صدر ٹرمپ کا بھارتی مصنوعات پر 25 ٹیرف عائد کرنے کا عندیہ
اشاعت کی تاریخ: 30th, July 2025 GMT
وا شنگٹن(اردوپوائنٹ اخبارتازہ ترین-انٹرنیشنل پریس ایجنسی۔30 جولائی ۔2025 )امریکی صدر ڈونلڈ ٹرمپ نے بھارتی مصنوعات پر 25 ٹیرف عائد کرنے کا عندیہ دیا ہے ایئر فورس ون پر صحافیوں سے گفتگو کے دوران صدر ٹرمپ سے سوال کیا گیا کہ کیا وہ بھارت پر 25 فیصد ٹیرف عائد کرنے جا رہے ہیں؟جس پر صدر ٹرمپ نے کہا کہ ان کے خیال میں ایسا ہونے والا ہے.
(جاری ہے)
انہوں نے کہا کہ بھارت ایک اچھا دوست رہا ہے لیکن کسی بھی دوسرے ملک کے مقابلے میں بھارت نے کہیں زیادہ ٹیرف لگائے ہیں یاد رہے کہ امریکی صدر نے متعدد ممالک پر یکم اگست سے اضافی ٹیرف لگانے کی دھمکی دی ہے امریکہ اور یورپی یونین کے درمیان تجارتی معاہدے اور یورپی کمیشن کی صدر ارسولا وان ڈیر لیین کے ساتھ سکاٹ لینڈ میں مذاکرات کے بعدصدر ٹرمپ نے اعلان کیاتھا کہ یورپی یونین سے امریکہ برآمد کی جانے والی تمام اشیا پر 15 فیصد ٹیرف عائد ہو گا. اس سے قبل امریکہ دیگر کئی ممالک بشمول جاپان، برطانیہ، انڈونیشیا اور کمبوڈیا کے ساتھ کامیابی سے تجارتی معاہدے طے کر چکا ہے تاہم اب بھی کئی مشکل مذاکرات رہتے ہیں جن میں چین، میکسیکو اور کینیڈا کے ساتھ ممکنہ تجارتی معاہدے شامل ہیں. یورپی یونین کے ساتھ معاہدے پر اتحاد کے دو اہم ممالک فرانس اور اٹلی اپنے تحفظات کا اظہار کرچکے ہیں اٹلی کی وزیراعظم جارجیا میلونی نے صحافیوں سے گفتگو میں معاہدے کو غیرمنصفانہ اور دھونس قراردیا انہوں نے کہا کہ اٹلی معاہدے کی تفصیلات سامنے آنے کے بعد اپنا تفصیلی ردعمل دے گا دوسری جانب فرانس کے وزیرتجارت بھی ردعمل میں معاہدے پر عدم اطیمنان کا اظہار کرچکے ہیں. رپورٹ میں بتایا گیا ہے کہ فرانس اور اٹلی کے علاوہ یورپی یونین کے رکن کئی ممالک اس معاہدے پر خوش نہیں ہیں اور معاہدے پر نظرثانی کے لیے امریکا اور یورپی یونین کے درمیان دوبارہ مذکرات کا امکان ہے تاہم مجوزہ معاہدے میں یورپی یونین روس سے تیل اور گیس خریدنے کی صورت میں یونین کے رکن ممالک پر امریکی پابندیاں اثراندازنہیں ہونگی. دوسری جانب امریکی ماہرین کا کہنا ہے کہ امریکا دنیا میں اپنا اعتماد ختم کررہا ہے اور تاثردیا جارہا ہے کیونکہ امریکا نے پانچ سال کے اندر ہی کینیڈا اور میکسیو سمیت خطے کے ممالک کے درمیان طے پانے والے اٹلانٹک تجارتی معاہدے یکطرفہ طور پر علیحدگی اختیار کرلی صدر کلنٹن کی کابینہ میں وزیرلیبراور ماہراقتصادی امور پروفیسررابرٹ ریچ کا کہنا ہے کہ تجارتی جنگ میں نقصان امریکا اور امریکی شہریوں کا ہی ہوگا عالمی برداری میں امریکا کی طویل مدت سے بنائی ساکھ متاثرہورہی ہے دوسری جانب امریکا میں چھوٹے کاروبار سے لے کر اربوں پتی کارپوریشنزتک کا بڑی حد تک انحصار چین پر ہے اور عالمی منڈیوں میں چین کو اجارہ داری قائم کرنے میں خود واشنگٹن نے مدد دی تھی . انہوں نے کہا کہ یورپ ‘جاپان‘کوریا‘کینیڈا‘آسٹریلیا ‘میکسیو سمیت دنیا بھر میں دیگر اتحادیوں کے ساتھ تجارتی تعلقات میں بڑے پیمانے پر ردوبدل کے نتائج صرف تجارت تک محدودنہیں رہیں گے بلکہ جاپان جیسے ملک جو اپنے دفاع میں امریکا پر انحصار کرتے ہیں وہ دفاعی معاملات پر بھی ترجیحات کو تبدیل کرنے کے بارے میں سوچیں گے. جاپان میں سابق امریکی سفیر اور صدر اوبامہ کے عہد میں وائٹ ہاﺅس کے چیف آف سٹاف کے طو ر پر خدمات انجام دینے والے امریکی ماہر راحم ایمانوئل بھی پروفیسر ریچ سے اتفاق کرتے ہیں ان کا کہنا ہے جاپان کے ساتھ تعلقات کو فروغ دینے اور سرمایہ کاری کے لیے انہوں نے دونوں ملکوں کے درمیان متعدداہم معاہدوں کو یقینی بنایا ان کا خیال ہے کہ ٹوکیو کے ساتھ تعلقات امریکا کے لیے انتہائی اہم ہیں ملکوں کے درمیان تجارتی عدم توازن رہتا ہے مگر اسے سخت گیر پالسیوں کی بجائے دوستانہ اندازمیں سفارتی چینلزکے ذریعے حل کیا جانا چاہیے. سابق سفیر ایمانوئل کے نزدیک سفارتی چینلزکے ذریعے بات چیت زیادہ مفید ہوتی ہے اور دوست ممالک کے ساتھ رازدرانہ سفارتی چینلزکے ذریعے ہی مذکرات ہونے چاہیں تھے مگر کھلے عام میڈیا پر نام لے کر تنقید کرنے سے یقینی طور پر بہت سارے دوست ممالک کے ساتھ تعلقات خطرے میں پڑنے کا اندیشہ ہے .
