ابیٹ آباد: معمولی تنازع خونی واقعہ میں بدل گیا، 2 افراد قتل، متعدد گھر نذرآتش
اشاعت کی تاریخ: 23rd, February 2025 GMT
خیبر پختونخوا کے سیاحتی علاقے ابیٹ آباد میں پارکنگ کے تنازع پر نوجوان کے قتل پر مشتعل ہجوم نے قاتل کو مبینہ تشدد کے بعد قتل کر دیا۔
یہ بھی پڑھیں:پشاور: ڈبگری میں فائرنگ سے 2 افراد کے قتل کی اصل وجہ سامنے آگئی
پولیس کے مطابق واقعے ابیٹ آباد کے علاقے گلیات میں پیش آیا ہے، جہاں اس افسوسناک واقعے کے بود صورت حال خراب ہے۔ مشتعل افراد نے توڑ پھوڑ کے بعد کئی گھروں کو نذر آتش کر دیا ہے۔
ابیٹ آباد پولیس کے ایک افسر نے واقعے کی تصدیق کی اور بتایا کہ اب صورت حال کنٹرول میں ہے اور 20 سے زائد افراد کو گرفتار کیا گیا ہے۔
واقعہ کیسے پیش آیا؟ابیٹ آباد پولیس کے افسر نے بتایا کہ بظاہر واقعہ پارکنگ کا ہے، تاہم پولیس مزید تفتیش کر رہی ہے۔ انہوں نے بتایا کہ کوہاٹ سے تعلق رکھنے والا شخص گلیات میں نجی ہاؤسنگ سوسائٹی کا چوکیدار تھا اور ساتھ ہی بجلی کا کام بھی کرتا تھا۔
یہ بھی پڑھیں:ایبٹ آباد: ’بیٹے نے والدین کو پھانسی دے کر لاشیں کنویں میں پھینک دیں‘
انہوں نے بتایا کہ گزشتہ روز گلیات کا مقامی نوجوان اپنی گاڑی سوسائٹی کے پارکنگ میں پارک کرکے گیا تھا، تاہم آج واپس آنے پر چوکیدار سے منہ ماری ہوئی۔ چوکیدار نے مبینہ طور پر چاقو سے نوجوان پر حملہ کر دیا، جس سے نوجوان اور ان کا بھائی زخمی ہو گیا۔
پولیس افسر نے بتایا کہ چاقو کے وار سے گاڑی پارک کرنے والا نوجوان جاں بحق ہو گیا۔ جس پر مقامی افراد جمع ہو گئے، قاتل کی تلاش شروع کردی اور توڑ پھوڑ بھی کی۔
تشدد کے بعد قتلپولیس افسر نے بتایا کہ نوجوان کے قتل کے بعد گلیات میں مقامی افراد جمع ہوگئے اور حالات خراب ہوگئے۔انہوں نے بتایا کہ مشتعل افراد نے کئی گھروں کو بھی نذر آتش کیا۔
ذرائع نے بتایا کہ مبینہ قاتل واقعے کے بعد عمارت میں روپوش ہو گیا تھا، تاہم مقامی افراد کی جانب سے تلاش کے دوران اس نے عمارت سے چھلانگ لگا دی اور زخمی ہوگیا۔
انہوں نے بتایا کہ مشتعل افراد نے زخمی چوکیدار پر تشدد کرکے قتل کر دیا جبکہ پولیس کچھ نہ کر سکی۔
حالات قابو میں ہیںابیٹ آباد پولیس کے مطابق اب صورت حال کنٹرول میں ہے۔ پولیس نے کارروائی کرکے اب تک 20 سے زائد افراد کو گرفتار کیا ہے۔
پولیس حکام نے بتایا کہ پوسٹ مارٹم اور قانونی کارروائی کے بعد دونوں افراد کی لاشوں کو ان کے لواحقین کے حوالے کر دیا گیا ہے، جب کہ ایف آئی آر درج کرکے کارروائی جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایبٹ آباد توڑ پھوڑ قتل کوہاٹ گلیات.ذریعہ: WE News
کلیدی لفظ: ایبٹ ا باد توڑ پھوڑ قتل کوہاٹ گلیات ابیٹ آباد پولیس کے افسر نے کے بعد کے قتل کر دیا
پڑھیں:
بھارتی ریاست آندھرا پردیش کے وینکٹیشور سوامی مندر میں بھگدڑ، 10 افراد ہلاک
وزیراعلٰی نے اس واقعہ کو انتہائی دل دہلا دینے والا قرار دیا اور عہدیداروں کو زخمیوں کے فوری اور مناسب علاج کو یقینی بنانے کی ہدایت کی۔ اسلام ٹائمز۔ آندھراپردیش کے وینکٹیشور سوامی مندر میں بھگدڑ مچنے سے کئی افراد کے ہلاک ہونے کی اطلاع ہے۔ ضلع سریکاکولم کے کاسی بوگا میں وینکٹیشور سوامی مندر میں بھگدڑ مچ گئی۔ اس واقعے میں کم از کم 10 افراد ہلاک ہوگئے۔ ہلاک ہونے والوں میں 8 خواتین اور ایک لڑکا بھی شامل ہے۔ کئی دیگر افراد کے زخمی ہونے کی اطلاعات بھی ہیں۔ پولیس جائے وقوعہ پر پہنچ گئی ہے۔ ہلاکتوں میں اضافے کا خدشہ ہے۔ یہ واقعہ اس وقت پیش آیا جب کارتیکا ایکادشی کے موقع پر عقیدت مندوں کی بڑی تعداد مندر میں جمع تھی۔ وزیراعلٰی چندرا بابو نائیڈو نے بھگدڑ پر گہرے رنج و غم کا اظہار کیا۔ یہ واقعہ اس وقت پیش آیا جب ہزاروں ہندو عقیدت مند اکادشی کے لئے مندر میں جمع تھے۔ مندر میں موجود ہندو عقیدت مندوں کی بڑی تعداد میں بھیڑ نے اچانک بھگدڑ مچا دی جس کے نتیجے میں دس افراد ہلاک ہوگئے۔
زخمیوں کو فوری طور پر قریبی اسپتالوں میں علاج کے لئے منتقل کیا گیا۔ پولیس جائے وقوعہ پر پہنچی اور صورتحال کا جائزہ لے رہی ہے۔ ریاست آندھرا پردیش کے وزیراعلٰی این چندرا بابو نائیڈو نے واقعہ پر ردعمل ظاہر کیا۔ سی ایم چندرا بابو نائیڈو نے اس واقعہ کو انتہائی دل دہلا دینے والا قرار دیا اور عہدیداروں کو زخمیوں کے فوری اور مناسب علاج کو یقینی بنانے کی ہدایت کی۔ انہوں نے کہا کہ کاشی بگا بھگدڑ کا واقعہ پریشان کن ہے اور اس ناخوشگوار واقعہ میں عقیدت مندوں کی موت انتہائی افسوسناک ہے۔ انہوں نے ہلاک ہونے والوں کے اہل خانہ سے گہری ہمدردی کا اظہار کیا۔ وزیراعلیٰ نے زخمیوں کو بہتر طبی سہولیات فراہم کرنے کے احکامات جاری کئے۔ انہوں نے مشورہ دیا کہ وہ جائے حادثہ پر جائیں اور امدادی سرگرمیوں کی نگرانی کریں۔
صرف ایک کام— بدل دو نظام