بارشوں کی پیشگوئی؛ کن شہروں میں بادل برسیں گے، محکمہ موسمیات نے بتادیا
اشاعت کی تاریخ: 27th, February 2025 GMT
ملک کے مختلف شہروں میں بارش، ژالہ باری اور پہاڑوں پر برفباری کا امکان ہے۔
محکمہ موسمیات کے مطابق خیبر پختونخوا کشمیر گلگت بلتستان اور شمال مشرقی پنجاب میں بارش متوقع ہے۔ چند مقامات پر ژالہ باری اور پہاڑوں پر برفباری کا امکان ہے۔
اسلام آباد میں تیز ہواؤں کے ساتھ بارش جبکہ رات میں ژالہ باری کا امکان ہے۔ دیر ،چترال، سوات، شانگلہ ،مردان، باجوڑ خیبر پشاور بنوں اور کوہاٹ میں بارش اور ژالہ باری متوقع ہے۔مری اور گلیات میں تیز ہواؤں کے ساتھ بارش اور برفباری کا امکان ہے۔
پنجاب کے بیشتر اضلاع میں بارش اور ژالہ باری ہوسکتی ہے۔ بالائی سندھ میں چند مقامات پر ہلکی بارش کا امکان ہے۔ بلوچستان کے بیشتر اضلاع میں بارش اور پہاڑوں پر برفباری کی توقع ہے۔ کشمیر اور گلگت بلتستان میں بارش اور برفباری کا امکان ہے۔
محکمہ موسمیات کے مطابق بلوچستان کے بیشتر علاقوں میں موسم سرد اور مطلع جزوی ابر آلود رہنے کا امکان ہے۔ کوئٹہ ،زیارت، چمن ، پشین، قلعہ عبداللہ، قلعہ سیف اللہ اور قلات میں گرچ جمک کے ساتھ بارش اور پہاڑوں پر برفباری کی توقع ہے۔ ژوب ،موسیٰ خیل، لورالائی، بارکھان، سبی، ڈیرہ بگٹی اور نصیرآباد میں بھی گرج چمک کے ساتھ بارش ہوسکتی ہے۔ جھل مگسی، کوہلو، خضدار، خاران ، پنجگور، دالبندین اور نوکنڈی میں بارش کا امکان ہے۔
کوئٹہ میں کم سے کم درجہ حرارت 8، قلات میں 5 ڈگری، زیارت میں ایک، ژوب میں 5 ڈگری سینٹی گریڈ ریکارڈ کیا گیا۔ سبی میں درجہ حرارت 14، تربت 17، نوکنڈی میں 10 اورچمن میں 8 ڈگری سینٹی گریڈ ریکارڈ کیا گیا۔ گوادر میں کم سے کم درجہ حرارت 20 اور جیوانی میں 21 ڈگری سینٹی گریڈ رہا۔ کوئٹہ اور دکی شہر میں بارش ہوئی۔
دوسری جانب وادی کمراٹ دیربالا میں لینڈ سلائیڈنگ کی وجہ سے روڈ ہرقسم کے ٹریفک کے لیے بند کردی گئی۔ بانڈا کے مقام پر روڈ کی بندش سے گاڑیوں کی لمبی قطاریں لگ گئیں۔ لینڈ سلائیڈنگ کے باعث سیاح اور مسافر بڑی تعداد میں پھنس گئے۔ سیاحوں میں خواتین اور بچے بھی شامل ہیں۔
.ذریعہ: Express News
کلیدی لفظ: اور پہاڑوں پر برفباری برفباری کا امکان ہے باری کا امکان ہے کے ساتھ بارش میں بارش اور ژالہ باری
پڑھیں:
ایشوریہ رائے 52 سال کی ہوگئیں؛ جواں نظر آنے کا راز بھی بتادیا
1994 میں مس ورلڈ بننے اور دہائیوں سے فلم بینوں کے دلوں پر راج کرنے والی ایشوریہ رائے آج اپنی 52 ویں سال گرہ منا رہی ہیں۔
ہم دل چکے صنم اور دیو داس جیسی سپر ہٹ فلمیں دینے والی ایشوریہ رائے نے اپنے کیریئر میں کبھی پیچھے مڑ کو نہیں دیکھا۔
انھوں نے نہ صرف بھارتی فلم انڈسٹری کے تما بڑے اعزاز اور انعامات اپنے نام کیے بلکہ بین الاقوامی ایوارڈ بھی اپنے نام کیا۔ فرانس حکومت نے ایشوریہ رائے کو آرڈر آف آرٹس اینڈ لیٹرز نے نوازا تھا۔
ایشوریہ رائے کی کامیابی صرف ان کی خوبصورتی کے مرہون منت نہیں ہے بلکہ ان کی پُراعتماد شخصیت اور باوقار انداز کا بھی ہے۔ وہ بیک وقت ایک اچھی اداکارہ، ماں اور بیوی ہیں۔
اداکارہ ایشوریہ کا حسن 52 سال کی ہونے کے باوجود تاحال تازگی اور کشش سے بھرپور ہے جس کا مقابلہ کوئی نووارد اداکارہ بھی نہیں کرسکتیں۔
بین الااقوامی جریدے سے گفتگو میں ایشوریہ رائے نے اپنے سدا بہار حسن کا راز بتاتے ہوئے کہا کہ میری زندگی مصروف ترین ہے اور مجھے اس پر توجہ دینے کا وقت نہیں مل پاتا۔
انھوں نے کہا کہ ہم خواتین سارا دن مختلف کردار نبھاتی ہیں اور اسکن کیئر روٹین کا وقت نہیں مل پاتا لیکن ایک سادہ طریقے سے اس مسئلے کو حل کیا جا سکتا ہے۔
ایشوریہ رائے نے مشورہ دیا کہ سب سے آسان اور مؤثر چیز ہے صفائی اور ہائیڈریشن کو برقرار رکھنا ہے۔ صاف رہیں، پانی پئیں اور باقی سب خود ہی ٹھیک ہوجائے گا۔
انھوں نے مزید بتایا کہ میں چاہے گھر پر ہوں یا شوٹنگ پر موئسچرائزنگ نہیں بھولتی۔ جِلد کی نمی برقرار رکھنا فلمی کیریئر کے آغاز سے ہی میری روزمرہ کی عادت ہے۔
اداکارہ نے مزید کہا کہ موئسچرائزنگ جِلد کے لیے سانس لینے جتنا ضروری ہے۔ زیادہ سے زیادہ پانی پئیں، جِلد کو صاف رکھیں اور سب سے بڑھ کر خود سے محبت کریں۔
View this post on InstagramA post shared by AishwaryaRaiBachchan (@aishwaryaraibachchan_arb)
جعلی بینک اکاؤنٹس کیس: 12 ارب کے منجمد شیئرز ڈی فریز کرنے کا فیصلہ معطل کرنے کی استدعا مسترد