ائیر لائن نے دورانِ فلائٹ جوڑے کو زبردستی لاش کے پاس بٹھانے کی وضاحت کر دی
اشاعت کی تاریخ: 1st, March 2025 GMT
کینبرا(اُردو پوائنٹ اخبارتازہ ترین - این این آئی۔ 01 مارچ2025ء)دورانِ فلائٹ آسٹریلوی جوڑے کو کمبل میں لپٹی ہوئی لاش کے ساتھ بٹھانے پر ایئر لائن کا موقف سامنے آ گیا۔غیر ملکی میڈیا کی رپورٹس کے مطابق ایئر لائن نے اس حوالے سے بیان جاری کرتے ہوئے اپنے عملے کا دفاع کیا ہے۔ایئر لائن کا کہنا تھا کہ عملے نے بر وقت، مناسب اور پیشہ ورانہ طریقہ کار اپنایا۔
(جاری ہے)
بیان میں ایئر لائن کا کہنا تھا کہ اس معاملے کا جائزہ لینے کے بعد معلوم ہوا ہے کہ دورانِ پرواز خاتون کی موت کے معاملے سے نمٹنے کا طریقہ کار تربیت اور صنعت کے معیاری پریکٹس کے عین مطابق تھا، جس کے تحت مسافروں کو دوسری نشستوں پر بٹھایا گیا اور عملے کا ایک رکن متوفی مسافر کے ساتھ پرواز دوحہ میں لینڈ ہونے تک بیٹھا رہا۔ایئر لائن کے ترجمان کا کہنا تھا کہ ایئر لائن نے مرنے والوں کے اہلِ خانہ اور دیگر مسافروں کو مدد اور معاوضے کی پیشکش کی ہے جو اس واقعے سے براہِ راست متاثر ہوئے تھے۔ایئر لائن کا مزید کہنا تھا کہ یہ ایک بدقسمت واقعہ تھا، بعض اوقات ہوا بازی کی صنعت میں اس طرح کے واقعات رونما ہو جاتے ہیں، جہاں دورانِ پرواز غیر متوقع اموات ہوتی ہیں، تاہم ہمارا عملہ ان حالات سے بہتر انداز میں نمٹنے کے لیے تربیت یافتہ ہے۔.ذریعہ: UrduPoint
کلیدی لفظ: تلاش کیجئے ایئر لائن کا کہنا تھا کہ
پڑھیں:
آپریشنل وجوہات کے باعث قومی ایئرلائن کی 10 پروازیں منسوخ
— فائل فوٹوآپریشنل وجوہات کے باعث قومی ایئرلائن کی 10 پروازیں منسوخ جبکہ مختلف ایئرلائنز کی 39 پروازیں تاخیر کا شکار ہوئیں۔
فلائٹ شیڈول کے مطابق کراچی سے گوادر اور سکھر کی 4 پروازیں پی کے 503، 504، 536 اور 537 منسوخ ہوگئیں۔
قومی ایئر لائن کی کراچی سے اسلام آباد کی پرواز پی کے 368، سیالکوٹ سے ابوظبی کی قومی ایئر لائن کی پرواز پی کے 178 اور اسلام آباد سے گلگت کی قومی ایئرلائن کی 4 پروازیں پی کے 601، 602، 603، 605 بھی منسوخ کر دی گئیں۔
آپریشنل وجوہات کے سبب 14 پروازیں منسوخ اور11 متبادل ایئرپورٹس پر منتقل کر دی گئیں۔
اسلام آباد ایئرپورٹ کی 18 پروازوں میں 1 سے 9 گھنٹے، لاہور ایئرپورٹ کی 13 پروازوں میں 1 سے 11 گھنٹے، کراچی ایئرپورٹ کی 6 جب کہ اسکردو اور ملتان کی 3 پروازوں میں تاخیر ہے۔
جدہ سے اسلام آباد کی پرواز ای ار 802 کی آمد میں 9 گھنٹے تاخیر ہوئی۔
نجی ایئر لائن کی اسلام آباد سے دبئی کی پرواز پی اے 216 میں 7 گھنٹے اور اسلام آباد سے اسکردو کی پروازیں پی اے 251 اور 252 میں ساڑھے 4 گھنٹے تک کی تاخیر کا شکار ہوئیں۔
اسرائیل نے غزہ سٹی میں بھی زمینی فوج اُتار دی