سلمان خان کی وہ ہالی ووڈ انٹری جس کے بعد ہدایتکار اور اداکارہ نے فلمی دنیا ہی چھوڑ دی
اشاعت کی تاریخ: 21st, February 2025 GMT
بالی ووڈ کے سپر اسٹار سلمان خان نے ایک ایسی بھی فلم کی ہے جو بری طرح ناکام ہوئی اور اس فلم کے بعد ہدایتکار اور فلم کی اداکارہ دونوں نے ہی فلمی دنیا کو خیرباد کہہ دیا۔
انڈسٹری میں قدم رکھنے کے بعد جہاں سلمان خان نے کئی کامیاب فلمیں دیں تاہم چند فلمیں فلاپ بھی ہوئیں اس میں ایک فلم ہے ’میری گولڈ‘ جو کہ ایک بین الاقوامی فلم تھی۔
اس فلم کے ہدایتکار ولاڈ کیرول تھے، فلم میں علی لارٹر (سلمان خان کا کردار) بھارت آتے ہیں اور ایک مقامی لڑکی کی محبت میں گرفتار ہوجاتے ہیں۔
ہندی اور انگریزی زبان میں بننے والی یہ فلم 17 اگست 2007 کو ریلیز ہوئی۔ باکس آفس پر بری طرح ناکام ہونے والی اس فلم کا 19 کروڑ بجٹ تھا جبکہ یہ فلم اس کا ایک چوتھائی بھی نہ کما سکی۔ فلم کے ریلیز کے دن اس کی آمدنی صرف 21 لاکھ روپے تھی۔
بیرون ملک بھی فلم نے 2 لاکھ 50 ہزار ڈالر کا بزنس کیا اور دنیا بھر میں ریلیز کے بعد بھی اس فلم کی مجموعی آمدنی صرف 2 کروڑ سے زائد تھی۔ بری طرح ناکامی کا سامنا کرنا والی اس فلم کے ہدایتکار نے اسکے بعد فلمیں بنانا ہی چھوڑ دیں جبکہ فلم کی اداکارہ جوکہ ایک امریکی اداکارہ تھیں، نے پھر کبھی بالی ووڈ کا رخ نہ کیا۔
اس طرح یہ غیر ملکی فلم سلمان خان کے کیرئیر کی سب سے بڑی فلاپ فلم ثابت ہوئی۔
.ذریعہ: Express News
کلیدی لفظ: فلم کی اس فلم فلم کے کے بعد
پڑھیں:
کاسمیٹک سرجری کا الزام، اداکارہ کومل میر نے خاموشی توڑ دی
شوبز انڈسٹری کی معروف اداکارہ کومل میر ان دنوں کاسمیٹک سرجری اور شکل میں ظاہری تبدیلیوں اور وزن میں اضافے کے باعث سوشل میڈیا پر زیر بحث ہیں۔
زیادہ تر صارفین نے کومل میر کے اچانک وزن بڑھنے پر حیرانگی کا اظہار کرتے ہوئے سوال اٹھایا کہ اداکارہ کس طرح اتنی جلدی اپنا وزن بڑھا سکتی ہیں اس طرح ان پر کاسمیٹک سرجری کا الزام لگایا گیا۔ اب انہوں نے اس کا جواب دیتے ہوئے کہا ہے کہ وزن کم ہونے پر انہیں سوکھی کہا جاتا تھا اور اب وزن بڑھا لیا ہے تو سرجری کے الزامات لگ گئے ہیں۔
کومل میر نے حال ہی میں ایک شو میں شرکت کی جہاں انہوں نے ایک بار پھر اپنے وزن اور چہرے کے خدوخال میں تبدیلیوں کے حوالے سے کھل کر بات کی۔ اداکارہ نے بتایا کہ میں نے کوئی میک اپ پراسیجر یا سرجری نہیں کرائی بلکہ اپنا وزن بڑھایا ہے، جس وجہ سے چہرہ بھی بدل چکا ہے۔
اداکارہ کا کہنا تھا کہ شوبز میں آنے سے قبل ہی میں کم وزن اور کھانے پینے کے مسائل کا شکار تھی لیکن کبھی اس پر توجہ نہ دی تھی، تاہم شوبز میں آنے کے بعد وہ پریشان ہوئی کہ کیسے وہ اپنا وزن بڑھائیں۔ انہوں نے بتایا کہ پہلے میں ’انڈر ویٹ‘ تھیں اور’ایٹنگ ڈس آرڈر‘ کا بھی شکار تھی جس کی وجہ سے میری باڈی شیمنگ کی جاتی تھی کوئی کہتا تھا کہ ہینگر پر کپڑے لٹکے ہوئے ہیں تو کوئی سوکھی کہتا تھا۔
یہ بھی پڑھیں: ’می ٹو‘ مہم کو پاکستان میں ذاتی مفادات کے لیے استعمال کیا گیا، کومل میر
کومل میر نے کہا کہ پہلے میں دوستوں اور اداکاروں کی باتوں پر ہنستی رہتی تھیں لیکن بعد میں دکھ بھی ہوتا کہ انہیں کیوں باڈی شیمنگ کا نشانہ بنایا جاتا ہے۔ انہوں نے بتایا کہ مجھے ایک فلم آفر ہوئی جس کے لیے کہا گیا کہ اپنا وزن بڑھائیں ورنہ آپ اسکرین پر بالکل بچی لگیں گی اس کے بعد میں نے کھانا شروع کیا صبح ناشتے میں دیسی گھی کے ساتھ پراٹھے، دوپہر میں 2 روٹیاں اور ڈنر میں بھی 2 روٹیاں کھانے لگی اس سے پہلے میں صرف چاول پسند کرتی تھی۔
اداکارہ کے مطابق مجھے اندازاہ نہیں تھا کہ کہاں کہاں سے وزن بڑھ جائے گا اور سب سے زیادہ میرا چہرہ موٹا ہوا اور میں خوش رہنے لگی، چہرے سے سیاہ دھبے بھی غائب ہو چکے تھے اور خود کو بھی پہلے سے زیادہ خوبصورت لگنے لگی تھی، میری تصویریں اچھی آنے لگی تھیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کومل میر کومل میر تنقید کومل میر سرجری کومل میر وزن
ڈیفنس میں رہائشی عمارت کی چھت سے گر کر 5 بچوں کی ماں جاں بحق