ملک کیوں چھوڑناپڑا؟گلوکار علی حیدر نے وجہ بتادی
اشاعت کی تاریخ: 24th, February 2025 GMT
کراچی(شوبز ڈیسک)گلوکار و اداکار علی حیدر نے انکشاف کیا ہے کہ ماضی میں بھتے کی پرچیاں ملنے اور لوگوں کی جانب سے دھمکیاں ملنے کے باعث انہوں نے ملک چھوڑا جب کہ ان ہی دھمکیوں کی وجہ سے دل برداشتہ ہوکر ان کے والد بھی چل بسے۔
علی حیدر نے حال ہی میں احمد علی بٹ کے پوڈکاسٹ میں شرکت کی، جہاں انہوں نے میوزک کیریئر سمیت ملک چھوڑنے کے معاملے پر کھل کر بات کی۔
ان کے مطابق 2010 کے بعد کچھ خاندانی مسائل کی وجہ سے وہ پہلے ہی میوزک سے دور ہو چکے تھے اور انہوں نے نعتیں پڑھنا شروع کردی تھیں۔
ان کا کہنا تھا کہ پہلےہی وہ خاندان مسائل اور پریشانیوں سے گزر رہے تھے لیکن اس دوران پھر اچانک انہیں دوسروں کی جانب سے بھی دھمکیاں اور پرچیاں ملنے لگیں۔
انہوں نے بتایا کہ 2013 اور 2014 میں ہر کسی کو بھتے کی پرچیاں ملتی تھیں، انہیں بھی ملنے لگیں، دوسروں کی طرح انہیں بھی دھمکیاں ملنے لگیں۔
علی حیدر کا کہنا تھا کہ باقی لوگوں نے اس وقت پریشر برداشت کیا لیکن ان سے پریشر بردشت نہ ہوا اور انہیں ملک چھوڑنا پڑا۔
ان کے مطابق اس وقت ان کے والد پرنٹنگ پریس کا کاروبار کرتے تھے جو کہ دھمکیوں اور بھتے کی پرچیوں کے بعد بند ہوگیا اور والد گھر پر بیٹھ گئے۔
انہوں نے بتایا کہ والد کے گھر پر بیٹھنے کے باوجود انہیں دھمکی آمیز فون آنے لگے اور انہیں بتایا جاتا کہ آپ کا گھر نمبر فلاں ہیں، فلاں محلے اور گلی میں آپ کا گھر ہے جب کہ اہل خانہ کے حوالے سے بھی غلیظ دھمکیاں دی جاتیں۔
علی حیدر کا کہنا تھا کہ بھتے کی پرچیاں ملنے اور دھمکیاں ملنے کے بعد ایک دن وہ لوگ گھر میں ہی آگئے اور بیٹھ گئے، جس سے ان کے زائدالعمر والد سخت پریشان ہوگئے اور پھر کچھ عرصے بعد وہ انتقال کر گئے۔
گلوکار نے بتایا کہ ان کے والد پرسکون حالت میں انتقال کر گئے تھے لیکن وہ بھی دھمکیوں اور بھتے کی پرچیوں سے پریشان تھے۔
انہوں نے دھمکیاں دینے اور بھتے کی پرچیاں دینے والوں کے نام بتانے سے گریز کرتے ہوئے کہا کہ سب کو معلوم ہے کہ 2013 اور 2014 میں یہ سب کون کر رہا تھا؟
انہوں نے یہ بھی کہا کہ ہر کسی کو معلوم ہے کہ اس وقت کون کس طرح کن کو دھمکیاں دیتا تھا اور کیا کیا کام کرتا تھا، ہر کسی کو ہر چیز بتانے کی ضرورت نہیں، کچھ چیزیں نہیں بھی بتائی جا سکتیں۔
علی حیدر کے مطابق بعد ازاں وہ والدہ کے کہنے پر اہلیہ اور بچوں کے ہمراہ ایک پرانے پروموٹر کی توسط سے امریکا منتقل ہوگئے اور ان کا ایسا سلسلہ بن گیا کہ وہ وہاں رہ گئے۔
