ملک بھر میں بارشوں کا نیا سلسلہ متوقع، ندی نالوں میں طغیانی کا خدشہ
اشاعت کی تاریخ: 11th, July 2025 GMT
محکمہ موسمیات کے مطابق مرطوب ہوائیں ملک کے بیشتر علاقوں میں داخل ہو رہی ہیں اور 13 جولائی سے اس میں شدت آنے کی توقع ہے، 13 جولائی کی شام سے مغربی ہواؤں کا سلسلہ بھی ملک میں داخل ہونے کا امکان ہے۔
ان موسمی نظاموں کے زیر اثر 11 تا 17 جولائی بالائی و وسطی پنجاب اور اسلام آباد میں وقفے وقفے سے بارش جبکہ بعض مقامات پر شدید موسلادھار بارش متوقع ہے، جنوبی پنجاب کے اضلاع میں بھی اسی عرصے میں بارش کا امکان ہے۔
محکمہ موسمیات کے مطابق کشمیر سمیت گلگت بلتستان میں اسی عرصے میں جولائی وقفے وقفے سے بارش اور چند مقامات پر موسلادھار بارش کی توقع ہے، جبکہ خیبر پختونخوا میں جولائی کے اسی ہفتے کے دوران مختلف اضلاع میں تیز ہواؤں اور گرج چمک کے ساتھ بارش جبکہ چند مقامات پر شدید موسلادھار بارش کا امکان ہے۔
یہ بھی پڑھیں:
محکمہ موسمیات نے آج یعنی بروز جمعہ موسلادھار بارش کے باعث ڈی جی خان سمیت بلوچستان کشمیر، گلگت بلتستان ،مری، گلیات، مانسہرہ، کوہستان،ایبٹ آباد، بونیر، چترال، دیر، سوات اور شانگلہ کے مقامی ندی نالوں میں طغیانی کا خدشہ ظاہر کیا ہے۔
محکمہ موسمیات کے فورکاسٹنگ ڈویژن کے مطابق بلوچستان کے علاقے بارکھان، کوہلو ، موسی خیل، ڈیرہ بگٹی، نصیر آباد، سبی ،لورالائی ، ژوب ، قلات، خضدار، آواران اور پنجگور میں موسلا دھار بارش متوقع ہے، جو کشمیر، گلگت بلتستان ،مری، گلیات، مانسہرہ، کوہستان اور ایبٹ آباد کو بھی سیراب کریں گی۔
تاہم ان بارشوں کے باعث نہ صرف مذکورہ علاقوں بلکہ بونیر، چترال، دیر، سوات، شانگلہ کے برساتی ندی نالوں میں طغیانی کا خدشہ بھی ظاہر کیا گیا ہے، محکمہ موسمیات کی جانب سے اس دوران خیبرپختونخوا، مری، گلیات ،کشمیر اور گلگت بلتستان میں لینڈ سلائیڈنگ کے باعث ٹریفک کی آمدورفت متاثر ہونے کا انتباہ بھی جاری کیاگیا ہے۔
مزید پڑھیں:
محکمہ موسمیات سے وابستہ فورکاسٹنگ آفیسر مہر فاطمہ کے مطابق جمعه کے روز ملک کے بیشتر علاقوں میں موسم گرم اور مرطوب رہنے کا امکان ہے، تاہم جنوبی/وسطی پنجاب، شمال مشر قی اور جنوبی بلو چستان سمیت کشمیر، خیبر پختونخواہ اور گلگت بلتستان میں تیز ہواؤں اور گرج چمک کے ساتھ بارش متوقع ہے۔
محکمہ موسمیات نے سندھ میں 15 تا 17 جولائی تھرپارکر، میرپور خاص، کراچی سمیت دیگر علاقوں میں درمیانی بارش کی پیشگوئی کی ہے۔
’اس دوران بالائی خیبر پختونخواہ ،جنوبی پنجاب اور شمالی بلوچستان میں چند مقامات پر تیز یا موسلادھار بارش بھی متوقع ہے جبکہ شام اور رات کے اوقات میں بالائی پنجاب میں چند مقامات پر بارش ہو سکتی ہے۔‘
