News
کلیدی لفظ: پاکستانی ڈرامے حمزہ علی عباسی نیمل خاور حمزہ علی عباسی
پڑھیں:
نادرا نے عوام کیلئے ایک اور سہولت متعارف کرا دی
نیشنل ڈیٹا بیس اینڈ رجسٹریشن اتھارٹی کے مطابق شروع میں محدود پیمانے پر یونین کونسل میں نکاح کے آن لائن اندراج کا آغاز کیا گیا ہے۔ نادرا کا مقصد شہریوں کیلئے خدمات تک رسائی کو مزید آسان بنانا ہے۔ پاک آئی ڈی موبائل ایپ کے ذریعے نکاح کا اندراج متعلقہ یونین کونسل میں کروا یا جا سکتا ہے۔ اسلام ٹائمز۔ نادرا نے عوام کیلئے ایک اور سہولت متعارف کرا دی ہے۔ اب مخصوص یونین کونسل کے شہریوں کو گھر بیٹھے اپنے نکاح کا آن لائن اندارج کروانے کی سہولت حاصل ہو گی۔ نیشنل ڈیٹا بیس اینڈ رجسٹریشن اتھارٹی کے مطابق شروع میں محدود پیمانے پر یونین کونسل میں نکاح کے آن لائن اندراج کا آغاز کیا گیا ہے۔ نادرا کا مقصد شہریوں کیلئے خدمات تک رسائی کو مزید آسان بنانا ہے۔ پاک آئی ڈی موبائل ایپ کے ذریعے نکاح کا اندراج متعلقہ یونین کونسل میں کروا یا جا سکتا ہے۔
اندراج کے بعد اپنی شادی کا رجسٹریشن سرٹیفکیٹ موبائل ایپ کے آئی ڈی والٹ میں ڈاؤن لوڈ کر سکتے ہیں۔ ابتدائی طور پر نادرا نے یہ سہولت پنجاب کے تین ضلعوں جہلم، چکوال اور ننکانہ صاحب میں شہریوں کو دی ہے۔ چکوال کی 71، جہلم کی 44 اور ننکانہ صاحب کی 65 یونین کونسلز کے شہری اب اپنے گھروں میں آرام سے اس سہولت استفادہ کر سکتے ہیں۔ نادرا کے مطابق یہ سہولت مرحلہ وار پاکستان کے تمام شہریوں کو حاصل ہو جائے گی۔
سہیل آفریدی کی عمران خان سے پھر ملاقات نہ ہوسکی، توہین عدالت کی درخواست دائر کرنے کا اعلان