آئی سی سی رینکنگ: افغانستان کے عظمت اللہ عمرزئی پہلے نمبر کے آل راؤنڈر بن گئے
اشاعت کی تاریخ: 5th, March 2025 GMT
افغانستان کے عظمت اللہ عمرزئی نے محمد نبی کو پچھاڑتے ہوئے آئی سی سی کی آل راؤنڈر رینکنگ میں نمبر 1 پوزیشن حاصل کرلی۔
افغانستان کے آل راؤنڈر عظمت اللہ عمرزئی نے آئی سی سی چیمپئنز ٹرافی 2025 میں شاندار کارکردگی دکھانے کے نتیجے میں آئی سی سی کی ون ڈے آل راؤنڈر رینکنگ میں پہلی پوزیشن حاصل کرلی۔
24 سالہ افغان کرکٹر نے اپنی ہی ٹیم کے ساتھی محمد نبی کو پیچھے چھوڑتے ہوئے 2 درجے کا اضافہ کیا۔ محمد نبی اب دوسرے نمبر پر آ گئے ہیں۔
درجہ بندی میں عظمت اللہ عمرزئی نے 296 پوائنٹس حاصل کیے۔ انہیں یہ مقام و مرتبہ ان کی انگلینڈ کے خلاف میچ وننگ کارکردگی کے سبب حاصل ہوا۔ انہوں نے انگلینڈ کے خلاف پانچ وکٹیں حاصل کیں جبکہ آسٹریلیا کے خلاف ایک اہم نصف سنچری اسکور کی۔
بھارت کے اکسر پٹیل نے بھی نمایاں کامیابیاں حاصل کیں، کیریئر کے بہترین 194 ریٹنگ پوائنٹس کے ساتھ ، وہ 17 پوائنٹس کی چھلانگ لگا کر 13 ویں نمبر پر پہنچ گئے ہیں۔
شبمن گل ون ڈے بیٹنگ رینکنگ میں نمبر 1 پر برقرارانڈیا کے شبمن گل بین الاقوامی ایک روزہ کرکٹ میں پہلی پوزیشن پر ہی فائز بلے باز ہیں، جب کہ ویرات کوہلی آسٹریلیا کے خلاف چیمپئنز ٹرافی کے سیمی فائنل میں پلیئر آف دی میچ کی کارکردگی دکھانے کے بعد چوتھے نمبر پر پہنچ گئے۔
پاکستان کے بابر اعظم بلے بازوں کی رینکنگ میں نمبر 2 پر برقرار ہیں۔ عظمت اللہ عمرزئی اپنی بلے بازی کا بہترین مظاہرہ کرکے تازہ ترین ون ڈے بیٹنگ رینکنگ میں 12 درجے اوپر 24 ویں نمبر پر پہنچ گئے۔
ان کے ساتھی ابراہیم زدران لاہور میں انگلینڈ کے خلاف 177 رنز بنانے کے بعد 13 درجے بلند ہوکر ٹاپ 10 میں شامل ہو گئے۔
آسٹریلیا کے سٹیو سمتھ 6 درجے ترقی کر کے 16 ویں نمبر پر پہنچ گئے جبکہ نیوزی لینڈ کے کین ولیمسن 8 درجے ترقی کر کے 29 ویں نمبر پر پہنچ گئے۔
میٹ ہنری بولنگ رینکنگ میں ٹاپ 3 میں شامل ہوگئےنیوزی لینڈ کے میٹ ہنری ون ڈے بولنگ رینکنگ میں 3 درجے ترقی کر کے اب سری لنکا کے مہیش تھیکشنا اور جنوبی افریقہ کے کیشو مہاراج سے پیچھے آن کھڑے ہوگئے ہیں۔
محمد شامی کی چیمپیئنز ٹرافی کی شاندار کارکردگی نے انہیں 11 ویں مقام پر پہنچا دیا، جبکہ مارکو جانسن (9 ویں سے 18 ویں نمبر پر) اور جوفرا آرچر (13 درجے ترقی کر کے 19 ویں نمبر پر) نے بھی خوب فائدہ اٹھایا۔
پاکستان کے شاہین شاہ آفریدی ون ڈے میں باؤلرز کی رینکنگ میں نویں نمبر پر برقرار ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی ون ڈے رینکنگ کرکٹ.ذریعہ: WE News
کلیدی لفظ: ا ئی سی سی ون ڈے رینکنگ کرکٹ ویں نمبر پر پہنچ گئے عظمت اللہ عمرزئی درجے ترقی کر کے کے خلاف