مزید پڑھیں:
ہفتہ کے روز ملک کے بیشتر علاقوں میں موسم گرم اور مرطوب رہنے کا امکان طاہر کرتے ہوئے محکمہ موسمیات کا کہنا تھا کہ شمال اور شمال مشرقی پنجاب، شمال مشرقی بلو چستان ، کشمیر، بالائی خیبر پختونخوا اور گلگت بلتستان میں تیز ہواؤں اور گرج چمک کے ساتھ بارش کی توقع ہے۔
واضح رہے کہ گزشتہ 24 گھنٹے کے دوران وسطی اور شمال مشرقی پنجاب، بالائی خیبرپختونخوا، شمال مشرقی بلوچستان، کشمیر اور گلگت بلتستان میں تیزہواؤں اور گرج چمک کے ساتھ بارش ریکارڈ کی گئی جبکہ چند مقامات پر مو سلادھار بارش بھی ہوئی، تاہم ملک کے دیگر علاقوں میں موسم گرم اور مرطوب ہی رہا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بارشیں بلتستان بلوچستان پشگوئی جنوبی پنجاب چترال سوات شانگلہ کشمیر کوہستان گلگت گلیات مانسہرہ محکمہ موسمیات مرطوب مری موسلا دھار.ذریعہ: WE News
کلیدی لفظ: بلتستان بلوچستان پشگوئی چترال سوات شانگلہ کوہستان گلگت گلیات محکمہ موسمیات موسلا دھار ہواو ں اور گرج چمک کے ساتھ بارش اور گلگت بلتستان میں موسلادھار بارش محکمہ موسمیات چند مقامات پر کا امکان ہے علاقوں میں شمال مشرقی متوقع ہے کے مطابق میں تیز ملک کے
پڑھیں:
ایس سی او ویژن 2025، گلگت بلتستان میں جدید ترین 100 آئی ٹی سیٹ اپس قائم
اسپیشل کمیونکیشن آرگنائزیشن (ایس سی او) نے اپنے ویژن 2025 کے تحت نوجوانوں کو بااختیار بنانے کے عزم کا اظہار کیا ہے۔
تفصیلات کے مطابق آزاد جموں و کشمیر اور گلگت بلتستان میں جدید ترین 100 آئی ٹی سیٹ اپس قائم کیے گئے جبکہ آئی ٹی کے شعبہ میں نوجوانوں کے روشن مستقبل کے لئے مسلسل کوشاں ایس سی او- وژن 2025 کے تحت 700 سے زائد افراد کو روزگار جبکہ 1500 فری لانسرز کو بااختیار بنایا گیا ہے۔
اس کے علاوہ ایس سی او کے وژن 2025 کے تحت پاکستان کا پہلا خواتین کے لیے سافٹ ویئر ٹیکنالوجی پارک مظفرآباد میں قائم کیا گیا ہے اور خصوصی افراد کے لیے خودمختار رہائشی مراکز بھی قائم کیے گئے ہیں۔
ڈی جی ایس سی او نے اس موقع پر کہا ایس سی او- وژن 2025 کے تحت آزاد کشمیر اور گلگت بلتستان میں مشترکہ 100آئی ٹی پارکس قائم کیے گئے ہیں۔ ان اقدامات سے تقریباً 20 ملین ڈالر کے غیر ملکی زر مبادلہ کا حصول ممکن ہوا ہے۔
انہوں نے کہا کہ یہ آئی ٹی پارکس دو سال کی ریکارڈ مدت میں پایہ تکمیل تک پہنچے ہیں۔ ایس سی او نوجوانوں کو بااختیار بنانے اور خطہ میں آئی ٹی انقلاب لانے کے لیے پر عزم ہے۔
وفاقی وزیرداخلہ کا گوجرانوالہ میں نادرا سنٹر کا دورہ ،شناختی کارڈز و دیگر دستاویزات کے عمل کا جائزہ