سپہ سالار اور وزیر اعظم
اشاعت کی تاریخ: 27th, February 2025 GMT
پاکستان کی تاریخ میں ایک بار پھر فوجی اور سیاسی قیادت کے درمیان مثالی ہم آہنگی نے ملک کو نئی بلندیوں کی طرف گامزن کر دیا ہے۔ سپہ سالار جنرل عاصم منیر اور وزیر اعظم شہباز شریف کی مشترکہ کوششوں کے باعث نہ صرف سکیورٹی فورسز کے اعتماد میں اضافہ ہوا ہے بلکہ ملک معاشی استحکام اور ترقی کی نئی منازل طے کر رہا ہے۔ اس مثالی تعاون نے پاکستان کو ایک مضبوط اور مستحکم ملک بنانے کی راہ ہموار کی ہے۔جنرل عاصم منیر کی قیادت میں پاک فوج نے نہ صرف ملکی سلامتی کو یقینی بنایا ہے بلکہ عالمی سطح پر بھی اپنا لوہا منوایا ہے۔ گزشتہ برسوں میں پاک فوج کی کارکردگی نے اسے دنیا کی طاقتور ترین افواج میں شامل کر دیا ہے۔گلوبل فائر پاور نے دنیا کی طاقتور ترین افواج کی فہرست جاری کی ہے جس میں پاکستانی فوج کو دنیا کی طاقتور ترین فوج قرار دیا گیا ہے۔ پاکستان 0.
پی ٹی آئی کے ناکام احتجاجی مظاہرے کے دوران کچھ عناصر نے جنرل عاصم منیر کے خلاف منفی پروپیگنڈہ کیا۔ یہ بات قابل ذکر ہے کہ ان مظاہروں میں کچھ ایسے لوگ بھی شامل تھے جن پر انڈین فنڈنگ کے الزامات عائد کیے گئے ہیں۔ یہ عناصر ملک کی سلامتی اور استحکام کو نقصان پہنچانے کی کوششوں میں مصروف رہے لیکن پاک فوج اور عوام کی یکجہتی نے ان کی سازشوں کو ناکام بنا دیا۔ پی ٹی آئی پاکستان اور ٓرمڈ فورسز کو بدنام کرنے کے لیے ہر ممکن ہتھکنڈہ استعمال کر رہی ہے لیکن تقدیر کا کچھ ایسا کرنا ہوتا ہے کہ ہر حربہ ان پر ہی واپس پلٹ جاتا ہے۔ بدنامی اور بے عزتی کے سوا ان کے ہاتھ کچھ نہیں آتا۔ جس طرح ٹی ٹی پی ہمارے معصوم لوگوں اور فوجیوں کو شہید کر کے دہشت گردی پھیلا رہی ہے اسی طرح پی ٹی آئی پاک فوج کے خلاف زہریلی مہم چلا کر نظریاتی دہشت گردی پھیلانے میں مصروف ہے۔ یہ فتنہ قتل سے بھی بڑا ہے کیونکہ یہ معاشرے کی بنیادوں کو کھوکھلا کر رہا ہے۔ قرآن پاک میں بھی فتنے کو قتل سے زیادہ خطرناک قرار دیا گیا ہے۔سورۃ البقرہ کی آیت نمبر191میں ارشاد ہے کہ ترجمہ: ’’اور فتنہ قتل سے زیادہ سخت ہے۔‘‘ یہ آیت اس بات کی وضاحت کرتی ہے کہ فتنہ اور فساد، جو معاشرے میں انتشار، بگاڑ اور امن و امان کو خراب کرنے کا باعث بنتے ہیں قتل سے کہیں زیادہ خطرناک ہیں۔ فتنہ نہ صرف جسمانی نقصان پہنچاتا ہے بلکہ معاشرتی، اخلاقی اور نظریاتی بنیادوں کو بھی تباہ کر دیتا ہے۔ اس لیے قرآن پاک میں فتنے کو انتہائی سنگین عمل قرار دیا گیا ہے۔فتنہ کا مطلب ہے لوگوں کو گمراہ کرنا، معاشرے میں بے امنی پھیلانا، اور اللہ کے نظام کو خراب کرنا۔ اس آیت میں فتنے کو دین کے راستے میں رکاوٹ یا فساد قرار دیا گیا ہے اور اس کا مطلب یہ ہے کہ فتنہ دین میں فساد اور فساد سے زیادہ خطرناک ہوتا ہے کیونکہ یہ انسانوں کو ایمان سے منحرف کرتا ہے اور معاشرتی اور روحانی تباہی کا سبب بنتا ہے۔اللہ تعالیٰ نے اسے ’’قتل سے زیادہ خطرناک‘‘ قرار دیا ہے کیونکہ فتنہ انسانوں کی روحانیت اور ایمان دونوں کو متاثر کرتا ہے۔دوسری جانب وزیر اعظم شہباز شریف ملک کو معاشی بحران سے نکالنے اور ترقی کی راہ پر گامزن کرنے کے لئے دن رات محنت کر رہے ہیں۔ ان کی قیادت میں حکومت نے معیشت کو مستحکم کرنے کے لئے کئی اہم اقدامات اٹھائے ہیں۔ ان اقدامات میں بیرونی سرمایہ کاری کو فروغ دینا، صنعتی شعبے کو مضبوط بنانا، اور توانائی کے شعبے میں اصلاحات شامل ہیں۔
