چینی صدر کا عسکری ترقی کے پانچ سالہ منصوبے کو کامیاب بنانے پر زور
اشاعت کی تاریخ: 7th, March 2025 GMT
چینی صدر کا عسکری ترقی کے پانچ سالہ منصوبے کو کامیاب بنانے پر زور WhatsAppFacebookTwitter 0 7 March, 2025 سب نیوز
بیجنگ :
چین کے صدر شی جن پھنگ نے عسکری ترقی کے لئے 14 ویں پانچ سالہ منصوبے (2021-2025) کی کامیابی کو یقینی بنانے کے لئے اعلیٰ معیار کے ترقیاتی تقاضوں پر عمل درآمد پر زور دیا ہے۔
جمعہ کے روز
شی جن پھنگ نے یہ بات چین کی 14 ویں قومی عوامی کانگریس کے تیسرے اجلاس میں پیپلز لبریشن آرمی اور پیپلز آرمڈ پولیس فورس کے وفد کے کل رکنی اجلاس میں شرکت کرتے ہوئے کہی۔
شی جن پھنگ نے نشاندہی کی کہ چار سال سے زائد عرصے سے چینی فوج کی تعمیر کے لئے “14 ویں پانچ سالہ منصوبے” پر عمل درآمد کے بعد سے بڑی کامیابیاں حاصل ہوئی ہیں لیکن اس کے ساتھ ساتھ اسے بہت سے تضادات اور مسائل کا بھی سامنا ہے۔انہوں نے کہا کہ اعلیٰ معیار، اعلی کارکردگی، کم لاگت اور پائیدار ترقی کا راستہ اختیار کرنا ضروری ہے تاکہ تعمیری نتائج تاریخ اور حقیقی جنگی آزمائش پر پورا اتر سکیں.
شی جن پھنگ نے نشاندہی کی کہ چینی فوج کی تعمیر کے لئے “14 ویں پانچ سالہ منصوبے” کے اہداف اور کاموں کی تکمیل قومی اقتصادی اور سماجی ترقی کے نظام کی حمایت سے لازم و ملزوم ہے۔ چین کی نئی معیار کی پیداواری قوتوں کی بھرپور ترقی سے فائدہ اٹھانا، جنگی صلاحیت کی تعمیر اور اطلاق کے طریقہ کار میں جدت لانا، تیز ردعمل اور جدید ٹیکنالوجی کی تیزی سے تبدیلی کے میکانزم کو بہتر بنانا اور نئے معیار کی جنگی صلاحیت کی ترقی کو تیز کرنا ضروری ہے۔
ذریعہ: Daily Sub News
کلیدی لفظ: پانچ سالہ منصوبے ترقی کے
پڑھیں:
پہلگام حملہ کے بعد کشمیر میں اب تک بھارتی فورسز نے پانچ مکانات زمین بوس کردئے
پہلگام حملہ کے بعد سے رہائشی مکانوں کو زمین بوس کئے جانے کے خلاف کشمیری عوام میں سخت غم و غصہ پایا جاتا ہے۔ اسلام ٹائمز۔ مقبوضہ کشمیر کے سیاحتی مقام پہلگام میں ہوئے دہشتگردانہ حملے میں 27 افراد ہلاک ہوئے۔ حملے کے بعد بھارتی فورسز نے وادی کشمیر کے پلوامہ، شوپیان اور کولگام اضلاع میں عسکری پسندوں کو نشانہ بنانے کے نام پر عام کشمیریوں کے مکانات منہدم کر دئے۔ بھارتی حکام نے بتایا "یہ کارروائیاں گزشتہ 48 گھنٹوں کے دوران انجام دی گئیں۔ یہ کارروائیاں حالیہ دنوں بھارتی ایجنسیز کی جانب سے اٹھائے جا رہے سخت ترین ردعمل میں شمار کی جا رہی ہیں اور ان کا مقصد 22 اپریل کو پہلگام میں ہوئے مہلک حملے کے ذمہ داران کا سراغ لگانا ہے"۔ پلوامہ کے مُرن علاقے میں جمعہ دیر رات گئے احسان الحق شیخ نامی شہری کے دو منزلہ مکان کو دھماکہ خیز مواد سے اڑا دیا گیا۔
بھارتی حکام کے الزام کے مطابق ان مکانات کو دھماکہ خیز مواد ذخیرہ اور ممکنہ طور پر پہلگام حملے کے لئے تیار کرنے میں استعمال کیا گیا تھا۔ بھارتی فورسز اہلکاروں کا کہنا ہے کہ پانچوں گھروں پر کارروائیاں مصدقہ خفیہ اطلاعات کی بنیاد پر کی گئیں، جو ان مکانات کو عسکری سرگرمیوں کے ساتھ جوڑتی ہیں۔ احسان الحق شیخ کا مکان دھماکے سے منہدم کرنے سے آس پڑوس کے کئی دیگر مکانات کو بھی بھاری نقصان پہنچا ہے۔ پہلگام حملہ کے بعد سے رہائشی مکانوں کو زمین بوس کئے جانے کے خلاف کشمیری عوام میں سخت غم و غصہ پایا جاتا ہے۔ کشمیریوں کا کہنا تھا کہ کسی ایک فرد کی سزا دوسرے انسان کو کیسے دی جاسکتی ہے۔
سرگودھا: شادی کے نام پر دھوکا، 4 افراد کیخلاف تحقیقات جاری