پڑھیں:
پنجاب ؛ تعلیمی بورڈزنے انٹرمیڈیٹ کے امتحانی نتائج کا اعلان کردیا
لاہور،راولپنڈی(اُردو پوائنٹ اخبارتازہ ترین - این این آئی۔ 18 ستمبر2025ء)پنجاب بھر کے تعلیمی بورڈز آف انٹرمیڈیٹ اینڈ سیکنڈری ایجوکیشن نے سالانہ نتائج کا اعلان کردیا۔لاہور بورڈ نے انٹرمیڈیٹ امتحانات کے نتائج کا اعلان کردیا،انٹرمیڈیٹ امتحانات میں کامیابی کا تناسب 60 فیصد رہا،ایک لاکھ 80 ہزارطلبا میں سی1لاکھ 9ہزارطلبا کامیاب ہوئے،سترہزارطلبا انٹرمیڈیٹ امتحانات میں فیل ہوئے،انٹرمیڈیٹ امتحانات میں 52 فیصد لڑکیفیل ہوئے،انٹرمیڈیٹ امتحانات میں 70 فیصد لڑکیاں پاس ہوئیں۔سرکاری کالجزکی50 فیصد، پرائیوٹ کی62فیصد لڑکیپاس ہوئے،سرکاری کالجزکی72فیصد، پرائیوٹ کی 80 فیصد لڑکیاں پاس ہوئیں،پری میڈیکل میں78فیصد، پری انجینرنگ میں76فیصد طلبا پاس ہوئے،آرٹس کی47فیصد، کامرس کی62فیصد، جنرل سائنس 60 فیصد طلبا پاس ہوئے۔(جاری ہے)
راولپنڈی بورڈ نے بھی سالانہ نتائج کا اعلان کردیا،راولپنڈی بورڈ میں اوور آل پہلی پوزیشن اریج شفقت حیات نی1148 نمبر لیکرحاصل کی،طالبہ اریج شفقت حیات کا تعلق پنجاب کالج برائے خواتین تلہ گنگ سے ہے، 1139 نمبر کیساتھ عائشہ مشتاق کی دوسری پوزیشن ہے اورانکا تعلق پنجاب کالج خواتین تلہ گنگ سے ہے،ایمان فاطمہ کی 1138 نمبر کیساتھ تیسری پوزیشن ہے،انکا تعلق رائل کالج آف سائنسز گرلز چکوال سے ہے، پوزیشن ہولڈر طلبہ کو آج فاطمہ جناح یونیورسٹی آڈیٹوریم میں انعامات سینوازا جائے گا۔
فیصل آباد تعلیمی بورڈ نے انٹرمیڈیٹ کیسالانہ امتحان کے نتائج کا اعلان کر دیا ہے،نجی کالج کے محمد زین نے 1163نمبر لیکر پہلی پوزیشن حاصل کی،محمد محمود احمد خان نے 1161 نمبر لیکر دوسری اور محمد نعمان مجید نے 1160 نمبر لیکر تیسری پوزیشن حاصل کی،بورڈحکام کیمطابق اس بارمجموعی پوزیشنزمیں کوئی بھی لڑکی شامل نہیں ہوسکی،تاہم مختلف گروپس میں طالبات نے نمایاں کارکردگی دکھائی۔سرگودھا تعلیمی بورڈ نیانٹرمیڈیٹ پارٹ ٹو کیسالانہ امتحان ء پوزیشن ہولڈرزکا اعلان کردیا ہے،ہماعابد نے 1146 نمبرحاصل کرکے مجموعی طور پرپہلی پوزیشن حاصل کی،ایلاف سرور اور عدن علی نے 1144 نمبرحاصل کرکے مشترکہ طور پردوسری پوزیشن حاصل کی جبکہ عائشہ ضیاء نے 1143 نمبر حاصل کرکے تیسری پوزیشن حاصل کی۔ساہیوال تعلیمی بورڈ نیانٹرمیڈیٹ سالانہ امتحان پارٹ ٹو کینتائج کااعلان کردیا،25ہزارچارسو ساٹھ امیدوارکامیاب رہے،کامیابی کا تناسب 58.88فی صد رہا،عیشا شفیق نے 1152 نمبرحاصل کرکیبورڈمیں پہلی پوزیشن حاصل کی،عثمان محمود 1151نمبروں کیساتھ دوسری پوزیشن پرکامیاب ہوئے،بورڈ میں تیسری پوزیشن 1150نمبروں کیساتھ زنیرا طارق نے حاصل کی۔
’’ڈرو اُس دن سے جب اوپر والے کی پکڑ ہوگی‘‘بینک کے قرض کیس میں عدالت کے ریمارکس