شہباز شریف کی حکومت نے چین کے ساتھ اقتصادی راہداری کے منصوبوں کو بھی تیز کر دیا ہے۔ جس سے ملک میں ترقی کے نئے دروازے کھلے ہیں۔ ان کی کوششوں کے باعث پاکستان کی معیشت میں بتدریج بہتری آ رہی ہے، ملک معاشی بحران سے نکلنے کی طرف گامزن ہے۔حال ہی میں وزیر اعظم نے آذر بائیجان اور ازبکستان کے سربراہان کی دعوت پر ان ممالک کے ہنگامی دورے کئے ہیں اور اربوں ڈالرز کی سرمایہ کاری کی کامیابی سمیٹی ہے۔ میاں شہباز شریف کے لئے اپنے سینئر صحافی دوست عاصم نصیر اور نوجوان وفاقی وزیر اطلاعات و نشریات عطا اللہ تارڑ کی باتوں کو نقل کروں گا کہ!شہباز شریف صرف وزیراعظم نہیں بلکہ 24 کروڑ پاکستانیوں کی امید ہیں ۔ آذربائیجان کا پاکستان میں مختلف شعبوں میں دو ارب ڈالر کی سرمایہ کاری کا اعلان وزیراعظم کی محنت کا نتیجہ ہے جو اپنی صحت کو پس پشت ڈال کر دن رات پاکستان کو قائد اور اقبال کا پاکستان بنانے کے مشن پر عمل پیرا ہیں۔ شہباز شریف نے پنجاب بدلا اور یقین ہے کہ اللہ اس شخص سے پاکستان کے لئے کام لیں گے ، پاکستان ان شااللہ ایشین ٹائیگر بنے گا اور دشمن کے تمام حربے ناکام ہوں گے پاکستان ترقی کے زینے بھی عبور کریگا اور سفارتی کامیابیاں بھی سمیٹے گا ! جنرل عاصم منیر اور شہباز شریف کی قیادت میں فوجی اور سیاسی قیادت کے درمیان مثالی تعاون نے پاکستان کو ایک نئی سمت دی ہے۔ دونوں قائدین کی مشترکہ کوششوں سے پاکستان ایک مضبوط اور مستحکم ملک بننے کی طرف بڑھ رہا ہے۔اگرچہ پاکستان نے حالیہ برسوں میں کئی چیلنجز کا سامنا کیا ہے لیکن جنرل سپہ سالار اور وزیر اعظم کی قیادت نے ان چیلنجز کو مواقع میں بدل دیا ہے۔ مستقبل میں بھی پاکستان کو کئی چیلنجز کا سامنا ہو سکتا ہے لیکن فوجی اور سیاسی قیادت کے درمیان مضبوط تعلقات اور مثالی تعاون کے باعث ملک ان چیلنجز کا مقابلہ کرنے کے لیے تیار ہے۔ یہ مثالی کواڈنیشن نہ صرف پاکستان بلکہ پوری قوم کے لیے فخر کا باعث ہے۔
ذریعہ: Daily Ausaf
کلیدی لفظ: قرار دیا گیا ہے زیادہ خطرناک شہباز شریف پاکستان کو سپہ سالار کر دیا ہے سے زیادہ کی قیادت دنیا کی ہے لیکن کرنے کے پاک فوج قتل سے کے لئے
پڑھیں:
وزیرِ اعظم شہباز شریف کے مملکت سعودی عرب کے دورے کے حوالے سے مشترکہ اعلامیہ
ریاض ( ڈیلی پاکستان آن لائن ) وزیرِ اعظم محمد شہباز شریف کے مملکت سعودی عرب کے دورے کے حوالے سے مشترکہ اعلامیہ جاری کیا گیا ہے ۔
تفصیلات کے مطابق ولی عہد و وزیر اعظم سعودی عرب شہزادہ محمد بن سلمان بن عبدالعزیز آل سعود کی پر وقار دعوت پر پاکستان کے وزیر اعظم محمد شہباز شریف نے 17 ستمبر 2025 - 25/3/1447 ہجری کو مملکت سعودی عرب کا سرکاری دورہ کیا۔
