بھارت: ٹریفک سے پریشان طالبعلم بذریعہ پیرا گلائیڈنگ امتحانی مرکز پہنچ گیا
اشاعت کی تاریخ: 19th, February 2025 GMT
ٹریفک میں پھنس کر تاخیر کا شکار ہونا ایک عام مسئلہ ہے لیکن اب بھارتی طالب علم نے اس پریشانی کا منفرد حل ڈھونڈ نکالا ہے۔
سوشل میڈیا کے مختلف پلیٹ فارمز پر بھارتی ریاست مہاراشٹرا سے تعلق رکھنے والے طالبِ علم کی ایک ویڈیو وائرل ہو رہی ہے۔
وائرل ویڈیو میں ٹریفک میں پھنسے طالبِ علم کو امتحانی مرکز پہنچنے کے لیے انوکھا طریقہ اپناتے ہوئے دیکھا گیا۔
مذکورہ طالبِ علم یوں تو سمرتھ مہانگڑے کالج میں زیرِ تعلیم ہے لیکن گزر بسر کے لیے پیرا گلائیڈنگ کے مقام پر گنے کے جوس کا اسٹال لگاتا ہے۔
امتحان سے 15 سے 20 منٹ قبل تک طالبِ علم اسٹال پر جوس فروخت کرتا رہا اور جب اسے یہ احساس ہوا کہ وہ ٹریفک کی وجہ سے بر وقت امتحانی مرکز نہیں پہنچ پائے گا تو اس نے امتحانی مرکز پہنچنے کے لیے پیرا گلائیڈنگ کا انتخاب کیا تاکہ ٹریفک جام سے بچتے بچاتے سیدھا امتحانی مرکز پر لینڈ کرے۔
وائرل ویڈیو میں دیکھا جا سکتا ہے کہ طالب علم اپنے امتحانی مرکز کے قریب بر وقت اور باحفاظت لینڈ کر گیا۔
.ذریعہ: Daily Mumtaz
پڑھیں:
پہلگام واقعہ، بھارت پاکستان مخالفت میں جعلی تصاویر پھیلانے لگا
بھارت کے پاکستان مخالف پروپیگنڈے میں اب اے آئی سے بھی مدد لی جارہی ہے ۔ مقبوضہ کشمیر کے پہلگام میں ہونے والے حالیہ دہشت گردی کے حملے میں سوشل میڈیا پر اے آئی سے بنی جعلی تصاویر وائرل ہورہی ہیں۔غیرملکی خبررساں ادارے کے مطابق سوشل میڈیا پر وائرل ہونے والی تصاویر میں پہلگام واقعے میں قتل ہونے والے افراد کی لاشیں دکھائی گئی ہیں جو کہ تمام تصاویر مصنوعی ذہانت سے بنائی گئی ہیں اور اصلی نہیں ہیں۔ لیکن ان تصاویر کو اصل واقعے سے جوڑ کر پیش کیا جارہا ہے ۔فیکٹ چیک ٹیم نے ان تصاویر کو AI مواد کی شناخت کرنے والے ٹولز کے ذریعے چیک کیا۔ زیادہ تر ٹولز نے ننانوے فیصد یہ امکان ظاہر کیا کہ یہ تصاویر مصنوعی ہیں اور AI سے بنائی گئی ہیں۔دہشت گردی کے حملے پر میڈیا کی وسیع کوریج میں ہمیں اس قسم کی کوئی تصاویر نظر نہیں آئیں۔ تصاویر میں چہروں کی غیر واضح تفصیلات اور چمکدار ساخت بھی ان کے مصنوعی ہونے کی نشاندہی کرتی ہیں۔سوشل میڈیا پر حملے کی جگہ کی مزید کچھ تصاویر وائرل ہوئی ہیں۔ ان میں سے ایک پوسٹ کو اب تک 26,100 سے زائد مرتبہ دیکھا جاچکا ہے ۔ ہم نے ان تصاویر کو بھی چیک کیا لیکن یہ سب تصاویر بھی جعلی ثابت ہوئیں۔تمام دستیاب شواہد سے ثابت ہوتا ہے کہ پہلگام حملے سے متعلق وائرل ہونے والی یہ تصاویر اصلی نہیں بلکہ AI ٹیکنالوجی کے ذریعے بنائی گئی ہیں۔ میڈیا رپورٹس میں اس قسم کی کوئی تصاویر دستیاب نہیں ہیں۔سوشل میڈیا پر بھارتی صارفین کی جانب سے پاکستان مخالف پروپیگنڈے میں اے آئی سے بنی ان جعلی تصاویر کا بھی استعمال کیا جارہا ہے۔
پی سی بی چیئرمین بننے کی خواہش نہیں، اگر کبھی بنا تو ملک کے لیے بنوں گا، شاہد آفریدی