بھارتی بولر محمد سیراج کا مشہور گلوکارہ کی پوتی سے تعلق کی افواہیں؟ ردعمل بھی آگیا
اشاعت کی تاریخ: 19th, February 2025 GMT
MUMBAI:
بھارت کی کرکٹ ٹیم کے فاسٹ بولر محمد سیراج چمپیئنز ٹرافی کے لیے ٹیم میں جگہ نہ بناسکے تاہم اس دوران ان کے مشہور گلوکارہ کی پوتی سے تعلقات کی افواہیں گردش کر رہی ہیں تاہم دونوں نے سوشل میڈیا پر وضاحت بھی کر دی ہے۔
بھارتی میڈیا کی رپورٹ کے مطابق افواہیں گردش کر رہی ہیں کہ مشہور گلوکارہ آشا بھوسلے کی پوتی زینی بھوسلے اور محمد سیراج کے تعلقات ہیں اور وہ چند ایک مقامات پر ایک ساتھ نظر بھی آئے ہیں۔
رپورٹ میں بتایا گیا کہ زینی بھوسلے اور محمد سیراج کو ایک ساتھ گاتے ہوئے بھی دیکھا گیا اور دونوں نے مذکورہ ویڈیو سوشل میڈیا پر بھی جاری کردی ہے، دونوں زینی کے نئے البم کے ایک گانے کو مل کر گا رہے ہیں۔
View this post on InstagramA post shared by Zanai Bhosle???? (@zanaibhosle)
افواہوں کو اس وقت مزید تقویت ملی جب انسٹاگرام پر زینی نے ویڈیو کے ساتھ لکھا کہ اس شخصیت کے لیے جو ہم میں سے اکثر لوگوں کو اپنے خوابوں کی پیروی کرنے کا سبب بنا، آپ بہترین ہیں۔
محمد سیراج اس دوران عمرے کی ادائیگی کے لیے سعودی عرب میں موجود ہیں اور انسٹاگرام پر خانہ کعبہ سے اپنی تصویر جاری کی اور اللہ کا شکر ادا کیا، اس پر زینی بھوسلے نے دل کے ایموجی بھیجے، جس پر میڈیا میں بھی بڑھا چڑھا کر کہا گیا کہ دل کے تین ایموجیز بھیجے ہیں۔
View this post on InstagramA post shared by Mohammed Siraj (@mohammedsirajofficial)
زینی اور سیراج کے تعلقات میں ہونے کی افواہوں کے دوران ہی وضاحت سامنے آگئی اور دونوں نے مزید مشکل سے بچنے کے لیے ایک دوسرے کے لیے جذبات کے اظہار کی وجوہات بھی بتائیں۔
زینی بھوسلے نے انسٹاگرام اسٹوری پر سیراج کو مینشن کرکے رومن میں لکھا ‘میرے پیارے بھائی’، جس پر فاسٹ بولر نے بھی انہیں ‘بہنا’ کہہ کر پکارا۔
واضح رہے کہ محمد سیراج کو بھارتی ٹیم کے بولنگ اٹیک کا مضبوط حصہ تصور کیا جاتا ہے لیکن حیران کن طور پر سلیکٹرز نے انہیں چیمپیئنز ٹرافی کے لیے نظرانداز کیا، جس پر سابق بھارتی کرکٹرز نے بھی تنقید کی ہے۔
عرفان پٹھان نے کہا کہ جب جسپریت بمراہ فٹنس مسائل سے دوچار ہوں تو ایسے میں سیراج کو چمپیئنز ٹرافی میں ٹیم میں شامل ہونا چاہیے تھا۔
.ذریعہ: Express News
کلیدی لفظ: زینی بھوسلے سیراج کو کے لیے
پڑھیں:
فرانس: داعش سے تعلق کے شبے میں افغان شہری کو گرفتار کرلیا گیا
فرانس میں 20 سالہ افغان شہری کو دہشتگرد تنظیم داعش سے تعلق کے شبے میں گرفتار کرلیا گیا۔
ہفتے کے روز جاری بیان میں کہا گیا کہ ملزم پر دہشتگرد تنظیم میں شمولیت اور دہشتگردی کی سرگرمیوں کی مالی معاونت کے الزامات عائد کیے گئے ہیں۔
یہ بھی پڑھیں: پاکستان میں دہشتگردی کے پیچھے طالبان حکومت کے حمایت یافتہ افغان باشندے ملوث ہیں، اقوام متحدہ کی رپورٹ
ملزم کو گزشتہ ہفتے شہر لیون سے گرفتار کیا گیا تھا اور اب اسے تحقیقات مکمل ہونے تک حراست میں رکھا گیا ہے۔
انسدادِ دہشت گردی یونٹ کے مطابق گرفتار نوجوان واضح طور پر جہادی نظریات کا حامی تھا اور اس پر داعش خراسان گروپ سے رابطے کا شبہ ہے۔
پراسیکیوشن کے مطابق ملزم پر الزام ہے کہ وہ اس دہشتگرد تنظیم کے لیے فنڈز بھیجتا رہا اور اس کی پروپیگنڈا مہم کے لیے ترجمہ اور مواد کی ترسیل میں معاونت کرتا رہا۔
داعش خراسان افغانستان میں سرگرم ہے اور پاکستان سمیت وسطی ایشیائی ممالک جیسے ازبکستان میں بھی کام کرتی ہے۔ یہ گروہ افغانستان اور روس میں بڑے مہلک حملوں کی ذمہ داری قبول کر چکا ہے، جن میں مارچ 2024 میں ماسکو کے کنسرٹ ہال پر حملہ بھی شامل ہے جس میں 150 افراد ہلاک ہوئے تھے۔
فرانسیسی اخبار کے مطابق یہ افغان شہری چند سال قبل فرانس آیا تھا اور اسے اس وقت گرفتار کیا گیا جب وہ پہلے ہی لیون میں ایک انتظامی حراستی مرکز میں موجود تھا۔
مزید پڑھیں: مجھے دہشتگردی کے لیے پاکستان بھیجا گیا، افغان دہشتگرد کے اعتراف پر ویڈیو منظر عام پر آگئی
رپورٹ کے مطابق مشتبہ شخص پچھلے کچھ عرصے سے دہشت گردی کی حمایت کے الزام میں زیرِ تفتیش تھا اور ٹک ٹاک اور اسنیپ چیٹ جیسی سوشل میڈیا پلیٹ فارمز پر انتہا پسندانہ مواد ایڈیٹ اور شیئر کرتا تھا۔
گزشتہ ایک دہائی کے دوران فرانس بارہا شدت پسند حملوں کا نشانہ بنتا رہا ہے جن میں اکثر حملے القاعدہ اور داعش سے متاثر افراد نے کیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews افغان شہری داعش سے تعلق دہشتگرد گرفتار فرانس وی نیوز
پرنس اینڈریو کے جرائم پیشہ لوگوں سے تعلقات اور جنسی زیادتیاں، شاہی محل میں تنازع شدت اختیار کر گیا