چیمپئنز ٹرافی: مڈل آرڈر کی ناکامی افغانستان کی شکست کی وجہ قرار
اشاعت کی تاریخ: 21st, February 2025 GMT
افغانستان کرکٹ ٹیم کے ہیڈ کوچ جونا تھن ٹراٹ نے کہا ہے کہ چیمپئنز ٹرافی میں جنوبی افریقا کے خلاف شکست کی بنیادی وجہ مڈل آرڈر کی ناکامی رہی جبکہ حریف ٹیم کے بولرز نے بہترین بولنگ کا مظاہرہ کیا۔
نیشنل اسٹیڈیم میں میچ کے بعد میڈیا سے گفتگو کرتے ہوئےانہوں نے کہا کہ دوران میچ کراچی کے تماشائیوں نے ہماری ٹیم کو بہت زیادہ سپورٹ کیا۔اپنے حامیوں کی موجودگی میں کرکٹ کھیل کر لطف اندوز ہوئے۔
ان کا کہنا تھا کہ مڈل آرڈر میں ہمیں رنز بنانا ہوں گے۔پہلے میچ میں ناکامی ضرور ہوئی ہے لیکن اگلے میچز میں انگلینڈ اور آسٹریلیا کے خلاف فتوحات حاصل کرنے کی کوشش کریں گے۔ میچ میں جنوبی افریقا کی اچھی بولنگ کی وجہ سے ہم ہدف تک پہنچنے میں ناکام رہے ،اگلے میچز میں غلطیوں پر قابو پانا ہوگا۔
دریں اثنا افغانستان کے خلاف سینچری جڑنے والے جنوبی افریقی بیٹر ریان ریکلٹن نے کہا کہ مجھے بے حد خوشی ہے کہ میری اچھی کارکردگی ٹیم کی فتح میں معاون ثابت ہوئی، کوئی ٹیم آسان نہیں ہوتی ، اگلے میچز میں جیت کے لیے میدان میں جائیں گے۔
انہوں نے مزید کہا کہ جنوبی افریقا کی حالیہ دنوں میں کار کردگی اچھی رہی ہے۔ پاکستان میں ہونے والی سہ قومی کرکٹ سیریز سے ہمیں بہت فائدہ ہوا اور مقامی کنڈیشنز سے ہم آہنگ ہونےمیں مدد ملی۔ پاکستان کے خلاف نیوزی لینڈ کے تین سورنزکے ہدف کو سامنے رکھ کر کراچی کی وکٹ پر ہم نے حکمت عملی بنائی،خوشی ہے کہ کامیابی حاصل کی۔
.ذریعہ: Express News
پڑھیں:
بھارتی کرکٹ بورڈ نے ایک مرتبہ ایشیا کپ کی ٹرافی کی ڈیمانڈ کردی
نئی دہلی(ویب ڈیسک)بھارتی کرکٹ بورڈ (بی سی سی آئی) نے ایک مرتبہ ایشیاکپ ٹرافی کی ڈیمانڈ کردی اور معاملہ انٹرنیشنل کرکٹ کونسل (آئی سی سی) اجلاس میں اٹھانے کی دھمکی دے دی۔
بھارتی میڈیا رپورٹس کے مطابق بی سی سی آئی کے سیکریٹری دیوا جیت سائیکیا نے ایک بار پھر ایشیاکپ کی ٹرافی کا مطالبہ کرتے ہوئے کہا کہ بھارتی ٹیم کو تاحال ایشیا کپ کی ٹرافی نہیں ملی، حالانکہ ٹورنامنٹ 28 ستمبر کو ختم ہوچکا ہے۔
ان کا کہنا تھا کہ اگر پیر تک ٹرافی بھارت کے حوالے نہیں کی جاتی تو یہ معاملہ 4 نومبر کو ہونے والی آئی سی سی میٹنگ میں اٹھایا جائے گا، مجھے یقین ہے کہ آئی سی سی انصاف کرے گی اور بھارت کو ٹرافی دلانے میں مدد کرے گی۔
یاد رہے کہ بھارت نے دبئی میں ہونے والے ایشیاکپ فائنل میں پاکستان کو شکست دی تھی، تاہم بھارتی ٹیم نے پی سی بی چیئرمین اور اے سی سی صدر محسن نقوی سے ٹرافی وصول کرنے سے انکار کر دیا تھا جس پر ایک اہلکار نے ٹرافی کو اسٹیج سے ہٹا دیا تھا۔
دیوا جیت سائیکیا کا کہنا تھا کہ ٹرافی ابھی تک بی سی سی آئی کے دفتر نہیں پہنچی، حالانکہ تقریباً 10 دن قبل اے سی سی چیئرمین کو باضابطہ درخواست بھیجی جا چکی ہے کہ ٹرافی جلد از جلد بھارت کو دی جائے۔
ذرائع کے مطابق اے سی سی کے صدر محسن نقوی پہلے ہی بھارت کو ٹرافی کے معاملے پر جواب دے چکے ہیں۔
ای میل پر جواب دیتے ہوئے اے سی سی نے کہا کہ بھارت کو ٹرافی چاہیے تو دبئی آکر لے لیں جب کہ محسن نقوی نے دس نومبر کو دبئی میں تقریب رکھنے کی بھی پیشکش کی تھی۔
اس سے قبل، 30 ستمبر کو دبئی میں ایشین کرکٹ کونسل کا اجلاس ہوا، جس میں پاکستان اور بھارتی کرکٹ بورڈ آمنے سامنے آگئے تھے۔
بھارتی کرکٹ بورڈ کی جانب سے مسلسل اصرار کیا جاتا رہا جس پر انہیں جواب دیا کہ فائنل کے بعد اے سی سی صدر محسن نقوی ٹرافی دینے اسٹیج پر موجود تھے، ٹرافی لینے سے انکار بھارتی کرکٹ ٹیم نے کیا۔
محسن نقوی نے واضح کیا کہ اب اگر بھارت کو ٹرافی چاہیے تو ایشین کرکٹ کونسل کے دفتر میں آکر مجھ سے لے لیں، یا پھر تقریب منعقد کرکے اے سی سی صدر سے وصول کرلیں۔
واضح رہے کہ متحدہ عرب امارات میں کھیلے گئے ایشیاکپ 2025 کے دوران بھارتی ٹیم کے کپتان سوریا کمار یادیو نے پاکستان کے خلاف میچ کے دوران پہلے کپتان اور پھر قومی ٹیم سے ہاتھ نہ ملاکر اسپورٹس مین اسپرٹ کی خلاف ورزی کی۔
یہی نہیں، میچ کے بعد پریس کانفرنس کے دوران بھارتی ٹیم کے کپتان نے پہلگام واقعے کا ذکر کرکے کرکٹ میں سیاست لے آئے اور پھر فائنل جیتنے کے بعد بھی اپنی حرکتوں سے باز نہ آئے، ایشین کرکٹ کونسل کے صدر محسن نقوی سے ٹرافی لینے سے ہی انکار کردیا۔
بھارت میں طوفان مونتھا کے پیش نظر اسکول بند، شہریوں کا انخلا