ملک کے کن علاقوں میں بارش اور برف باری کا امکان؟
اشاعت کی تاریخ: 26th, February 2025 GMT
ملک کے مختلف علاقوں میں گرج چمک کے ساتھ بارش اور پہاڑوں پر برفباری کا امکان ہے۔
محکمہ موسمیات کے مطابق بالائی خیبرپختونخوا، کشمیر، گلگت بلتستان، خطہ پو ٹھو ہار ،اسلام آباد، مری اور گلیات میں ا کژ مقامات پر تیز ہواؤں اور گرج چمک کے ساتھ وقفے وقفے سے بارش اورپہاڑوں پر برفباری کی توقع ہے۔
جنو بی خیبرپختونخوا ،شمال مشر قی بلو چستان ، شمال مشر قی اور وسطی پنجاب میں چند مقامات پر تیز ہواؤں اورآندھی اور گرج چمک کے ساتھ بارش جبکہ چند مقامات پر ژالہ باری کا امکان ہے۔ ملک کےدیگر علاقوں میں مطلع جزوی ابرآلود رہنے کا امکان ہے۔
محکمہ موسمیات کے مطابق اسلام آباد اور گردونواح میں وقفے وقفے سے تیز ہواؤں اور گرج چمک کے ساتھ مزید بارش جبکہ چند مقاما ت پر تیز بارش اورژالہ باری کی توقع ہے۔خیبرپختونخوا میں دیر، چترال، کوہستان، سوات، شانگلہ، مانسہرہ ،بونیر، ایبٹ آباد ، صوابی، مردان، مالاکنڈ، باجوڑ، مہمند، خیبر، کرم، نوشہرہ، پشاور، چارسدہ اور گرد نواح میں اکژ مقامات پر تیز ہواؤں اور گرج چمک کے ساتھ وقفے وقفے سے بارش اورپہاڑوں پر برفباری کا امکان ہے۔ اس دوران بعض مقامات پر موسلا دھار بارش اور پہاڑوں پر شدید برفباری ہو سکتی ہے۔
کوہاٹ، کرک، بنوں، وزیرستان، لکی مروت اور ڈی آئی خان میں تیز ہواؤں اور آندھی اور گرج چمک کے ساتھ چند مقاما ت پر بارش اور چند مقامات پر ژالہ باری کی توقع ہے۔ راولپنڈی، اٹک، جہلم ، گجرات،چکوال، میانوالی، منڈی بہاؤالدین، سرگودھا، خوشاب، فیصل آباد ، ٹوبہ ٹیک سنگھ، جھنگ، لاہور، اوکاڑہ، شیخوپورہ، گوجرانوالہ ،سیالکوٹ ، نارووال، نور پور تھل اورگردو نواح میں گرج چمک کے ساتھ بارش جبکہ چند مقامات پر ژالہ باری کا امکان ہے ۔
مری،گلیات اور گردونوا ح میں تیزہواؤں کے ساتھ وقفے وقفے سے بارش اور برفباری جبکہ چند مقامات پر تیز بارش اورشدید برفباری کی توقع ہے جبکہ صو بے کے دیگر ا ضلاع میں مطلع جزوی ابر آلود رہنے کے علا وہ ہلکی بارش یا بوندا با ندی ہو سکتی ہے ۔
سندھ کے بیشتر اضلاع میں موسم خشک اور مطلع جزوی ابرآلودرہنے کا امکان ہے۔ سندھ کے بالائی اضلاع میں چند مقامات پر ہلکی بارش اوربوندا با ندی ہو سکتی ہے۔ بلچستان کے بیشتراضلاع میں موسم سرد اور مطلع جزوی ابر آلود رہنے کا امکان ہے۔ کوئٹہ، زیارت، چمن، پشین، قلعہ عبداللہ، قلعہ سیف اللہ ، قلات ، ژوب ، بارکھان، خضدار، موسیٰ خیل اور گردنواح میں تیز ہواؤں اور گرج چمک کے ساتھ چند مقاما ت پر بارش اور پہاڑوں پر برفباری ہو سکتی ہے۔
کشمیر میں گرج چمک کے ساتھ وقفے وقفے سے بارش اور برفباری اور اس دوران بعض مقامات پر موسلادھار بارش اور شدید برفباری کی توقع ہے۔ گلگت بلتستان میں گرج چمک کے ساتھ وقفے وقفے سے بارش اوربرفباری جاری ہے۔
.ذریعہ: Express News
کلیدی لفظ: میں گرج چمک کے ساتھ باری کا امکان ہے باری کی توقع ہے مقامات پر تیز چند مقامات پر ہو سکتی ہے مطلع جزوی جبکہ چند جزوی ا
پڑھیں:
پنجاب میں مون سون کا 11واں اسپیل، کن شہروں میں بارش کا امکان؟
لاہور:محکمہ موسمیات کی جانب سے آج سے پنجاب کے بیشتر علاقوں میں مون سون بارشوں کی پیشگوئی ہے۔
ترجمان پی ڈی ایم پنجاب کے مطابق مون سون بارشوں کا 11 واں اسپیل 19 ستمبر تک جاری رہے گا جس کے زیر اثر راولپنڈی، مری، گلیات، اٹک، چکوال، جہلم، گجرانولہ، لاہور، گجرات اور سیالکوٹ میں بارشیں متوقع ہیں۔
اس کے علاوہ نارووال، حافظ آباد، منڈی بہاالدین، اوکاڑہ، ساہیوال، قصور، جھنگ، سرگودھا، اور میانوالی میں بھی بارشوں کا امکان ہے۔
ترجمان پی ڈی ایم اے کے مطابق 18 اور 19 ستمبر کے دوران راولپنڈی، مری، گلیات کے ندی نالوں میں بہاؤ کے اضافے کا امکان ہے۔
وزیراعلیٰ پنجاب کی ہدایات کے پیش نظر صوبہ بھر کے کمشنرز اور ڈپٹی کمشنرز الرٹ ہیں، مون سون بارشوں کے باعث بڑے شہروں کے ندی نالوں میں طغیانی کا خدشہ ہے۔
محکمہ صحت، آبپاشی، تعمیر و مواصلات لوکل گورنمنٹ اور لائیو اسٹاک کو الرٹ جاری کر دیا گیا ہے۔ شہریوں سے التماس ہے کہ خراب موسم کی صورتحال میں احتیاطی تدابیر اختیار کریں۔
ریلیف کمشنر پنجاب نبیل جاوید کا کہنا ہے کہ دریاؤں کے اطراف اکٹھے ہونے اور سیرو تفریح سے گریز کریں، آندھی و طوفان کی صورتحال میں محفوظ مقامات پر رہیں غیر ضروری سفر سے گریز کریں۔ ایمرجنسی صورتحال میں پی ڈی ایم اے ہیلپ لائن 1129 پر رابطہ کریں۔
روس کی تیار کردہ کینسر ویکسین ابتدائی تجربات میں 100 فیصد مؤثر،علاج میں بڑی پیشرفت