بدقسمتی سے موجودہ ملکی حالات میں کوئی محفوظ نہیں، شاہد خاقان عباسی
اشاعت کی تاریخ: 2nd, March 2025 GMT
اکوڑہ خٹک(نیوز ڈیسک)سابق وزیر اعظم شاہد خاقان عباسی اور لیگی رہنما اقبال ظفر جھگڑا نے دارالعلوم حقانیہ کا دورہ کیا، شاہد خاقان نے حملے کو اسلام پر وار قراردے دیا۔
عوام پاکستان پارٹی کے سربراہ شاہد خاقان عباسی نے دارالعلوم حقانیہ اکوڑہ خٹک کا دورہ کیا۔اور مولاناحامد الحق شہید کے لئے فاتخہ خوانی کی۔
اس موقع پر میڈیا سے گفتگو کرتے ہوئے شاہد خاقان نے کہا کہ مولانا حامد الحق اوران کے والد مولانا سمیع الحق سے گہرے تعلقات تھے۔
انہوں نے کہا کہ بدقسمتی سے موجودہ ملکی حالات ایسے ہیں، ان میں کوئی بھی محفوظ نہیں، اگر ملک میں اتحاد کا مظاہرہ نہیں کریں گے تو دشمن ہم پر بھاری ہوگا۔
ان کا کہنا تھا کہ دارالعلوم حقانیہ پر دہشت گردوں کا بزدلانہ وار عالم اسلام پر حملہ ہے، حملے کی مذمت کرتے ہیں، غمزدہ خاندان کے ساتھ غم کی گھڑی میں برابر کے شریک ہیں۔
سابق وزیر اعظم شاہد خاقان عباسی نے مطالبہ کیا کہ حکومت ایسے واقعات کی روک تھام فوری اور بروقت اقدامات اٹھائے۔
دوسری جانب پاکستان مسلم لیگ ن کے مرکزی رہنما اقبال ظفر جھگڑا نے دارالعلوم کی انتظامیہ کو نواز شریف اورشہباز شریف کا پیغام پہنچایا۔
مزیدپڑھیں:جتھے شاہراہیں بند کر دیتے ہیں، سڑکیں کھلوانے میں نااہلی دکھانے والے ڈی سیز کو ہٹایا جائے گا، سرفراز بگٹی
ذریعہ: Daily Ausaf
کلیدی لفظ: شاہد خاقان عباسی
پڑھیں:
جارحیت گیدڑ بھبکی‘ بھارت کبھی پانی بند نہیں کرسکتا،شاہد خاقان
کراچی (قمر خان) سابق وزیراعظم اور عوام پاکستان پارٹی کے سربراہ شاہد خاقان عباسی نے کہا ہے کہ بھارت کی جانب سے آبی جارحیت گیدڑ بھبکی قرار دیتے ہوئے کہا ہے کہ آخر مودی کو بھی تو سیاست میں زندہ رہنا ہے۔ نوائے وقت سے بات چیت کرتے ہوئے انہوں نے کہا پانی ایک حساس مسئلہ ہے اور سندھ طاس معاہدہ بھارت کی بقا کے لئے بھی اتنا ہی ضروری ہے جتنا پاکستان کیلئے‘ بھارت کبھی بھی دریائے سندھ کا پانی بند کرنے جیسا انتہائی اقدام نہیں کرسکتا۔ قبل ازیں اپنی پارٹی کے سیکریٹری جنرل مفتاح اسمٰعیل کی رہائش گاہ پر سینئر اخبار نویسوں سے گفتگو کرتے ہوئے انہوں نے کہا کینال‘ کارپوریٹ فارمنگ و دیگر موضوعات پر ہر کوئی بات کر رہا مگر کسانوں کی بات عوام پاکستان پارٹی کے علاوہ کوئی نہیں کررہا جو گندم اگاکر بھی پریشان ہیں کہ اب ان سے گندم لینے والا کوئی نہیں حالانکہ ملک میں گندم کی فصل اب بھی ملکی ضروریات کے لئے ناکافی ہے اور دسمبر جنوری میں ایک بار پھر ہم باہر سے مہنگے داموں گندم امپورٹ کر رہے ہوں گے مگر ہم اپنے کسانوں کو ریلیف دینے کیلئے کسی طور تیار نہیں جن کی فصل کی قیمت 4 ہزار سے کم ہوکر 21یا 22 سو روپے پر پہنچا دی گئی جبکہ لاگت بڑھ چکی ہے کیونکہ صرف کھاد کی قیمت میں دوگنا سے زیادہ اضافہ ہوا ہے۔ اس وقت عوام کا کوئی بھی نہیں سوچتا‘ سب کو محض یہ فکر لاحق رہتی ہے وہ کیسے اقتدار میں آسکتا ہے یا اقتدار میں ہے تو کیسے اسے طول دیا جا سکتا ہے۔ انہوں نے کہا حکومتیں لانے اور گرانے کا سلسلہ بند کرکے عوام کی حاکمیت اور اس کی اہمیت تسلیم کرنا ہو گی‘ سب کو آئین اور قانون کے طابع رہ کر کام کرنا ہوگا‘ کسی ادارہ کو آئین و قانون سے بالاتر رکھنے کا عمل اب ترک کرنا ہوگا۔
پشاور میں سماعت سے محروم بچوں کیلئے کوکلیئر امپلانٹ پروگرام کا آغاز