نیشنل اسٹیڈیم چیمپئنز ٹرافی کے دوسرے میچ کیلئے تیار
اشاعت کی تاریخ: 20th, February 2025 GMT
آئی سی سی چیمپئینز ٹرافی 2025 میں نیشنل اسٹیڈیم جمعہ کو دوسرے میچ کی میزبانی کرے گا۔ گروپ بی کے پہلے میچ میں جنوبی افریقا کا مقابلہ افغانستان سے ہوگا۔
میچ کا ٹاس دوپہر ڈیڑھ بجے ہوگا۔ آئی سی نے پی سی بی کی معاونت سے اقدامات کو حتمی شکل دے دی ہے جبکہ انتظامیہ کی جانب سے افغان مداحوں کی جانب سے کسی بھی رد عمل اور سیکوریٹی سمیت انتظامات کے لیے بھر پور منصوبہ بندی کی گئی ہے۔
دونوں ٹیموں نے جمعرات کو نیشنل اسٹیڈیم کے اوول گراونڈ پر بھر پور پریکٹس کی۔ افغان ٹیم نے دوپہر کو چلچلاتی دھوپ میں اور جنوبی افریقی ٹیم نے شام کو چلنے والی خنک ہواوں میں پریکٹس سیشنز میں شرکت کی۔
قوی امکان ہے کہ نیشنل اسٹیڈیم کی سپورٹنگ وکٹ بیٹنگ کے لیے ساز گار ہونے کے ساتھ اسپن بولرز کے لیے مددگار ثابت ہو۔
جمعہ کو کراچی میں دن میں بادل چھائے رہنے، موسم ابر آلود رہنے اور شام کو تیز ہوائیں چلنے کے ساتھ بوندا باندی کا امکان ہے۔
امید کی جارہی ہے کہ تماشائیوں کی ایک بڑی تعداد میچ سے لطف اندوز ہونے کے لیے اسٹیڈیم کا رخ کرے گی۔
افغانستان کرکٹ ٹیم کے کپتان حشمت اللہ شاہدی نے میچ میں کامیابی کا امکان ظاہر کرتے ہوئے میڈیا سے گفتگو میں کہا کہ چیمپئنز ٹرافی جیتنے کا خواب پورا کریں گے۔ پہلا ہدف جنوبی افریقہ کے خلاف کامیابی پانا ہے۔
انہوں نے کہا کہ ہماری جیت پر مقامی افغانیوں کا جشن منانا فطری ہوگا۔ ہمارے پاس عالمی معیار کے کھلاڑی موجود ہیں جو دنیا کی کسی بھی ٹیم کو شکست سے ہمکنار کرنے کی صلاحیت رکھتے ہیں۔ مجھے اپنے کھلاڑیوں پر بھرپور اعتماد اور یقین ہے۔ مقامی کنڈیشنز ہمارے لیے بہت معاون ہوں گی اور جیت کے لیے بہت پر امید ہیں۔
دوسری جانب جنوبی افریقا کے کپتان ٹیمبا بووما نے افغانستان کے خلاف اچھی کارکردگی کی توقع ظاہر کرتے ہوئے اعتراف کیا ہے کہ حریف ٹیم کے اسپنرز مقامی کنڈیشنز میں مشکل پیدا کرسکتے ہیں۔ ہمارے بولرز کے لئے یہ میچ چیلنج ہوگا۔
انہوں نے کہا کہ افغانستان ایک تجربہ کار ٹیم ہے ،ہماری کوشش ہے کہ ہر شعبہ میں اچھا پرفارم کریں۔ کراچی کی وکٹ بیٹرز کو فائدہ دے سکتی ہے۔
دریں اثنا انتظامیہ نے واضح کیا ہے کہ میچ کے لیے آنے والے افراد کو ٹکٹ کے ساتھ قومی شاختی کارڈ دکھانا لازمی ہوگا جبکہ پاکستان میں قیام پزیر افغان باشندوں کو اپنی رجسٹریشن کا افغان ریفیوجی کارڈ دکھانا لازمی ہوگا۔ بصورت دیگر اسٹیڈیم میں داخلے کی ممانعت ہوگی۔
.ذریعہ: Express News
کلیدی لفظ: نیشنل اسٹیڈیم کے لیے
پڑھیں:
سندھ ،نابینا افراد کیلئے اسکینرز اسٹک تیار،مفت فراہم کی جائیگی،طحہ فاروقی
سندھ ،نابینا افراد کیلئے اسکینرز اسٹک تیار،مفت فراہم کی جائیگی،طحہ فاروقی
