کرم میں امدادی قافلوں سے لوٹا گیا سامان برآمد
اشاعت کی تاریخ: 20th, February 2025 GMT
خیبرپختونخوا کے ضلع کرم میں امدادی قافلوں کا لوٹا گیا سامان اور نقد و ادویات برآمد کرلی گئیں ہیں۔
ایکسپریس نیوز کو سرکاری ذرائع نے بتایا کہ 17 فروری کو کرم حملوں میں ملوث ملزمان کی گرفتاری میں پیش رفت ہوئی، ہنگو میں پولیس کے چھاپے کے دوران کرم قافلے سے لوٹا گیا سامان ، نقدی اور ادویات برآمد کرلیا گیا ہے۔
ذرائع کے مطابق پولیس نے واقعے میں ملوث کچھ ملزمان کو گرفتار کر لیا جبکہ ملزمان نے لوٹی گئی ادویات فروخت کرنے کا اعتراف جرم بھی کیا۔
سرکاری ذرائع کا کہنا ہے کہ دیگر ملوث افراد کی گرفتاری کے لیے مزید چھاپے مارے جا رہے ہیں۔
دوسری جانب ضلع کرم میں امدادی قافلے پر شرپسندوں کے حملے کا مقدمہ 57 ملزمان کے خلاف تھانہ سی ٹی ڈی کرم میں درج کرلیا گیا ہے۔
ایف آئی آر کے متن میں لکھا گیا ہے کہ 63 گاڑیوں پر مشتمل قافلہ جائے وقوعہ پہنچتے ہی دومقامات سے فائرنگ ہوئی، شرپسندوں کے حملے میں سیکورٹی اہلکاروں سمیت 8افرادجاں بحق ہوئے۔
مقدمہ متن کے مطابق دہشت گردوں کے حملے میں سیکورٹی اہلکاروں سمیت 20 سویلین بھی زخمی ہوئے،:قافلے میں شامل بہت سی گاڑیوں لوٹنے کے بعد شرپسندوں نے نظر آتش بھی کیا جس کے بعد 9 گاڑیاں علیزئی پہنچنے میں کامیاب جبکہ 33 گاڑیوں کو واپس بھیجا گیا۔
پولیس حکام کا کہنا ہے کہ مقدمے میں اب تک10شرپسندوں کو گرفتارکرلیا گیا ہے۔
.ذریعہ: Express News
کلیدی لفظ: گیا ہے
پڑھیں:
ہنگو، پولیس کے قافلے پر بم حملہ، ایس ایچ او سمیت 2 اہلکار زخمی
ذرائع نے کہا کہ پولیس قافلے میں ایس پی انوسٹی گیشن عبدالصمد، ڈی ایس پی ٹل مجاہد اور ایس ایچ او عمران الدین جا رہے تھے۔ پولیس اور حملہ آوروں کے درمیان فائرنگ کا تبادلہ ہوا، ایچ او عمران الدین زخمی ہو گئے۔ اسلام ٹائمز۔ ہنگو کے علاقے دوآبہ میں پولیس قافلے پر دھماکے کے نتیجےمیں ایس ایچ او عمران الدین سمیت 2 اہلکار زخمی ہوگئے۔ ہنگو پولیس نے بتایا کہ دھماکہ کے بعد فائرنگ بھی کی گئی، پولیس قافلے کو آئی ای ڈی حملے کا نشانہ بنایا گیا۔ ذرائع نے کہا کہ پولیس قافلے میں ایس پی انوسٹی گیشن عبدالصمد، ڈی ایس پی ٹل مجاہد اور ایس ایچ او عمران الدین جا رہے تھے۔ پولیس اور حملہ آوروں کے درمیان فائرنگ کا تبادلہ ہوا، ایچ او عمران الدین زخمی ہو گئے۔ ایس ایس پی انویسٹیگیشن عبد الصمد خان نے بتایا کہ پولیس امن کیمٹی کے اجلاس واپس آ رہی تھی، ہمارے ساتھ پولیس قافلے کو نشانہ بنایا گیا، واقعے میں ایس ایچ او عمران الدین خان سمیت دو اہلکار زخمی ہوئے۔
وزیراعلیٰ خیبرپختونخوا نے حملے کا نوٹس لے کر آئی جی پولیس سے واقعے کی تفصیلی رپورٹ طلب کر لی۔ وزیراعلیٰ کی جانب سے واقعے میں زخمی ایس ایچ او اور اے ایس آئی کو فوری اور بہترین طبی سہولیات فراہم کرنے کی ہدایت کی گئی۔ وزیراعلیٰ سہیل آفریدی نے کہا کہ پولیس اہلکاروں کے حوصلے اور فرض شناسی کو خراجِ تحسین پیش کرتے ہیں۔
عالمی بینک نے پاکستان ڈیولپمنٹ اپ ڈیٹ رپورٹ 2025 جاری کردی