ولی عہد و وزیرِ اعظم شہزادہ محمد بن سلمان بن عبدالعزیز آل سعود، نے ریاض کے ال یمامہ پیلس میں وزیر اعظم پاکستان کا استقبال کیا۔ دونوں رہنماؤں نے پاکستان اور سعودی عرب کے وفود کی موجودگی میں مذاکرات کا باضابطہ اجلاس منعقد کیا۔ اجلاس کے آغاز میں، وزیر اعظم شہباز شریف نے خادم الحرمین شریفین شاہ سلمان بن عبدالعزیز آل سعود کیلئے خیرمقدم کا اظہار کرتے ہوئے نیک خواہشات کا اظہار کیا۔ فریقین نے دونوں ممالک کے درمیان تاریخی اور سٹریٹجک تعلقات اور مشترکہ دلچسپی کے متعدد موضوعات کا جائزہ لیا اور تبادلۂ خیال کیا۔
پاکستان کی معیشت پر بین الاقوامی اعتماد کا اظہار، مشرق بینک کا پاکستان میں داخلہ:پاکستان بینکس ایسوسی ایشن
مملکت سعودی عرب اور اسلامی جمہوریہ پاکستان کے درمیان تقریباً 8 دہائیوں پر محیط تاریخی شراکت داری، بھائی چارہ اور اسلامی یکجہتی کے ساتھ ساتھ دونوں ممالک کے درمیان مشترکہ سٹریٹجک مفادات اور قریبی دفاعی تعاون کے تناظر میں، ولی عہد و وزیرِ اعظم سعودی عرب عزت مآب شہزادہ محمد بن سلمان بن عبدالعزیز آل سعود اور وزیرِ اعظم محمد شہباز شریف نے پاکستان اور سعودی عرب کے مابین ’’سٹریٹجک باہمی دفاعی معاہدے‘‘ (SMDA) پر دستخط کئے۔ یہ معاہدہ، جو دونوں ممالک کی اپنی سلامتی کو بڑھانے اور خطے اور دنیا میں سلامتی اور امن کے حصول کے لیے مشترکہ عزم کی عکاسی کرتا ہے، اس کا مقصد دونوں ممالک کے درمیان دفاعی تعاون کو فروغ دینا اور کسی بھی جارحیت کے خلاف مشترکہ دفاع و تحفظ کو مضبوط بنانا ہے۔ معاہدے میں کہا گیا ہے کہ کسی بھی ایک ملک کے خلاف کسی بھی جارحیت کو دونوں ملکوں کے خلاف جارحیت تصور کیا جائے گا۔
چیف منسٹر پنجاب نے پوچھا بار ایسوسی ایشنز میں مسلم لیگ کیوں ہار رہی ہے؟ خواجہ محمد شریف نے کہا ”اس سوال کا جواب سچے مسلم لیگی ہی دے سکتے ہیں“
وزیر اعظم محمد شہباز شریف نے اپنے اور پاکستانی وفد کے پرتپاک استقبال اور فراخدلی سے مہمان نوازی پر ولی عہد شہزادہ محمد بن سلمان بن عبدالعزیز آل سعود کا تہہ دل سے شکریہ ادا کیا۔ وزیرِ اعظم شہباز شریف نے خادم الحرمین شریفین، شاہ سلمان بن عبدالعزیز آل سعود، ولی عہد و وزیرِ اعظم سعودی عرب شہزادہ محمد بن سلمان بن عبدالعزیز آل سعود اور سعودی عرب کے برادر عوام کے لیے مسلسل ترقی، خوشحالی اور فلاح و بہبود کے لیے نیک خواہشات کا اظہار کیا۔ عزت مآب ولی عہد نے وزیرِ اعظم محمد شہباز شریف کی اچھی صحت، تندرستی اور پاکستان کے برادر عوام کی مزید ترقی اور خوشحالی کے لیے نیک تمناؤں کا اظہار کیا۔
چپقلش کاخوب شور تھا، سرکار کی نوکری کرتے 14برس بیت گئے تھے، ابھی پہلی پروموشن کا انتظار تھا،تکلیف دہ انتظار اور یہ ختم ہوتے نظر بھی نہیں آ رہا تھا
مزید :
نیپال، سوشل میڈیا پر پابندیوں اور کرپشن کیخلاف احتجاج شدت اختیار کر گیا، 10 ہلاک، درجنوں زخمی