انہوں نے اعتراف کیا کہ امریکا میں پاکستان کے مقابلے محفوظ ماحول تھا اور انہوں نے کئی سال وہیں گزار دیے۔
علی حیدر نے بتایا کہ 2010 کے بعد ان کی جانب سے پڑھی گئی نعتیں اور حمد بھی موسیقی کی تبدیل شدہ شکلیں تھیں۔
مزیدپڑھیں:گولی کیوں چلائی؟ وہ کہتے ہیں وفاقی حکومت کے ماتحت آتے ہیں، وزیراعلیٰ خیبرپختونخوا
ذریعہ
ذریعہ: Daily Ausaf
کلیدی لفظ: نے بتایا کہ علی حیدر نے انہوں نے کے بعد اور ان
پڑھیں:
اسپین کے ورلڈ کپ ہیروز کو ٹماٹروں میں کیوں تولا گیا، یہ دلچسپ روایت کب سے شروع ہوئی؟
فیفا ورلڈ کپ 2026 جیتنے والے اسپین کے 2 فٹبالرز گاوی اور فابیان روئز کو اپنے آبائی شہر میں ایک منفرد اعزاز سے نوازتے ہوئے انہیں ٹماٹر میں تول دیا گیا۔
یہ بھی پڑھیں: ورلڈ کپ چیمپیئن اسپین کا شاندار استقبال، میڈرڈ کی سڑکوں پر 18 لاکھ سے زائد شائقین کا جشن
دونوں کھلاڑی 21 جولائی کو اپنے آبائی شہر لوس پالاسیوس ای ویافرانکا پہنچے جہاں شہری استقبالیہ تقریب کے دوران مقامی حکام نے ایک پرانی روایت کے مطابق انہیں یہ منفرد تحفہ پیش کیا۔
تقریب میں دونوں فٹبالرز کو پہلے ترازو پر کھڑا کیا گیا۔ پیرس سینٹ جرمین کے مڈفیلڈر فابیان روئز کا وزن 85 کلوگرام جبکہ بارسلونا کے مڈفیلڈر گاوی کا وزن 68.5 کلوگرام نکلا جس کے بعد دونوں کو اتنی ہی مقدار میں مقامی طور پر کاشت کیے گئے ٹماٹر پیش کیے گئے۔
یہ روایت کب شروع ہوئی؟یہ دلچسپ روایت 2010 کے فیفا ورلڈ کپ کے بعد شروع ہوئی تھی جب اسی شہر سے تعلق رکھنے والے اسپین کے سابق اسٹار خیسوس ناواس نے جنوبی افریقہ میں اسپین کو پہلی مرتبہ عالمی چیمپیئن بنانے میں اہم کردار ادا کیا تھا۔
اس کے بعد سے لوس پالاسیوس ای ویافرانکا میں بڑے بین الاقوامی ٹائٹل جیتنے والے مقامی کھلاڑیوں کو ان کے وزن کے برابر ٹماٹر دینے کی روایت برقرار ہے۔
مزید پڑھیے: فیفا ورلڈ کپ 2026 جیتنے پر اسپین پر ڈالروں کی بارش، کتنا انعام ملا؟
خیسوس ناواس کو یورو 2012 کی کامیابی پر بھی یہی اعزاز دیا گیا تھا جبکہ فابیان روئز کو یورو 2024 جیتنے کے بعد بھی اسی روایت کے تحت ٹماٹر پیش کیے گئے تھے۔
مقامی حکام کا کہنا ہے کہ یہ روایت اب شہر کی شناخت بن چکی ہے اور اس کے ذریعے اپنے نامور کھلاڑیوں کو منفرد انداز میں خراجِ تحسین پیش کیا جاتا ہے۔
صرف ٹماٹر ہی نہیں مزید اعزازات بھیتقریب کے دوران دونوں عالمی چیمپئنز کو 1982 کے فیفا ورلڈ کپ کے سرکاری میسکاٹ ’ٹوماٹیٹو‘ کی تصاویر والے خصوصی بینرز بھی پیش کیے گئے۔
