تعلیم اور صحت کی معیاری سہولتوں تک عوام کی رسائی یقینی بنانا وزیراعلی پنجاب کی اولین ترجیح ہے، سینئر صوبائی وزیر مریم اورنگزیب کی ورلڈ بینک کے وفد سے ملاقات میں گفتگو
اشاعت کی تاریخ: 21st, February 2025 GMT
لاہور (اُردو پوائنٹ اخبارتازہ ترین - اے پی پی۔ 21 فروری2025ء) سینئر صوبائی وزیر مریم اورنگزیب نے کہا ہے کہ تعلیم اور صحت کی معیاری سہولتوں تک عوام کی رسائی یقینی بنانا وزیراعلی پنجاب کی اولین ترجیح ہے، و زیراعلی مریم نوازپنجاب کے ہر فرد کی داد رسی کو اپنی ذمہ داری سمجھتی ہیں، صوبے میں تجاوزات کیخلاف آپریشن جاری ہے،پنجاب میں انسداد دہشت گردی کو جدید خطوط پر استوار کیا جارہا ہے،ستھرا پنجاب پروگرام کے تحت گھر گھر جاکر کچرا اٹھایا جارہا ہے،خواتین کے تحفظ کیلئے ورچوئل پولیس سٹیشن قائم کر دیا گیا۔
ان خیالات کا اظہار انہوں نے جمعہ کو یہاں ورلڈ بینک کے ایگزیکٹو ڈائریکٹر زکے 15 رکنی وفد سے ملاقات کے دوران گفتگو کرتے ہوئے کیا۔ مریم اورنگزیب نے کہا کہ پنجاب کے عوام کی ترقی اور خوشحالی کیلئے اشترک کار کی ضرورت پر زوربحیثیت وزیراعلی ہر فرد کی داد رسی کو ذمہ داری سمجھتی ہیں، تعلیم اور صحت کی معیاری سہولتوں تک عوام کی رسائی یقینی بنانا وزیراعلی پنجاب کی اولین ترجیح ہے،صوبے میں سپیشل پرسنز کی معاونت کیلئے وزیراعلی پنجاب نے ہمت کارڈ لانچ کیا ہے،بنیادی مراکز صحت کو اپ گریڈ کرکے بین الاقوامی معیارکے مطابق بنایا جارہا ہے،لاہور میں پاکستان کا پہلا اور سب سے بڑا سرکاری کینسر ہسپتال تعمیر کی جارہا ہے،سرگودھا انسٹی ٹیوٹ آف کارڈیالوجی پر تیزی سے کام جاری ہے۔(جاری ہے)
انہوں نے کہا کہ پہلی مرتبہ پنجاب میں جامع سالڈ ویسٹ مینجمنٹ پالیسی متعارف کرائی گئی ہے،700سے زائد اہم رابط سڑکوں کی اپ گریڈیشن تکمیل کے مراحل میں ہے،30 ہزار نادار ذہین طلبہ کو شفاف انداز میں ہونہار سکالر شپ دیا گیا ہے،پنجاب مکمل طور پر پلاسٹک فری ہونے کی طرف تیزی سے بڑھ رہا ہے،پنجاب میں پہلی مرتبہ وائلڈ لائف کی اصل تعداد جاننے کیلئے سروے کرایا جارہا ہے۔ انہوں نے کہا کہ شرمپ فارمنگ اور موثر ماہی پروری سے ایکواکلچر پرموٹ کیا جارہا ہے،سیاحت کے فروغ پر وزیراعلی مریم نواز کا خصوصی فوکس ہے،پنجاب کے شہروں میں ای ماس ٹرانزٹ سسٹم متعارف کرایا جارہا ہے۔ انہوں نے کہا کہ وزیراعلی پنجاب کے وژن کے مطابق موثرپالیسی سازی کیلئے پہلی مرتبہ پنجاب سوشواکنامک رجسٹری کے تحت رئیل ٹائم ڈیٹا حاصل کیا جارہا ہے، اپنی چھت اپنا گھر پروگرام کے تحت 10ہزار گھرزیرتکمیل ہیں،وزیراعلی ہر پراجیکٹ میں 100فیصد شفافیت کو یقینی بنارہی ہیں۔مریم اورنگزیب نے کہا کہ گزشتہ نگہبان رمضان پیکیج کے تحت فوڈ ہمپرز دیئے گئے، رواں سال 1لاکھ خاندانوں کو 10،10ہزار روپے دیئے جارہے ہیں،مریم کی دستک پروگرام کے تحت 98سروسز کو آن لائن کر دیا گیا۔ انہوں نے کہا کہ پنجاب بھر میں تجاوزات کے خلاف آپریشن جاری ہے، اسی طرح ستھرا پنجاب پروگرام کے تحت ڈور ٹو ڈور جاکر کچرا اٹھایا جارہا ہے،خواتین کے تحفظ کیلئے پینک بٹن اور ورچوئل پولیس سٹیشن قائم کر دیا گیا،پنجاب میں انسداد دہشت گردی کو مزید موثر اور جدید خطوط پر استوار کیا جارہا ہے،صوبے میں جامع کلائمیٹ پالیسی متعارف کرائی گئی ہے۔ انہوں نے کہا کہ وزیراعلی مریم نوازکا دن رات، صبح وشام فوکس پرائس کنٹرول پر ہوتا ہے،صوبے میں کھیلوں کے فروغ کیلئے مختلف ایونٹس منعقد کئے جارہے ہیں، پولیس اور انتظامیہ کی پرفارمنس چیک کرنے کیلئے کے پی آئی سسٹم متعارف کرایا گیا ہے جبکہ دھی رانی پروگرام کے تحت نادار جوڑوں کی شادی کرائی جارہی ہے، موسمیاتی تبدیلیوں کے چیلنج سے نمٹنے اور سموگ کے خاتمے پر خصوصی توجہ دی جارہی ہے،ہرمنصوبے کے پی سی ون میں ایک فیصد کلائمیٹ چینج سے نمٹنے کے لئے مختص کیا جارہا ہے،پبلک پرائیویٹ پارٹنرشپ کو فروغ دیا جارہا ہے،مربوط ہیلتھ سروس کے لئے لیڈی ہیلتھ انسپیکٹریٹ کے لئے نیا انسپکٹوریٹ قائم کررہے ہیں،پنجاب میں پائیداراورجامع ڈرینج اینڈ سینی ٹیشن سسٹم قائم کرنے جارہے ہیں۔انہوں نے کہا کہ وزیراعلی مریم نواز نے ایک سال میں پنجاب کو ترقی کی مثال بنایا، منصوبوں کی ای ٹینڈرنگ سے 60 ارب کی بچت بھی کی، ریوینو کے ذرائع کو جدت دے کر بڑھایا ہے تاکہ منصوبوں کی پائیداری یقینی ہو،شفافیت اور عوامی خدمت مریم نواز کی اولین ترجیح ہے، تعلیم، صحت اور انفراسٹرکچر میں انقلابی اقدامات جاری ہیں، کسانوں کو 50 ارب کے بلاسود قرض کی فراہمی جدید زراعت کی طرف اہم قدم ہے،شرمپ فارمنگ منصوبے کے تحت 100 ایکڑ سے 120 ٹن پیداوار کے حصول اور 25000ایکڑ پر اس کی توسیع کے منصوبے پر کام جاری ہے۔ انہوں نے کہا کہ لاہور میں پہلی مرتبہ وزیراعلی پنجاب نے مکمل الیکٹرک بس سروس کا آغاز کر دیا ہے جبکہ مزید 500الیکٹرک بسیں چند ماہ میں روٹس پر ہوں گی، 27بسیں روٹس پر چلا دی ہیں،700سے زائد نئی سڑکیں، جدید ٹرانسپورٹ اور 550ای بسیں پنجاب میں ٹرانسپورٹ کے جدید نظام کا آغاز ہے۔انہوں نے کہا کہ30ہزار طلبہ کو سکالرشپس دے چکے ہیں، تعداد بڑھا کر 50 ہزار کر دی ہے،صحت کے شعبے کی مکمل اپ گریڈیشن کے تحت بنیادی اور دیہی مراکز صحت، مفت ادویات کی فراہمی اور جدید ہسپتالوں کا قیام شامل ہیں،پنجاب کی عوامی خدمت کی تاریخ میں پہلی بار 189شہروں میں نکاسی آب کا جدید نظام لارہے ہیں،رمضان پیکیج، لو ہائوسنگ سکیم اور سوشل اکنامک رجسٹری کے ذریعے عوامی فلاح یقینی بنا رہے ہیں،بدعنوانی کے خاتمے کے لیے ڈیجیٹل گورننس، آن لائن سسٹمز اور شفافیت کے اقدامات جاری ہیں۔انہوں نے کہا کہ زراعت سمیت مختلف شعبوں میں سرمایہ کاری کے مواقع دیے جا رہے ہیں،جدید مشینری سے زراعت کو ترقی اور ماحول کا تحفظ یقینی بنا رہے ہیں، پنجاب کو معاشی سرگرمیوں کا مرکز بنانا چاہتے ہیں، ہر ترقیاتی منصوبے میں ایک فیصد گرین کریڈٹ اور ماحولیاتی تحفظ مریم نواز شریف کی اولین ترجیح ہے۔انہوں نے کہا کہ پبلک پرائیویٹ پارٹنرشپ سے پنجاب کی معیشت کو خود انحصاری کی طرف لے جا رہے ہیں،جدید پولیسنگ، گلوبل آئی ٹی سٹی، اور اے آئی بیسڈ گورننس کے ذریعے ڈیجیٹل پنجاب کا خواب حقیقت میں بدل رہے ہیں،کسانوں کو 60 فی صد سبسڈی پر سپرسیڈرز دئیے گئے ہیں، تعلیمی معیار کی بہتری وزیر اعلی پنجاب مریم نوازکی اولین ترجیح ہے۔انہوں نے کہا کہ خواتین کے تحفظ کی ایپ کا آغاز کیا گیا، ملازمت پیشہ خواتین کے لیے قیام گاہیں تعمیر کی جارہی ہیں، اقلیتوں کو سہولیات کی فراہمی کیلئے کارڈز دیئے گئے ہیں،ہر ضلع میں نکاسی آب کا جدید نظام بنا رہے ہیں، شمسی توانائی سے پہلی بار 1000 میگاواٹ بجلی کی پیدوار کے منصوبے دئیے گئے ہیں، وزیراعلی پنجاب مریم نواز نے نوجوان بچوں اور بچیوں کو ای-بائیکس دی ہیں،وزیراعلی پنجاب اگست سے صحت کی سہولیات کی فراہمی کے لئے تاریخ کا سب سے بڑا ہیلتھ انسپیکٹوریٹ کا نظام شروع کرنے جا رہی ہیں ،مفت ڈائیلاسز پروگرام سے غریب اور نادار مریضوں کو علاج کی بہترین سہولیات ملی ہیں۔انہوں نے کہا کہ پہلی بار 60اے کیو آئی مانیٹرز نصب کئے گئے، ماحولیاتی آلودگی پر قابو پانے کے لئے مزید 100مانیٹر لگانے کا ہدف ہے۔ پنجاب میں پہلی بار سٹنٹنگ کا شکار بچوں کے لئے سکولوں میں دودھ کی فراہمی کا آغاز کر دیا گیا ہے۔ ورلڈ بینک کے وفد نے گفتگو کرتے ہوئے اپنے تاثرات میں کہا کہ پنجاب میں آکر اچھا لگا، حکومت پنجاب کے وفد سے ملاقات عمدہ تجربہ ہے،وزیراعلی مریم نوازشریف اور ان کی ٹیم متحرک اور پرعزم ہے۔ انہوں نے کہا کہ وزیر اعلی مریم نواز نے ایک سال میں تمام سیکٹرز میں نمایاں کام کیا،قانون سازی اور موثر عملدرآمد کے ذریعے اہداف کے حصول میں کامیابی حاصل کی، ورلڈ بینک کے وفد نے وزیراعلی پنجاب مریم نواز کی تمام شعبوں میں بصیرت اور کامیابیوں کو سراہا۔ورلڈ بنک کے وفد نے وزیراعلی کو خراج تحسین پیش کرتے ہوئے کہا کہ مریم نواز جس غیر معمولی رفتار سے پنجاب کو ترقی دے رہی ہیں وہ متاثر کن ہے۔.ذریعہ: UrduPoint
کلیدی لفظ: تلاش کیجئے انہوں نے کہا کہ وزیر وزیراعلی مریم نواز وزیراعلی پنجاب پروگرام کے تحت مریم اورنگزیب کیا جارہا ہے ورلڈ بینک کے پہلی مرتبہ کر دیا گیا کی فراہمی خواتین کے مریم اور پنجاب کے پہلی بار ہے پنجاب میں پہلی پنجاب کی کا آغاز رہے ہیں جاری ہے عوام کی صحت کی کے لئے کے وفد
پڑھیں:
عوام پر اضافی بوجھ ڈالا جارہا ہے: حافظ نعیم سندھ حکومت کے ای چالان سسٹم کے خلاف بول پڑے
جماعتِ اسلامی پاکستان کے امیر حافظ نعیم الرحمان نے سندھ حکومت کے ای چالان سسٹم کو شدید تنقید کا نشانہ بناتے ہوئے کہا ہے کہ یہ نظام عوام کی سہولت کے بجائے ان پر اضافی مالی دباؤ ڈالنے کا حربہ ہے۔
