تہران یونیورسٹی نے بین الاقوامی سطح پر ملک کی 18 ٹاپ خواتین محققین کی فہرست جاری کر دی
اشاعت کی تاریخ: 18th, February 2025 GMT
رپورٹ کے مطابق ڈاکٹر فرنوش فریدبود اور ڈاکٹر فرزانہ شیمیرانی، فیکلٹی آف سائنس کی ممبران اور تہران یونیورسٹی کی فیکلٹی آف ٹیکنالوجی کی ڈاکٹر فریشتہ رشچی، دنیا کے سب سے زیادہ پڑھے جانے والے محققین کی فہرست میں شامل ہیں۔ اسلام ٹائمز۔ تہران یونیورسٹی نے اپنی 18 ٹاپ خواتین محققین کی فہرست جاری کی ہیں جو قومی اور بین الاقوامی سطح پر سب سے زیادہ پڑھے جانے والے محققین کی فہرست میں شامل تھیں۔ رپورٹ کے مطابق، اسلامک ورلڈ سائنس اینڈ ٹیکنالوجی مانیٹرنگ انسٹی ٹیوٹ نے تہران یونیورسٹی کی جانب سے بین الاقوامی سطح پر 18 ٹاپ خواتین محققین کی جاری کردہ فہرست سے آگاہ کیا۔ رپورٹ کے مطابق ڈاکٹر فرنوش فریدبود اور ڈاکٹر فرزانہ شیمیرانی، فیکلٹی آف سائنس کی ممبران اور تہران یونیورسٹی کی فیکلٹی آف ٹیکنالوجی کی ڈاکٹر فریشتہ رشچی، دنیا کے سب سے زیادہ پڑھے جانے والے محققین کی فہرست میں شامل ہیں، جنہیں ایلسیویئر اسٹینفورڈ نے 27 سال (1996-2023ء) کی مدت کے لئے شائع کیا۔ اسی طرح ویب آف سائنس (WoS) کے مطابق ڈاکٹر زہرہ امام جمعہ، ڈاکٹر مریم سلامی، فیکلٹی آف ایگریکلچر اینڈ نیچرل ریسورسز، ڈاکٹر اکرم حسینیان سراجیلو، فیکلٹی آف ٹیکنالوجی، ڈاکٹر فاطمہ یزدیان اور ڈاکٹر رقیہ قاسم پور، فیکلٹی آف انٹر ڈسپلنری سائنسز اینڈ ٹیکنالوجیز، ڈاکٹر ریحانہ لونی، فیکلٹی آف گورننس، بھی 10 سال کی مدت (2014-2024ء) کے دوران دنیا کے اعلیٰ درجے کی محققین میں شامل ہیں۔
اس کے علاوہ، شعبہ کیمسٹری کی ڈاکٹر سپیدہ خوئی، ڈاکٹر ہدیہ ساجدی اور ڈاکٹر میترا موسوی بھی ایلسیویئر اسٹینفورڈ کے 2023ء میں اعلیٰ درجے کے بین الاقوامی محققین میں شامل ہیں۔ اسی طرح ہیومینٹیز، سوشل سائنسز، آرٹ اور آرکیٹیکچر کے شعبوں میں ڈاکٹر بیتا مشایخی، ڈاکٹر الٰہہ حجازی، ڈاکٹر رضوان حکیم زادہ اور ڈاکٹر نرگس سادات سجادیہ، نیرز فیکلٹی آف سائیکالوجی اینڈ ایجوکیشنل سائنسز میں ڈاکٹر سہیلہ صدیقی، قانون اور سیاسیات کے شعبے میں پروفیسر الہٰہ کولائی، 2013ء سے 2014ء تک قومی سطح پر سب سے زیادہ پڑھے جانے والے محققین میں شامل ہیں۔تہران یونیورسٹی کی 18 خواتین محققین کا عالمی سطح پر سرفہرست قرار پانا اس بات کا ثبوت ہے کہ دشمنوں کے پروپیگنڈوں کے برعکس اسلامی جمہوریہ ایران خواتین کو زندگی کے تمام شعبوں میں آگے بڑھنے میں بھرپور مدد فراہم کرتا ہے۔
ذریعہ: Islam Times
کلیدی لفظ: محققین کی فہرست خواتین محققین بین الاقوامی میں شامل ہیں اور ڈاکٹر کے مطابق
پڑھیں:
عمرہ زائرین ہوشیار! مصدقہ کمپنیوں کی فہرست جاری کردی گئی
اسلام آباد:وفاقی وزارت مذہبی امور نے عمرہ زائرین کو اہم ہدایات کے ساتھ 113 مصدقہ عمرہ کمپنیوں کی فہرست جاری کردی ہے۔
ترجمان وزارت مذہبی امور کی جانب سے جاری بیان میں کہا گیا کہ مصدقہ کمپنیوں کی فہرست جاری کردی گئی ہے لہٰذا پہلے وزارت مذہبی امور کی ویب سائٹ سے تصدیق اور پھر بکنگ کرائیں۔
ترجمان نے بتایا کہ وزارت مذہبی امور نے 113 مصدقہ عمرہ کمپنیوں کی فہرست جاری کر دی ہے، عمرہ کمپنیوں کی فہرست اسلامی سال 1447 ہجری کے لیے قابل عمل ہے۔
انہوں نے کہا کہ رقم کی ادائیگی صرف بینک کے ذریعے کمپنی اکاؤنٹ میں کی جائے، عمرہ زائرین کمپنی سے ادائیگی رسید اور معاہدے کی کاپی لازمی حاصل کریں۔
ترجمان نے بتایا کہ عمرہ کمپنیوں سے ویزہ، فضائی ٹکٹ، ٹرانسپورٹ اور رہائش پر مشتمل مکمل پیکج بک کرایا جائے۔
مالی مفاد حب الوطنی پر غالب: بھارت ایشیا کپ میں پاکستان سے کھیلنے پر آمادہ