پرویز خٹک کو وزیربنانے کا فیصلہ ہمارا نہیں، نقوی خود بتائینگے کہ کس پارٹی سے تعلق ہے؟راناثناء اللہ
اشاعت کی تاریخ: 6th, March 2025 GMT
اسلام آباد :وزیراعظم کے مشیربرائے سیاسی امورراناثناء اللہ نے کہاہے کہ پرویز خٹک کو وزیربنانے کا فیصلہ ن لیگ کا نہیں،وزیرداخلہ محسن نقوی خود بتائیں گے کہ ان کا کس پارٹی سے تعلق ہے؟سابق ڈی جی آئی ایس آئی لیفٹیننٹ جنرل(ر)فیض حمیدنے ایک بریفنگ میں کہاتھاکہ طالبان کو واپس آنےکا موقع دیاجائے ،وہ یہ بات اس وقت کے آرمی چیف جنرل (ر)قمرجاویدباجوہ کی منظوری کے بغیرنہیں کرسکتے تھے۔
نجی ٹی وی سے گفتگو کرتے ہوئے راناثناء اللہ نے کہاکہ پی ٹی آئی دورحکومت میں پارلیمنٹ ہاوس میں ان کیمرہ بریفنگ ہوئی تھی،اجلاس میں تمام جماعتوں کی نمائندگی موجود تھی ،صوبائی وزرائے اعلیٰ بھی موجود تھے ،اس بریفنگ میں اس وقت کے آرمی چیف قمرجاویدباجوہ موجود تھے ،اس وقت کے وزیراعظم عمران خان نے آنامناسب نہیں سمجھاکیونکہ انہوں نے ہمیشہ ایسی میٹنگزمیں آنے سے گریزکیاجس میں اپوزیشن موجود ہو،فیض حمید نے بریفنگ دی کہ جو لوگ افغانستان میں ہتھیاراٹھائے ہیں ان کی تعداد8سے 10ہزارہے وہ اتنے عرصے سے وہاں گئے ہوئے ہیں ان کی بیویاں اور بچے ہیں، یہ لوگ جب تک وہاں رہیں گےہمارے دردسربنے رہیں گے کیوں نہ ان کواس شرط پر واپس آنے دیاکہ ہتھیارچھوڑکرآئیں اورملک کے آئین وقانون کو تسلیم کریں۔راناثناء اللہ نے کہاکہ پنجاب ،سندھ اورخاص طور پر بلوچستان اور خیبرپختونخواسے تعلق رکھنے والے بعض ارکان نے اس پر اعتراض کیاکہ بھلے یہ لوگ خالی ہاتھ واپس آئیں لیکن ان کو کوئی اورکام تو آتانہیں وہ واپس آکروہیں کریں گے جو پہلے کرتے رہے ،تاہم طالبان کی واپسی کے حوالے سے فیض حمید کی بریفنگ اتمام حجت تھی ،اس حوالے سے فیصلہ ہوچکاتھا۔
پرویزخٹک کی کابینہ میں شمولت سے متعلق راناثناء اللہ نے کہاکہ پرویز خٹک کو وزیربنانے کا فیصلہ ن لیگ کا نہیں ،صرف ن لیگ کی حکومت ہوتی تو پرویز خٹک کابینہ کا حصہ نہ ہوتے ،پرویزخٹک کا ن لیگ سے کوئی تعلق نہیں۔اسی طرح عون چوہدری بھی ہیں انہیں بھی مسلم لیگ ن نے تو نہیں وزیربنایا۔
ایک سوال پر راناثناء اللہ نے کہاکہ محسن نقوی کی پارٹی ہے کیاوہ بغیرپارٹی کے ہیں؟تاہم انہوں نے کہاکہ نقوی خود بتائیں گے کہ ان کا کس پارٹی سے تعلق ہے؟ بطورسینیٹر ق لیگ اورآصف زرداری نے محسن نقوی کو سپورٹ کیا۔
ذریعہ: Daily Mumtaz
کلیدی لفظ: راناثناء اللہ نے کہاکہ پرویز خٹک واپس ا
پڑھیں:
ملک کے موجودہ حالات میں تمام اداروں کو اپنا اپنا کردار ادا کرنا ہوگا، چوہدری پرویز الٰہی
پاکستان تحریک انصاف کے صدر چوہدری پرویز الہیٰ نے کہا ہے کہ ملک کے موجودہ حالات کی ذمہ داری صرف سیاستدانوں کی نہیں بلکہ اداروں کی بھی ہے، سب کواپنا اپنا کردار ادا کرنا ہوگا۔
ایکسپریس نیوز کے مطابق صدر پی ٹی آئی چوہدری پرویزالٰہی کی تعزیت کیلیے بزرگ سیاستدان و سابق گورنر پنجاب میاں اظہر کی رہائش گاہ آمد ہوئی جہاں انہوں نے پی ٹی آئی رہنما حماد اظہر سے ملاقات کی اور والد کے انتقال پر تعزیت کی۔
پرویز الٰہی کے ہمراہ راسخ الٰہی اور سیکرٹری پنجاب اسمبلی محمد خان بھٹی بھی ان کے ہمراہ تھے، اس موقع پر انہوں نے میاں محمد اظہر کی مغفرت اور بلند درجات کیلیے دعا بھی کی۔
بعد ازاں میڈیا سے گفتگو کرتے ہوئے چوہدری پرویز الٰہی نے کہا کہ اس وقت ملک میں جس طرح کے حالات ہیں اس میں صرف سیاستدانوں کی ذمہ داری نہیں بلکہ جتنے بھی ادارے ہیں ان کی بھی ذمہ داری ہے۔
انہوں نے کہا کہ ہر ایک ادارے کو چاہیے کہ ملک و قوم کی خاطر اپنا اپنا کردار ادا کرے اور سب کو یہ کرنا پڑے گا۔
چوہدری پرویز الٰہی نے کہا کہ میاں اظہر جیسے اعلیٰ ظرف سیاستدان ہم میں نہیں رہے، اُن سے میری تیس سالہ طویل سیاسی رفاقت رہی ہے اور انہوں نے سیاست میں ایمانداری اور وضع داری کے ساتھ جدوجہد کی۔
انہوں نے کہا کہ میاں اظہر کی ملک و قوم کیلئے خدمات کو کبھی فراموش نہیں کیا جا سکتا، اللہ تعالیٰ سے دعا ہے کہ میاں اظہر مرحوم کو جنت الفردوس میں اعلیٰ مقام دے اور ان کے اہل خانہ کیلئے صبر جمیل عطا فرمائے۔
پی ٹی آئی بھی مخصوص نشستوں کی تقسیم کیخلاف پشاور ہائیکورٹ پہنچ گئی