کراچی میں تقریب سے خطاب کرتے ہوئے انہوں نے کہاکہ اس عمل کا مقصد ٹرانسپورٹ کے نظام کی بہتر نہیں، بلکہ شہریوں سے رقم وصول کرنا ہے۔
مزید پڑھیں: ای چالان یورپ جیسا اور سڑکیں کھنڈر، کراچی کے شہریوں کی تنقید
حافظ نعیم نے کہاکہ شہریوں کو 5، 10، حتیٰ کہ 25 ہزار روپے تک کے بھاری جرمانے کیے جا رہے ہیں، مگر شہر آج بھی مناسب عوامی ٹرانسپورٹ سے محروم ہے۔
انہوں نے سوال اٹھایا کہ کراچی میں ایک خلاف ورزی کا چالان 5 ہزار روپے کا ہے اور لاہور میں یہی جرمانہ صرف 200 روپے کیوں ہے؟ کیا اس صورتحال میں پیپلز پارٹی پر تنقید جائز نہیں بنتی؟
انہوں نے عالمی بینک کی رپورٹس کا حوالہ دیتے ہوئے کہاکہ کراچی جیسے میگا سٹی کو کم از کم 15 ہزار بسوں کی ضرورت ہے، لیکن سندھ حکومت اب تک صرف 400 بسیں فراہم کر سکی ہے، جبکہ شہر کی آبادی 2 کروڑ 36 لاکھ سے زیادہ ہے۔
ان کے مطابق کروڑوں کی آبادی والے شہر کو موٹر سائیکل اور چنگچی رکشوں کے رحم و کرم پر چھوڑ دیا گیا ہے، اور اب کراچی میں موٹر سائیکلوں کی تعداد 50 لاکھ سے بڑھ چکی ہے۔
حافظ نعیم نے پیپلز پارٹی کو شدید تنقید کا نشانہ بناتے ہوئے کہاکہ اس جماعت نے گزشتہ 30 سے 40 برسوں میں کراچی کو ترقی دینے کے بجائے اس کی نسلیں برباد کیں، جبکہ گزشتہ 15 برسوں میں کوئی مثبت پیش رفت سامنے نہیں آئی۔
انہوں نے کہاکہ سندھ حکومت کے شروع کردہ بڑے منصوبے بھی سست رفتاری یا ناکامی کا شکار ہیں، جن میں ایس-III، کراچی سرکلر ریلوے، گرین لائن، ریڈ لائن اور اورنج لائن شامل ہیں۔
انہوں نے طنزیہ انداز میں کہاکہ کراچی سرکلر ریلوے کا 6 سے 8 مرتبہ افتتاح ہو چکا ہے لیکن منصوبہ آج تک مکمل نہیں ہو پایا، گرین لائن منصوبہ ابھی تک جزوی طور پر چل رہا ہے جبکہ ریڈ لائن نے یونیورسٹی روڈ تباہ کر دی ہے۔
جماعتِ اسلامی کے سربراہ نے اپنے کارکنان کی کارکردگی کا ذکر کرتے ہوئے کہا کہ محدود وسائل کے باوجود پارٹی نے شہر کے نو ٹاؤنز میں فعال کردار ادا کیا ہے۔
مزید پڑھیں: کراچی: ڈی آئی جی ٹریفک قانون کی خلاف ورزی پر ای چالان کی زد میں آگئے
ان کے مطابق نکاسیِ آب، صفائی اور کچرا اٹھانے جیسے کام جو کراچی واٹر اینڈ سیوریج کارپوریشن اور میئر مرتضیٰ وہاب کی ذمہ داری ہیں، اب جماعت اسلامی کے ٹاؤن چیئرمین اور یو سی سطح کے کارکن انجام دے رہے ہیں۔
انہوں نے بتایا کہ جماعت نے نارتھ ناظم آباد جیسے علاقوں میں پرانے سیوریج کے مسائل حل کیے ہیں اور گجر نالے کی لائنوں کو بہتر بنا کر آب نکاسی کے نظام میں بہتری پیدا کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ای چالان سسٹم تنقید جماعت اسلامی پاکستان حافظ نعیم الرحمان مالی بوجھ وی نیوز
ایکس اکاؤنٹ کو اپ ڈیٹ نہ کرنے پر اس کے لاک آؤٹ ہونیکا خطرہ