ملک بھر میں 11 سے17جولائی تک مون سون بارشیں، طغیانی کا خطرہ ،الرٹ جاری
اشاعت کی تاریخ: 11th, July 2025 GMT
اسلام آباد (اوصاف نیوز)محکمہ موسمیات کے مطابق آزادکشمیر سمیت ملک بھر میں 11 سے 17 جولائی کے دوران مزید مون سون بارشوں کا امکان ہے۔ترجمان محکمہ موسمیات کا کہنا ہے کہ عوام الناس سے گزارش ہے کہ احتیاطی تدابیر پر عمل کریں ۔
دوسری جانب این ڈی ایم اے کی جانب سے جاری ہدایات کے مطابق شہری ندی نالوں، دریاؤں اور دیگر خطرناک مقامات کے قریب جانے سے گریز کریں۔ سیاح حضرات محفوظ راستوں کا انتخاب کریں اور موسم کی تازہ صورتحال سے باخبر رہیں۔
کسی بھی ہنگامی صورتحال میں فوری طور پر ضلعی انتظامیہ یا ریسکیو اداروں سے رابطہ کریں۔پہاڑی علاقوں میں سفر کرتے وقت خا ص احتیاط برتیں، لینڈ سلائیڈنگ کا خدشہ موجود ہے۔ گھروں کے اردگرد نکاسی آب کے نظام کو صاف رکھیں تاکہ پانی جمع نہ ہو۔
کاشتکار حضرات فصلوں کی حفاظت کے لیے پیشگی اقدامات کریں۔یہ احتیاطی تدابیر آپ اور آپ کے خاندان کی حفاظت کے لیے ہیں۔محفوظ رہیے – ہوشیار رہیے۔
.ذریعہ: Daily Ausaf
پڑھیں:
پنجاب میں اسموگ الرٹ، ٹریفک حکام کو سخت ایکشن کا حکم
ویب ڈیسک: لاہور اور پنجاب بھر میں بڑھتی ہوئی دھند اور اسموگ کے پیش نظر صوبائی حکومت نے ٹریفک حکام کو خصوصی ہدایات جاری کر دی ہیں۔
ڈی آئی جی ٹریفک پنجاب وقاص نذیر نے تمام چیف ٹریفک آفیسرز (CTOs) اور ڈسٹرکٹ ٹریفک آفیسرز (DTOs) کو مراسلہ بھیجا ہے، جس میں موسمِ سرما کے دوران محفوظ سفر یقینی بنانے کے لیے جامع اقدامات کی ہدایت کی گئی ہے۔مراسلے کے مطابق دھواں چھوڑنے والی گاڑیوں کے خلاف سخت کارروائی کی جائے گی، جبکہ اسموگ پیدا کرنے والی گاڑیوں کی نشاندہی اور چیکنگ کے لیے ٹریفک پولیس، ماحولیاتی تحفظ ایجنسی (EPA) اور ٹرانسپورٹ ڈیپارٹمنٹ پر مشتمل مشترکہ ٹیمیں تشکیل دی جائیں گی۔
فضائی آلودگی کا وبال، لاہور دنیا کے آلودہ شہروں میں پھر سرفہرست
ریت اور مٹی سے بھری گاڑیوں کو بغیر ترپال سڑکوں پر چلنے سے روکا جائے گا، اور شوگر کین ٹرالیز، ٹرکوں اور مزدا گاڑیوں پر ریفلیکٹر اسٹیکرز لگانے کی ہدایت دی گئی ہے تاکہ رات کے وقت حادثات سے بچاؤ ممکن ہو سکے۔
ڈی آئی جی ٹریفک پنجاب نے کہا کہ تمام گاڑیوں اور موٹرسائیکلوں کے بیک لائٹس، اشارے اور شیشے درست حالت میں رکھنا لازمی ہے، شہری سفر کے دوران رفتار کم کریں اور احتیاطی تدابیر پر عمل کریں۔ان کا کہنا تھا کہ شہریوں کو محفوظ سفر فراہم کرنا ٹریفک پولیس کی بنیادی ذمہ داری ہے اور اسموگ کے سیزن میں حادثات کی روک تھام کے لیے صوبہ بھر میں بہترین حفاظتی اقدامات کیے جا رہے ہیں۔
حافظ آباد: بچوں کی لڑائی میں بڑے کود پڑے، مرد و خواتین گتھم گتھا
دوسری جانب باغوں کا شہر لاہور فضائی آلودگی کے شدید نرغے میں آ گیا ہے۔ دنیا کے آلودہ ترین شہروں میں لاہور نے پہلے نمبر کا مقام حاصل کر لیا ہے اور شہر میں ایئر کوالٹی انڈیکس کی مجموعی شرح 483 ریکارڈ کی گئی ہے۔آلودگی کے باعث شہر میں صبح سویرے حدِ نگاہ میں کمی محسوس کی گئی، جبکہ مختلف علاقوں میں فضائی آلودگی کی شرح 750 سے بھی تجاوز کر گئی۔ سی ای آر پی آفس کے اطراف 764، اقبال ٹاؤن 692، پاور زون ہیڈ آفس 626، ماڈل ٹاؤن 607، شادمان 597 اور سول سیکرٹریٹ 596 ریکارڈ کی گئی۔
امریکی ریاست الاسکا میں زلزلہ، شدت 5.7 ریکارڈ
محبت، بلیک میلنگ اور قتل، خوفناک واردات کی تفصیل سامنے آگئی