ڈیلٹا ایئر لائنز کا ٹورنٹو میں حادثے کا شکار ہونے والوں کو 30 ہزار ڈالر دینے کا اعلان
اشاعت کی تاریخ: 20th, February 2025 GMT
نیویارک: امریکی ایئرلائن ڈیلٹا نے اعلان کیا ہے کہ رواں ہفتے ٹورنٹو میں لینڈنگ کے دوران حادثے کا شکار ہونے والے پرواز کے تمام مسافروں کو30 ہزار ڈالر فی مسافر ادا کرے گی۔
غیر ملکی میڈیا رپورٹس کےمطابق
کمپنی کے ترجمان نے کہاکہ حادثے کا شکار ہونے والے مسافروں کو 30,000 ڈالر کی پیشکش کی جا رہی ہے، یہ معاوضہ “کسی بھی شرط کے بغیر” دیا جا رہا ہے اور اس سے مسافروں کے قانونی حقوق پر کوئی اثر نہیں پڑے گا۔
ڈیلٹا کے چیف ایگزیکٹو ایڈ بسٹین نے کہاکہ تین دن گزرنے کے باوجود حادثے کی وجوہات سے متعلق تفصیلات ابھی تک سامنے نہیں آئیں، پرواز ایک تجربہ کار عملے کے ساتھ تھی،” تاہم انہوں نے مزید تفصیلات فراہم نہیں کیں۔
دوسری جانب کینیڈا کی ایک قانونی فرم روچون جینووا نے تصدیق کی ہے کہ وہ کچھ متاثرہ مسافروں کی نمائندگی کر رہی ہے، جو ایئرلائن سے مزید ہرجانہ حاصل کرنے پر غور کر رہے ہیں، بین الاقوامی ہوابازی کے قوانین کے مطابق جب کوئی حادثہ زخمیوں یا اموات کا باعث بنتا ہے، تو ایئرلائنز پر لازم ہوتا ہے کہ وہ متاثرہ مسافروں کو ابتدائی مالی معاونت فراہم کریں۔
خیال رہےکہ گزشتہ دنوں ڈیلٹا فلائٹ 4819 نے جب ٹورنٹو پیئرسن انٹرنیشنل ایئرپورٹ پر لینڈنگ کی کوشش کی تو طیارہ الٹ گیا اور اس کا دایاں بازو مکمل طور پر الگ ہو گیا تھا، اس حادثے کے باوجود 80 افراد (76 مسافر اور 4 عملے کے افراد) محفوظ رہے تھے۔
واضح رہےکہ حادثے کے بعد 21 زخمی مسافروں کو اسپتال منتقل کیا گیا تھا، تاہم اگلی صبح تک سوائے ایک کے تمام کو اسپتال سے فارغ کر دیا گیا، خوش قسمتی سے کسی بھی مسافر کو زندگی کے لیے خطرہ لاحق زخم نہیں آئے تھے۔
یاد رہےکہ ڈیلٹا ایئرلائنز کی ویب سائٹ کے مطابق اگر کسی مسافر کی موت واقع ہو جائے تو ابتدائی ادائیگی کم از کم 20,000 ڈالر ہونی چاہیے جبکہ زخمی ہونے کی صورت میں ادائیگی کی رقم ایئرلائن طے کرتی ہے۔
یہ پہلا موقع نہیں جب کسی ایئرلائن نے حادثے کے بعد مسافروں کو ابتدائی معاوضے کی پیشکش کی ہو،2013 میں سان فرانسسکو میں حادثے کا شکار ہونے والی آسیانا ایئرلائنز نے زندہ بچ جانے والے 288 مسافروں کو 10,000 ڈالر فی کس ادا کیے تھے۔
2024 میں الاسکا ایئرلائن کے ایک طیارے کے دورانِ پرواز دروازے کا ایک پینل الگ ہو گیا تھا، جس پر ایئرلائن نے مسافروں کو 1,500 ڈالر اور مکمل کرایہ واپسی کی پیشکش کی تھی۔
.ذریعہ: Jasarat News
کلیدی لفظ: حادثے کا شکار ہونے مسافروں کو
پڑھیں:
بھارتی بیٹر شریاس ائیر کو اسپتال سے ڈسچارج کر دیا گیا
data-id="863a0a8" data-element_type="widget" data-widget_type="theme-post-content.default">
آسٹریلیا کے خلاف میچ کے دوران انجری کا شکار ہونے والے بھارتی بیٹر شریاس ائیر کو اسپتال سے ڈسچارج کر دیا گیا۔
بھارتی کرکٹ بورڈ کے مطابق شریاس ائیر کی پیٹ اور پسلیوں کی انجری میں بہتری آئی ہے جس کے بعد انہیں اسپتال سے فارغ کر دیا گیا ہے۔
شریاس ائیر 25 اکتوبر کو سڈنی میں آسٹریلیا کے خلاف تیسرے ون ڈے کے دوران انجری کا شکار ہوئے تھے، انجری کے بعد انہیں اسپتال منتقل کیا گیا جہاں وہ آئی سی یو میں بھی رہے۔ بورڈ کا کہنا ہے کہ شریاس ائیر سفر کے لئے مکمل فٹ ہونے تک سڈنی میں ہی قیام کریں گے تاکہ میڈیکل ٹیم ان کی صورتحال کو مانیٹر کرتی رہے۔
کیا پاکستان اسٹاک مارکیٹ اس سال کے اختتام پرنئی تارخ رقم کر پائے گی؟