ٹرمپ مسلمانوں کے امریکا میں داخلے پر پابندی عاید کرسکتے ہیں‘ رپورٹ
اشاعت کی تاریخ: 19th, February 2025 GMT
واشنگٹن (مانیٹرنگ ڈیسک) امریکا کی پارلیمان میں ایک ایسا بل پیش کیا گیا جو صدر مملکت کو مذہب کی بنیاد پر سفری پابندیاں عاید کرنے سے روک سکتا ہے۔ عالمی خبر رساں ادارے کے مطابق نیشنل اوریجن بیسڈ اینٹی ڈسکرمنیشن فار نان امیگرینٹس نامی بل کانگریس میں اپوزیشن جماعت کی رکن جوڈی چو اور سینیٹر کرس کونز نے جمع کرایا ہے۔ اس بل کے منظور ہونے کی صورت میں صدرِ مملکت کو مذہب کی بنیاد پر سفری پابندیاں لگانے سے روکنے کے لیے امیگریشن اینڈ نیشنلٹی ایکٹ کو مزید مضبوط بنایا جا سکے گا۔ یہ بل اس بات کو بھی یقینی بنائے گا کہ امریکا میں داخلے پر پابندی کانگریس کے مشورے سے اور صرف مخصوص اور مستند شواہد کی بنیاد پر عاید کی جاسکے گی۔بل جمع کروانے والی رکن جوڈی چو نے کہا ہے کہ مسلمانوں پر سفری پابندی تعصب اور اسلاموفوبیا پر مبنی اور ہماری قومی تاریخ پر ایک بدنما داغ تھا۔ ڈیموکریٹ رکن جوڈی چو نے مزید کہا کہ اس متعصبانہ عمل سے لاتعداد مسلم خاندانوں کو ناقابلِ تلافی نقصان پہنچا تھا۔ انہوں نے مزید کہا کہ صدر ٹرمپ انتخابی مہم میں کیے گئے وعدے کو پورا کرتے ہوئے ایک بار پھر سفری پابندی لگانے کا ارادہ رکھتے ہیں۔ ڈیموکریٹ رکن نے مزید کہا کہ ہمارے جمع کرائے گئے اس NO BAN ایکٹ کو دوبارہ متعارف کروانے سے مستقبل میں کسی بھی صدر کو مذہب کی بنیاد پر پابندیاں لگانے سے روکا جا سکے گا۔ سینیٹر کرس کونز نے کہا کہ ٹرمپ کے پہلے دورِ حکومت میں مسلمانوں پر سفری پابندی کے نفاذ نے عالمی سطح پر امریکا کی ساکھ کو نقصان پہنچایا تھا۔ امریکی سینیٹر نے مزید کہا کہ ٹرمپ نے اپنے دوسرے دورِ اقتدار کے آغاز سے ہی ایک بار پھر امیگریشن پالیسی کو خوف اور تعصب کی بنیاد پر چلا رہے ہیں۔ سینیٹر کرس کونز نے کہا کہ اس لیے No Ban ایکٹ کا نفاذ اب پہلے سے کہیں زیادہ ضروری ہو گیا ہے تاکہ متعصبانہ پالیسیوں کے نفاذ کو روکا جا سکے۔ یاد رہے کہ امریکی صدر نے حلف اْٹھاتے ہی حکم نامہ جاری کیا تھا جس میں 2 ماہ کے اندر امیگریشن اور اسکریننگ کے عمل میں خامیوں کے حامل ممالک کی نشاندہی کرنا ہوگی۔ خیال ظاہر کیا جا رہا ہے کہ ڈونلڈ ٹرمپ اس اقدام کا بہانہ بناتے ہوئے ایک نئی سفری پابندیوں کے نفاذ کا ارادہ رکھتے ہیں۔
.ذریعہ: Jasarat News
کلیدی لفظ: پر سفری پابندی نے مزید کہا کہ کی بنیاد پر
پڑھیں:
ہم پاکستان کو فارما، لیدر، پلاسٹک، کیمیکلز، چائے برآمد کرسکتے ہیں، بنگلہ دیشی ڈپٹی ہائی کمشنر
کراچی:کراچی میں تعینات بنگلہ دیشی ڈپٹی ہائی کمشنر محبوب العالم نے کہا ہے کہ پاکستان کے ساتھ آئی ٹی، سیمنٹ، فارما، کیمیکل اور جوٹ سمیت دیگر شعبہ جات میں مشترکہ منصوبوں کے وسیع امکانات ہیں جبکہ تجارتی حجم میں بھی اضافہ متوقع ہے۔
حیدر آباد اور میر پور خاص ڈویژن کے دورے کے موقع پر تاجروں، صنعت کاروں، صحافیوں اور سول سوسائٹی کے نمائندگان سے ملاقات میں بنگلہ دیشی ڈپٹی ہائی کمشنر کا کہنا تھا کہ ہم پاکستان کو جوٹ اور جوٹ کی مصنوعات،فارما سیوٹیکل، لیدر، پلاسٹک، سرامک، دست کاری، کیمیکلز، چائے، انناس، اسکریپ، برتن، ٹیکسٹائل فائبر اور دیگر مصنوعات بر آمد کرسکتے ہیں۔
انہوں نے کہا کہ دو طرفہ تجارت میں معدنیات، ٹیکسٹائل، انڈسٹریل مشینری، زرعی مصنوعات، آلات جراحی، سرامکس، کھیلوں کے سامان، چاول، چینی، پیاز، کھجور اور لیموں کی تجارت کو مزید وسعت دینے کے وسیع امکانات ہیں، ستمبر میں ڈھاکا میں میڈ ان پاکستان نمائش دونوں ممالک کے درمیان تجارت میں اضافے کی نئی راہیں کھولیں گی، دونوں ممالک کے درمیان براہ راست پروازوں کے سلسلے میں بھی متعدد فضائی کمپنیوں نے دلچسپی ظاہر کی ہے، بعض فضائی کمپنیاں پاکستان سے براستہ دبئی بنگلہ دیش کیلئے پروازیں چلانا چاہتی ہیں تاہم ہماری خواہش ہے کہ یہ پروازیں بالکل براہ راست ہوں۔
بنگلہ دیشی ڈپٹی ہائی کمشنر نے کہا کہ ہم روایتی اشیاء کے ساتھ ساتھ غیر روایتی اشیاء کی تجارت میں اضافے کے بھی خواہاں ہیں اور اس ضمن میں روایتی پارٹنرز کے ساتھ ساتھ غیر روایتی شراکت دار بھی ڈھونڈ رہے ہیں، اندرون سندھ کے مختلف اضلاع کا دورہ بھی اسی سلسلے کی ایک کڑی ہے، حیدر آباد، جامشورو، میرپورخاص، لاڑکانہ، عمر کوٹ اور سندھ کے دیگر اضلاع سے تعلق رکھنے والے تاجروں نے بنگلہ دیش کے دورے کی خواہش کا اظہار کیا ہے، ہم اس کا خیر مقدم کرتے ہیں اور پاکستانیوں کیلئے بنگلہ دیش کے ویزا کے حصول میں حائل تمام رکاوٹیں دور کرنے کیلئے پُرعزم ہیں۔
سول سوسائٹی ارکان نے اگست 2019ء کے بعد کے اقدامات کو مسترد کر دیا