ذریعہ
ذریعہ: UrduPoint
کلیدی لفظ: تلاش کیجئے یورپی یونین کے تجارتی معاہدے کے درمیان ٹیرف عائد معاہدے پر نے کہا کہ انہوں نے کے ساتھ کی صدر
پڑھیں:
صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ
صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ WhatsAppFacebookX 0 23 July, 2026 سب نیوز
نیویارک (آئی پی اس )امریکی وزیرخارجہ مارکوروبیو نے متنبہ کیا کہ صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کے ساتھ بھاری قیمت چکانا ہوگی۔امریکی وزیر خارجہ مارکو روبیو نے منیلا میں صحافیوں سے بات چیت کرتے ہوئے کہا کہ امریکا نے ایران کے ساتھ ڈیل کی پاسداری کی، ایران اس وقت امریکا کے ساتھ ڈیل کے لیے تیار نہیں، ممکن ہے کہ اگلے چند دنوں میں اپنا مقف تبدیل کر لے، انہوں نے ساتھ ہی خبردار کیا کہ صورتحال برقرار رہی تو ایران کو اس کی بھاری قیمت چکانا ہوگی۔
مارکو روبیو کا کہنا تھا جب بھی ایران امریکا ڈیل ہوتی ہے اسے ایران کو چلانے والے لوگ خراب کردیتے ہیں، انہوں نے دعوی کیا کہ ایران اب بھی ڈیل کے لیے براہِ راست اور بالواسطہ درخواستیں کر رہا ہے، ایران چاہے تو مشرق وسطی کا امیر ترین ملک بن سکتا ہے لیکن اسے چلانے والے انتہا پسند مذہبی رہنماں کو معاشی معاملات کا علم ہی نہیں، انہیں دلچسپی حزب اللہ، حماس، حوثیوں اور دیگر ملیشیاں کو رقومات دینے میں ہے جن کی سرپرستی میں دہشت گردی ہوتی ہے ۔
مارکو روبیو کا حوثیوں کے حوالے سیکہنا تھا کہ ایران نے حوثیوں کو اس تنازع میں شامل کردیا ہے، اب دیکھتے ہیں آگے کیا ہوتا ہے، امید ہیحوثی حملے روک دیں گے۔مارکو روبیو نے سعودی عرب کو امریکا کا اہم اسٹریٹجک شراکت دار قرار دیتے ہوئے کہا کہ سعودی عرب کے ساتھ جوہری معاہدہ کرنا قابل فہم ہے، مارکوروبیو کا کہنا تھا کہ سعودی عرب پر امن سول جوہری پروگرام چاہتا ہے، سعودی عرب یا دیگر ممالک کے ساتھ کسی بھی سول جوہری معاہدے میں حفاظتی اقدامات شامل ہوں گے، سول جوہری معاہدے کانگریس کی منظوری سے ہوں گے۔
مارکوروبیو کا صحافیوں سے گفتگو کرتے ہوئے کہنا تھا کہ عالمی فوجداری عدالت میں پاگل اورجنونی لوگ ہیں، امریکا اس کا حصہ نہیں بنے گا، اگر اگر لوگ اس احمق تنظیم کا حصہ بننا چاہتے ہیں تو وہ ایسا کر سکتے ہیں لیکن ہم اس کا حصہ نہیں بنیں گے اور وہ امریکی شہریوں پر اپنے دائرہ اختیار کا اطلاق نہیں کر سکیں گے۔ یوکرین روس جنگ سے متعلق امریکی وزیرخارجہ نے کہا کہ روس یوکرین جنگ میں بہت خونریزی ہوئی، یوکرین نے اس کی بہت بھاری قیمت اداکی ہے، امریکا یوکرین جنگ کے خاتمیکے لیے تعمیری کردارادا کرنیکے لیے تیار ہے۔ چین کے ساتھ تعلقات پر بات کرتے ہوئے مارکوروبیو کا کہنا تھا کہ چین کیساتھ اچھے تعلقات چاہتے ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا اگلی خبرپاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید عاصم منیر پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
بھارت سے جنگ اور افغانستان میں کارروائی خارج ازامکان نہیں، وزیردفاع