کراچی میں ٹریفک حادثہ: ڈمپر اور ٹریلر کی ٹکر سے 2 افراد جاں بحق، ایک زخمی
اشاعت کی تاریخ: 20th, February 2025 GMT
کراچی: شہر قائد میں ٹریفک حادثات میں آئے روز اضافہ ہورہاہے، ڈمپر اور ٹریلر کی ٹکر سے دو افراد جان کی بازی ہار گئے جبکہ ایک شخص زخمی ہوگیا۔
میڈیا رپورٹس کےمطابق ملیر کورٹ کے قریب تیز رفتار ٹریلر نے موٹر سائیکل کو ٹکر مار دی، جس کے نتیجے میں عامر جاں بحق جبکہ ساجد زخمی ہوگیا، جاں بحق عامر پیدائشی گونگا بہرا تھا اور کچھ ماہ قبل اس کی شادی ہوئی تھی، حادثے کے بعد ڈرائیور ٹریلر چھوڑ کر فرار ہوگیا۔
لواحقین کے مطابق عامر اور ساجد اپنے کزن کو کینٹ اسٹیشن چھوڑ کر واپس قائد آباد آ رہے تھے کہ حادثے کا شکار ہوگئے۔
دوسرا حادثہ شارع فیصل کارساز کے قریب پیش آیا ، جہاں زخمی محمد شاکر دوران علاج دم توڑ گیا،شاکر کی موٹرسائیکل ڈمپر کے پچھلے حصے سے ٹکرا گئی تھی، جس کے بعد وہ شدید زخمی ہوگیا تھا، ورثا قانونی کارروائی کے بغیر لاش جناح اسپتال سے لے گئے۔
کراچی میں ٹریفک حادثات کے اعداد و شمار کے مطابق رواں سال کے صرف دو ماہ میں 119 افراد ٹریفک حادثات میں جان سے جا چکے ہیں،جاں بحق ہونے والوں میں 87 مرد، 16 خواتین، 12 بچے اور 4 بچیاں شامل ہیں۔
.ذریعہ: Jasarat News
پڑھیں:
لاہور: ڈمپر کی موٹر سائیکل کو ٹکر، 3 افراد جاں بحق
—فائل فوٹولاہور کے علاقے ڈی ایچ اے فیز 6 میں ڈمپر نے موٹر سائیکل کو ٹکر مار دی۔
ریسکیو حکام کے مطابق ڈمپر کی موٹر سائیکل کو ٹکر کے نتیجے میں 3 افراد جاں بحق ہو گئے جبکہ واقعے کے بعد ڈمپر کا ڈرائیور موقع سے فرار ہو گیا۔
تفصیلات کے مطابق جاں بحق افراد کا تعلق ضلع قصور سے تھا، ان افراد کی لاشیں ڈیڈ ہاؤس منتقل کردی گئی ہیں۔
پولیس حکام کا کہنا ہے کہ فرار ہونے والے ڈرائیور کی تلاش شروع کر دی گئی ہے۔
حیدر آباد میں ڈینگی سے ہلاک نوجوان کے والد عدالت پہنچ گئے