شہری انتظامیہ نے اعلان کیا کہ شہر کے دو مقامی فٹبال گراؤنڈز کے نام بھی تبدیل کیے جائیں گے جنہیں ’فابیان روئز فٹبال فیلڈ‘ اور ’پابلو مارٹن پائیز گاویرا (گاوی) فٹبال فیلڈ‘ کا نام دیا جائے گا۔
مزید پڑھیں: ورلڈ کپ 2026: اسپین کا تاریخی کارنامہ، بیک وقت مردوں اور خواتین کا عالمی چیمپئن بننے والا پہلا ملک
اس کے علاوہ شہر میں خیسوس ناواس، فابیان روئز اور گاوی کی خدمات کے اعتراف میں ایک یادگار بھی تعمیر کی جائے گی تاکہ آئندہ نسلوں کے لیے وہ رول ماڈل کی حیثیت اختیار کریں۔
اسپین نے دوسرا عالمی ٹائٹل جیتااسپین نے ورلڈ کپ 2026 کے فائنل میں ارجنٹینا کو اضافی وقت میں 1-0 سے شکست دی تھی۔ میچ کا واحد اور فیصلہ کن گول فیران ٹوریس نے 106ویں منٹ میں کیا، جس کے ساتھ اسپین نے تاریخ میں دوسری مرتبہ فیفا ورلڈ کپ اپنے نام کیا۔
ورلڈ کپ کی تاریخ کی سب سے بڑی انعامی رقماس عالمی اعزاز کے ساتھ اسپین نے مالی لحاظ سے بھی ریکارڈ قائم کیا۔ فیفا نے فاتح ٹیم کو 5 کروڑ ڈالر انعامی رقم دی جو ورلڈ کپ کی تاریخ میں چیمپیئن ٹیم کو دی جانے والی سب سے بڑی رقم ہے۔
کوالیفکیشن اور تیاری کے لیے ملنے والی رقوم سمیت اسپین کی مجموعی آمدن 6 کروڑ 35 لاکھ ڈالر سے تجاوز کر گئی۔
???????? Spain may have won the World Cup… but FIFA hit the REAL jackpot. ????
Spain earned $50M for lifting the trophy, while Argentina collected $33M as runners-up. ????????????????
FIFA distributed a total of $871M in prize money across all 48 teams:
▪️ Group stage: $9 million.
▪️ Next… pic.twitter.com/zee19Tr7M6
— Rhythm FM (@937RhythmFm) July 24, 2026
فیفا ورلڈ کپ 2026 کے مجموعی انعامی فنڈ کی مالیت 87 کروڑ 10 لاکھ ڈالر رہی، جبکہ رنر اپ ارجنٹینا کو 3 کروڑ 30 لاکھ ڈالر، تیسری پوزیشن حاصل کرنے والی ٹیم کو 2 کروڑ 90 لاکھ ڈالر اور چوتھی پوزیشن پر آنے والی ٹیم کو 2 کروڑ 70 لاکھ ڈالر دیے گئے۔
یہ بھی پڑھیے: فیفا ورلڈ کپ 2026: فیرا توریس کا شاندار فیلڈ گول، اسپین عالمی چیمپیئن بن گیا، ارجنٹائن کا خواب چکنا چور
اس ٹورنامنٹ میں شریک تمام 48 ٹیموں کو کم از کم ایک کروڑ 25 لاکھ ڈالر کی انعامی رقم ملی جس کے باعث سال 2026 کا ورلڈ کپ مالی اعتبار سے تاریخ کا سب سے بڑا عالمی فٹبال ایونٹ قرار پایا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپین کی دلچسپ روایت اسپین کے فٹبال ورلڈ کپ ہیروز اسپین کے کھلاڑی ٹماٹروں میں تول دیے گئے اسپین کے ہیروز اور ٹماٹر ٹماٹر اور دلچسپ روایت
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم