ہائی پاورڈ سلیکشن بورڈ نے 36 افسروں کو گریڈ 22 میں ترقی دیدی
اشاعت کی تاریخ: 6th, March 2025 GMT
اسلام آباد:
ہائی پاورڈ سلیکشن بورڈ نے پاکستان ایڈمنسٹریٹو سروس،پولیس سروس اور فارن سروس کے مجموعی طورپر چھتیس افسران کو گریڈ 22 میں ترقی دیدی۔
ایف بی آر افسروں کی ترقی کا معاملہ اسلام آباد ہائیکورٹ کے حکم امتناعی کے باعث موخر،دیگر گروپس کے افسروں کی ترقیوں کا جائزہ لینے کے لیے بورڈ پیر کو پھر بیٹھے گا۔
وفاقی بیوروکریٹس کی گریڈ 22 میں ترقی کیلیے ہائی پاورڈ سلیکشن بورڈ کا اجلاس کیبنٹ ڈویژن میں نائب وزیراعظم اسحق ڈار کی صدارت میں ہوا۔
چیئرمین پیپلز پارٹی بلاول بھٹو زرداری بھی بطور رکن اجلاس میں شریک ہوئے۔وفاقی وزیر احد چیمہ ،سیکرٹری اسٹیبلشمنٹ ڈویژن انعام اللّٰہ خان دھاریجو،سیکرٹری کابینہ کامران علی افضل بھی اجلاس میں شریک ہوئے۔
ہائی پاورڈ سلیکشن بورڈ اجلاس میں گریڈ 22 کی اسامیوں پر ترقی کیلئے ڈیڑھ سو سے زائد افسروں کے ناموں پر غور کیاگیا،بورڈ نے پاکستان ایڈمنسٹریٹو سروس کے 19،پولیس سروس کے8 اور فارن سروس کے 9 افسران کوگریڈ 22 میں ترقی دینے کی منظوری دے دی.
پاکستان ایڈمنسٹریٹو سروس کے گریڈ بائیس میں ترقی پانے والے افسران میں محی الدین احمد وانی ،وسیم اجمل چوہدری ،امبرین رضا،علی طاہر ،عثمان اخترباجوہ ،محمد حمیرکریم ،سید عطاء الرحمان ،مصدق احمد خان، راشد محمود،مومن آغا،ندیم محبوب،شکیل احمد مینگیج،داو’دمحمد باریج،سعدیہ ثروت جاوید،اسدرحمان گیلانی ،علی سرفراز حسین ،زاہد اخترزمان ،نبیل احمد اعوان اوراحمدرضاسرور شامل ہیں۔
پولیس سروس کے گریڈ بائیس میں ترقی پانے والے افسران میں بی اے ناصر ،غلام نبی میمن ،فاروق مظہر،عمران یعقوب منہاس ،عبدالخالق شیخ ،شہزادسلطان،زبیر ہاشمی اورمحمدطاہر رائے شامل ہیں۔فارن سروس کے گریڈ 22 میں ترقی پانے والے 9 افسران میں احمد نسیم وڑائچ ،یورپی یونین میں پاکستان کے سفیر رحیم حیات قریشی ،اقوام متحدہ میں پاکستان کے مستقل مندوب عاصم افتخار احمد ،امریکا میں تعینات پاکستان کے سفیر رضوان سعید شیخ ،سید احسن رضاشاہ ،یواے ای میں پاکستان کے سفیر فیصل نیازترمذی ،نبیل منیر ،جرمنی میں پاکستان کی سفیر ثقلین سیدہ اور ترجمان دفترخارجہ شفقت علی خان شامل ہیں۔
ترقی پانے والے افسروں کے نوٹیفکیشن ایک آدھ دن میں ہو جائیں گے۔یاد رہے کہ گریڈ 22میں ترقیوں کیلئے ہائی پاورڈ سلیکشن بورڈ کا اجلاس تقریباًڈیڑھ سال بعدہوا۔
اسحاق ڈار اور بلاول بھٹو زرداری کی دیگر مصروفیات کے باعث تمام افسروں کی ترقیوں کا جائزہ نہ لیا جا سکا،سیکرٹریٹ گروپ کی پانچ، ان لینڈ ریونیو سروس کی پانچ، آڈٹ اینڈ اکانٹس کی دو ، انفارمیشن گروپ اورپوسٹل گروپ کی ایک پوسٹ پر ترقیوں کیلئے افسروں کے نام پیر کو اجلاس میں زیر غور آئیں گے۔
ذرائع کے مطابق اسلام آباد ہائیکورٹ میں بیان حلفی جمع ہونے کے بعد حکم امتناعی منسوخ ہونے کی صورت میں ایف بی آر کے افسروں کی ترقیوں کا معاملہ بھی زیر غور آئے گا۔
اس سے قبل وزیراعظم نے رولز میں ترمیم کرتے ہوئے پہلی مرتبہ ہائی پاورڈ سلیکشن بورڈ کی سربراہی کا اختیارنائب وزیراعظم اسحاق ڈار کو تفویض کیاجبکہ بلاول بھٹو زرداری بھی پہلی مرتبہ ہائی پاور سلیکشن بورڈ میں شریک ہوئے۔
ذریعہ
ذریعہ: Express News
کلیدی لفظ: ہائی پاورڈ سلیکشن بورڈ گریڈ 22 میں ترقی ترقی پانے والے افسروں کی ترقی میں پاکستان پاکستان کے اجلاس میں سروس کے
پڑھیں:
پاکستان 2027 میں ایس سی او سربراہانِ مملکت اجلاس کی میزبانی کرے گا، رکن ممالک کو دعوت
نائب وزیراعظم و وزیر خارجہ اسحاق ڈار نے اعلان کیا کہ پاکستان رواں برس ستمبر میں شنگھائی تعاون تنظیم کی کونسل آف ہیڈز آف اسٹیٹ کی چیئرمین شپ سنبھالنے کے لیے مکمل طور پر تیار ہے۔
انہوں نے تمام رکن ممالک کو 2027 میں پاکستان میں منعقد ہونے والے ایس سی او سربراہانِ مملکت اجلاس میں شرکت کی دعوت بھی دی۔
یہ بھی پڑھیں: پاکستان نے شنگھائی تعاون تنظیم کے ریجنل اینٹی ٹیررسٹ اسٹرکچر کی چیئرمین شپ سنبھال لی
نائب وزیراعظم و وزیر خارجہ اسحاق ڈار نے کرغزستان کے خوبصورت شہر چولپون آتا میں شنگھائی تعاون تنظیم کے وزرائے خارجہ کونسل کے اجلاس میں شرکت کی۔
جہاں انہوں نے تنظیم کی 25ویں سالگرہ پر مبارکباد پیش کرتے ہوئے علاقائی امن، سلامتی، خوشحالی اور پائیدار ترقی کے فروغ میں ایس سی او کے کردار کو سراہا۔
Deputy Prime Minister and Foreign Minister Senator Mohammad Ishaq Dar represents Pakistan at the Shanghai Cooperation Organization (SCO) Council of Foreign Ministers Meeting held in Cholpon-Ata, Kyrgyzstan.#SCO #IshaqDar #PakistanDiplomacy #Pakistan #PakistanTV pic.twitter.com/KTFIYTe5TK
— Pakistan TV (@PakTVGlobal) July 24, 2026
اسحاق ڈار نے کرغز قیادت اور وزیر خارجہ ژین بیک کولوبایف کا اجلاس کی شاندار میزبانی اور بہترین انتظامات پر شکریہ ادا کیا۔
اپنے خطاب میں نائب وزیراعظم نے ’شنگھائی اسپرٹ‘ سے پاکستان کی غیرمتزلزل وابستگی کا اعادہ کرتے ہوئے کہا کہ پاکستان ایس سی او کے رکن ممالک کے درمیان تعاون، علاقائی روابط اور مشترکہ ترقی کے فروغ کے لیے بھرپور کردار ادا کرتا رہے گا۔
مزید پڑھیں: مسئلہ کشمیر کا منصفانہ حل جنوبی ایشیا میں پائیدار امن کی بنیاد ہے، اسحاق ڈار کا آسیان فورم سے خطاب
انہوں نے علاقائی امن کے قیام کے لیے پاکستان کی سفارتی کوششوں کو اجاگر کرتے ہوئے اسلام آباد مذاکرات اور بعد ازاں ہونے والے اسلام آباد مفاہمتی یادداشت کا حوالہ دیا، جسے انہوں نے پاکستان کے مذاکرات اور سفارتکاری پر مبنی پالیسی کا عملی اظہار قرار دیا۔
اسحاق ڈار نے کہا کہ انہیں اپنے ہم منصب وزرائے خارجہ کی جانب سے پاکستان کی مخلصانہ امن کوششوں کو سراہنے پر خوشی ہوئی، جو خطے اور اس سے باہر امن و استحکام کے فروغ کے لیے پاکستان کے کردار کا اعتراف ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار امن و استحکام سفارتکاری شنگھائی اسپرٹ شنگھائی تعاون تنظیم علاقائی روابط کرغزستان کونسل آف ہیڈز آف اسٹیٹ مذاکرات وزرائے خارجہ کونسل وزیر خارجہ
بھارت سے جنگ اور افغانستان میں کارروائی خارج ازامکان نہیں، وزیردفاع