کراچی ،سندھ میں پہلی بار بینائی سے محروم افراد کے لئے اسکینرزاسٹک تیار کرلی گئی۔ سندھ میں 60 لاکھ سے زائد خصوصی بچے اور دیگر ذہنی معذور افراد ہیں۔ ذہنی و جسمانی معذور افراد اور آٹزم سمیت خصوصی بچوں کو بااختیار بنانے کے لیے جدید طبی ٹیکنالوجی کے ذریعے ڈوائسسز بھی تیار کی جارہی ہیں۔سندھ میں پہلی بار بینائی سے محروم افراد کی رہنمائی کے لیے سینسر والی اسکینر اسٹک تیار کرلی گئی جبکہ دیگر ذہنی و جسمانی معذوری اور مفلوج سمیت آٹزم اسپیشل بچوں کی زندگی کو کارآمد بنانے کے لیے جدید ٹیکنالوجی کے ذریعے مختلف ڈیوائسسز بھی تیار کی جارہی ہیں۔ یہ اسکینر اسٹک اور مختلف ڈیوائسسز این ای ڈی یونیورسٹی کے بائیو میڈیکل ٹیکنالوجی ڈیپارٹمنٹ تیار کررہا ہے۔
اس سلسلے میں ڈیپارٹمنٹ آف ایمپاورمنٹ آف پرسنز ودڈس ایبلٹی حکومت سندھ اور این ای ڈی یونیورسٹی کے درمیان معائدہ بھی طے پایا گیا ہے جس کے تحت سندھ میں پہلی بار اس منصوبے کو پائلٹ پروچیکٹ کے طور پر رواں ماہ میں متعارف کرایا جائے گا۔ پہلے مرحلے میں ڈیپارٹمنٹ آف ایمپاورمنٹ آف پرسنز ودڈس ایبلٹی حکومت سندھ بینائی سے محروم افراد کو اسکینر اسٹک بلامعاوضہ فراہم کرے گی۔سیکریٹری ایمپاورمنٹ طحہٰ احمدفاروقی نے ایکسپریس ٹریبون کو بتایا کہ بنیائی سے محروم افراد کے لیے سندھ میں پہلی بار اسکینرزاسٹک تیار کرلی گئی ہے جبکہ دیگرذہنی و جسمانی معذور افراد اور آٹزم سمیت خصوصی بچوں کو بااختیار بنانے کے لیے جدید طبی ٹیکنالوجی کے ذریعے خصوصی ڈیوائسسز بھی تیار کی جارہی ہیں۔
انہوں نے بتایا کہ ڈیپارٹمنٹ آف ایمپاورمنٹ آف پرسنز ودڈس ایبلٹی حکومت سندھ کی جانب سے دیگر معذور افراد کو بھی یہ جدید طبی آلات مفت فراہم کی جائیں گے۔انہوں نے کہا کہ سندھ میں خصوصی بچے اور دیگر ذہنی وجسمانی معذور افراد کی تعداد 60 لاکھ سے زائد ہے۔ ڈیپارٹمنٹ آف ایمپاورمنٹ آف پرسنز ودڈس ایبلٹی حکومت سندھ نے این ای ڈی کے بائیومیڈیکل انجینئرنگ شعبہ کے ساتھ مل کر ذہنی صحت اور نیند کی کمی دور کرنے کے لیے MindFoster، توجہ کی کمی کو دور کرنے کے لیے Binaural Beats، ذہنی اور علمی مہارت کے لیے Neurofeedback، متاثرہ مریض کو بار بار ڈاکٹر کو دیکھنے اور مریض کی پروفائلنگ کے لیے Digital Cognitive Assessment، معذور افراد کے لیے Trunk Orthosis، اسپائنل کوڈ کے مریضوں کے لیے Floor to Chair patient lifter، نابینا افراد کی بہتر آمدورفت کے لیے WalkAid، لڑکیوں کو خصوصی ایام کے دوران میڈیکیٹڈ پیڈ HerCrampseEase اور معذور افراد کے آمدورفت میں اسانی کے لیے EasyMobility سمیت دیگر ڈیوائسسز تیار کی جارہی ہیں۔طحہ فاروقی نے بتایا کہ رواں ماہ میں بینائی سے محروم افراد کے لیے اسیکنر اسٹک مفت فراہم کردی جائے گی جبکہ دیگر ذہنی و جسمانی مفلوج افراد کے لیے بلاومعاوضہ ڈیوائسسز فراہم کی جائیں گی۔
پشاور: کوہستان اسکینڈل میں اہم پیشرفت، ملزم کے گھر سے کروڑوں روپے مالیت کا 115 تولے سونا برآمد