ٹھٹھہ کے سینئر صحافی کو پولیس کی دھمکیاں ،صحافیوں کا مذمتی اجلاس
اشاعت کی تاریخ: 19th, February 2025 GMT
ٹنڈو محمد خان(نمائندہ جسارت) ٹھٹھہ کے سینئر صحافی تازہ گل درانی کو پولیس کی جانب سے دھمکیاں دینے کے خلاف ایک مذمتی اجلاس پریس کلب میں منعقد ہوا جس میں صحافیوں کی بڑی تعداد نے شرکت کی ۔اس موقع پر ڈسٹرکٹ پریس کلب کے جنرل سیکرٹری اور حیدرآباد یونین آف جرنلسٹ کے جوائنٹ سیکرٹری مظفر خان رند نے خطاب کرتے ہوئے کہا کہ ٹھٹھہ کے سینئر صحافی تازہ گل درانی کو پولیس کی جانب سے دھمکیاں دیے جانے کی مذمت کرتے ہیں اور ڈی آئی جی حیدرآباد سے مطالبہ کرتے ہیں کہ سینئر صحافی تازہ گل کو دھمکیاں دینے والے ایس ایچ او کے خلاف فوری کاروائی کی جائے۔
.ذریعہ: Jasarat News
کلیدی لفظ: سینئر صحافی
پڑھیں:
آزادانہ اور ذمہ دارانہ صحافت کے مابین توازن قائم رکھنا صحافی کی ذمہ داری ہے، مظہر سعید
ان خیالات کا اظہار انہوں نے سینٹرل پریس کلب مظفرآباد کی نومنتخب انتظامیہ کی تقریب حلف برداری سے خطاب کرتے ہوئے کیا۔ اسلام ٹائمز۔ وزیر اطلاعات آزاد حکومت ریاست جموں و کشمیر پیر محمد مظہر سعید شاہ نے کہا ہے کہ صحافت مقدس امانت اور شعور کی بہت بڑی طاقت ہے، آزادانہ اور ذمہ دارانہ صحافت کے مابین توازن قائم رکھنا صحافی کی ذمہ داری ہے۔ سچ پر کوئی پابندی نہیں ہے، جس معاشرے میں سچ پر پابندی ہو وہ تباہ و برباد ہو جاتا ہے، سچ ایک موتی ہے اس کو بدتمیزی، بدتہذیبی اور ذاتی خواہشات کے کیچڑ میں لپیٹا جائے تو بداخلاقی بن جاتا ہے اور معاشرے میں انتشار کا باعث بنتا ہے۔ سینٹرل پریس کلب مظفرآباد کے نومنتخب عہدیداران کو مبارکباد پیش کرتا ہوں۔ ان خیالات کا اظہار انہوں نے سینٹرل پریس کلب مظفرآباد کی نومنتخب انتظامیہ کی تقریب حلف برداری سے خطاب کرتے ہوئے کیا۔ سینٹرل پریس کلب کی نو منتخب انتظامیہ سے وزیراعظم آزاد کشمیر چوہدری انوارالحق نے حلف لیا۔ تقریب میں اسپیکر آزاد جموں و کشمیر قانون ساز اسمبلی چوہدری لطیف اکبر، موسٹ سینئر وزیر کرنل ریٹائرڈ وقار احمد نور، وزراء حکومت اظہر صادق، چوہدری محمد رشید، سید بازل نقوی، اکمل حسین سرگالہ سمیت سیاسی و سماجی شخصیات، سیکرٹری اطلاعات سردار عدنان خورشید، ناظم تعلقات عامہ راجہ امجد حسین منہاس سمیت سینٹرل پریس کلب کے ممبران نے شرکت کی۔
وزیر اطلاعات آزاد کشمیر پیر محمد مظہر سعید شاہ نے کہا کہ پریس کلب اختلاف رائے کے احترام اور میڈیا کی نرسری ہے۔ پریس کلب کے عہدیداران نئے آنے والوں کے لیے رول ماڈل ہیں۔ انہوں نے کہا کہ پریس کلب کا کام صرف مسائل کی نشاندہی ہی نہیں کرتا بلکہ حل کی بھی رہنمائی کرتا ہے اور ریاست اور عوام کے درمیان پل کا کردار ادا کرنا ہے۔ جن مسائل کی نشاندہی کی جائے گی حکومت کی ذمہ داری ہے کہ ان مسائل کو حل کرنے کے لیے تندہی سے کام کرے، موجودہ حکومت عوامی مسائل کے حل کیلئے رو بہ عمل ہے۔
کنگ سلمان ریلیف نے آزاد جموں و کشمیر میں 4,000 متاثرہ خاندانوں میں شیلٹر این ایف آئی کٹس کی تقسیم مکمل کر لی