آئی سی سی رینکنگ: افغانستان کے عظمت اللہ عمرزئی پہلے نمبر کے آل راؤنڈر بن گئے
اشاعت کی تاریخ: 5th, March 2025 GMT
افغانستان کے عظمت اللہ عمرزئی نے محمد نبی کو پچھاڑتے ہوئے آئی سی سی کی آل راؤنڈر رینکنگ میں نمبر 1 پوزیشن حاصل کرلی۔
افغانستان کے آل راؤنڈر عظمت اللہ عمرزئی نے آئی سی سی چیمپئنز ٹرافی 2025 میں شاندار کارکردگی دکھانے کے نتیجے میں آئی سی سی کی ون ڈے آل راؤنڈر رینکنگ میں پہلی پوزیشن حاصل کرلی۔
24 سالہ افغان کرکٹر نے اپنی ہی ٹیم کے ساتھی محمد نبی کو پیچھے چھوڑتے ہوئے 2 درجے کا اضافہ کیا۔ محمد نبی اب دوسرے نمبر پر آ گئے ہیں۔
درجہ بندی میں عظمت اللہ عمرزئی نے 296 پوائنٹس حاصل کیے۔ انہیں یہ مقام و مرتبہ ان کی انگلینڈ کے خلاف میچ وننگ کارکردگی کے سبب حاصل ہوا۔ انہوں نے انگلینڈ کے خلاف پانچ وکٹیں حاصل کیں جبکہ آسٹریلیا کے خلاف ایک اہم نصف سنچری اسکور کی۔
بھارت کے اکسر پٹیل نے بھی نمایاں کامیابیاں حاصل کیں، کیریئر کے بہترین 194 ریٹنگ پوائنٹس کے ساتھ ، وہ 17 پوائنٹس کی چھلانگ لگا کر 13 ویں نمبر پر پہنچ گئے ہیں۔
شبمن گل ون ڈے بیٹنگ رینکنگ میں نمبر 1 پر برقرارانڈیا کے شبمن گل بین الاقوامی ایک روزہ کرکٹ میں پہلی پوزیشن پر ہی فائز بلے باز ہیں، جب کہ ویرات کوہلی آسٹریلیا کے خلاف چیمپئنز ٹرافی کے سیمی فائنل میں پلیئر آف دی میچ کی کارکردگی دکھانے کے بعد چوتھے نمبر پر پہنچ گئے۔
پاکستان کے بابر اعظم بلے بازوں کی رینکنگ میں نمبر 2 پر برقرار ہیں۔ عظمت اللہ عمرزئی اپنی بلے بازی کا بہترین مظاہرہ کرکے تازہ ترین ون ڈے بیٹنگ رینکنگ میں 12 درجے اوپر 24 ویں نمبر پر پہنچ گئے۔
ان کے ساتھی ابراہیم زدران لاہور میں انگلینڈ کے خلاف 177 رنز بنانے کے بعد 13 درجے بلند ہوکر ٹاپ 10 میں شامل ہو گئے۔
آسٹریلیا کے سٹیو سمتھ 6 درجے ترقی کر کے 16 ویں نمبر پر پہنچ گئے جبکہ نیوزی لینڈ کے کین ولیمسن 8 درجے ترقی کر کے 29 ویں نمبر پر پہنچ گئے۔
میٹ ہنری بولنگ رینکنگ میں ٹاپ 3 میں شامل ہوگئےنیوزی لینڈ کے میٹ ہنری ون ڈے بولنگ رینکنگ میں 3 درجے ترقی کر کے اب سری لنکا کے مہیش تھیکشنا اور جنوبی افریقہ کے کیشو مہاراج سے پیچھے آن کھڑے ہوگئے ہیں۔
محمد شامی کی چیمپیئنز ٹرافی کی شاندار کارکردگی نے انہیں 11 ویں مقام پر پہنچا دیا، جبکہ مارکو جانسن (9 ویں سے 18 ویں نمبر پر) اور جوفرا آرچر (13 درجے ترقی کر کے 19 ویں نمبر پر) نے بھی خوب فائدہ اٹھایا۔
پاکستان کے شاہین شاہ آفریدی ون ڈے میں باؤلرز کی رینکنگ میں نویں نمبر پر برقرار ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی ون ڈے رینکنگ کرکٹ.ذریعہ: WE News
کلیدی لفظ: ا ئی سی سی ون ڈے رینکنگ کرکٹ ویں نمبر پر پہنچ گئے عظمت اللہ عمرزئی درجے ترقی کر کے کے خلاف
پڑھیں:
تونسہ: دریائے سندھ میں درمیانے درجے کے سیلاب سے 20 سے زائد دیہات زیر آب
ویب ڈیسک:دریائے سندھ میں تونسہ کے مقام پر درمیانے درجے کے سیلاب کے باعث 20 سے زائد دیہات زیر آب آ گئے اور متعدد فصلیں تباہ ہو گئیں۔
متاثرین کا کہنا ہے کہ پانی کی سطح میں مسلسل اضافے سے ان کے گھر بھی گرنے شروع ہو گئے ہیں۔
دریائے چناب کی لہروں میں طغیانی کے باعث جھنگ کے دس سے زائد دیہات زیر آب آگئے ہیں۔
لیہ میں 4 لاکھ کیوسک سے زائد پانی کا ریلہ گزرنے سے درجنوں مواضعات زیر آب ہیں جبکہ تونسہ سپر بند میں شگاف پڑنے کے بعد لوگ محفوظ مقامات پر منقل ہوگئے ہيں۔
سستے گھروں کی تعمیر کے لیے سکیم کی منظوری
راجن پور کے مقام پر دریائے سندھ کے پانی کی سطح مسلسل بلند ہو رہی ہے، سیلابی پانی سے دریا کے راستوں پر کاشت فصلوں کو نقصان پہنچا ہے۔
سیلابی صورتحال کے باعث ضلع میانوالی کے مختلف علاقوں میں ہزاروں ایکڑ پر کاشت کی گئی مونگی اور کپاس کی فصلوں کو نقصان پہنچا ہے۔
وزیر اعظم نے نیشنل ٹیرف کمیشن کی ہنگامی بنیادوں پر تنظیم نو کی ہدایت کردی