’جن طیاروں کی پوجا لیموں اور مرچ سے کی گئی تھی، وہ کہاں گئے‘؟ بھارتی لوک سبھا میں ہنگامہ
اشاعت کی تاریخ: 30th, July 2025 GMT
بھارت کے حالیہ فوجی آپریشن سندور کی ناکامی اور اس کے نقصانات پر بھارتی لوک سبھا میں مودی حکومت کو شدید دباؤ کا سامنا ہے۔ حزبِ اختلاف کے ارکان نے کارروائی کے دوران بھارتی فضائیہ کو پہنچنے والے نقصانات اور اس کی تفصیلات پر شدید سوالات اٹھا دیے۔
سماج وادی پارٹی کے رہنما اور رکنِ پارلیمان اکھلیش یادیو نے طنز کرتے ہوئے کہا کہ بس اتنا جاننا چاہتے ہیں کہ جن طیاروں کی پوجا لیموں اور مرچ لگا کر کی گئی تھی، وہ آخر کہاں گئے؟ آپریشن سندور میں ہمارے بہترین طیارے کتنے اڑے اور کتنے واپس لوٹے؟
مزید پڑھیں: اگر ایک بھی رافیل نہیں گرا تو مودی 35 طیارے قوم کو دکھائیں، کانگریس کا بھارت سرکار کو چیلنج
لوک سبھا کے اجلاس کے دوران حکومت کی جانب سے مسلسل خاموشی اور تفصیلات فراہم نہ کرنے پر حزبِ اختلاف کے ارکان نے ایوان میں شور شرابا کیا۔ کئی ارکان نے کہا کہ حکومت صرف میڈیا پر کامیابی کے دعوے کر رہی ہے، جبکہ پارلیمان کو اصل حقائق سے لاعلم رکھا گیا ہے۔
یاد رہے کہ آپریشن سندور کے دوران بھارتی فضائیہ کو شدید جانی و مالی نقصان اٹھانا پڑا تھا۔ پاکستان نے بہترین دفاعی حکمت عملی کے تحت 6 بھارتی جنگی طیارے مار گرائے۔ تاہم بھارتی وزارتِ دفاع کی جانب سے اب تک اس کی تصدیق یا تردید نہیں کی گئی۔
مزید پڑھیں: جب تم رافیل اڑا ہی نہیں سکتے تو نئے جہاز کس لعنت کے لیے خرید رہے ہو؟ڈمی خواجہ آصف
ایوان میں اراکین کا کہنا تھا کہ عوام اور پارلیمان کو اندھیرے میں رکھنا نہ صرف جمہوری عمل کی توہین ہے بلکہ یہ اس بات کا ثبوت بھی ہے کہ مودی سرکار کو زمینی حقائق کا سامنا کرنے کا حوصلہ نہیں رہا۔ حزبِ اختلاف نے مطالبہ کیا کہ آپریشن سندور کی مکمل تحقیقات کرکے رپورٹ پارلیمان میں پیش کی جائے۔
سیاسی تجزیہ کاروں کے مطابق لوک سبھا میں اٹھنے والی یہ آوازیں نہ صرف بھارتی حکومت کی عسکری پالیسیوں پر عدم اعتماد کو ظاہر کرتی ہیں بلکہ پاکستان کی دفاعی صلاحیتوں کا غیر اعلانیہ اعتراف بھی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اکھلیش یادیو بھارتی لوک سبھا پوجا رافیل سماج وادی پارٹی لیموں اور مرچ مودی سرکار.ذریعہ: WE News
کلیدی لفظ: اکھلیش یادیو بھارتی لوک سبھا پوجا رافیل سماج وادی پارٹی لیموں اور مرچ مودی سرکار لوک سبھا
پڑھیں:
مودی کی لوک سبھا میں تقریر جھوٹ کا پلندہ ہے، عرفان صدیقی
سوشل میڈیا پلیٹ فارم " ایکس " پر اپنے بیان میں راہنما مسلم لیگ نون نے کہا کہ بھارتی وزیراعظم کی لوک سبھا میں کی گئی تقریر جھوٹ کا پلندہ ہے جس کو بھارتی عوام، میڈیا اور اپوزیشن نے مسترد کر دیا، پاکستان کے معرکہ حق نے بھارت کا چہرہ بے نقاب کر دیا ہے. اسلام ٹائمز۔ راہنما مسلم لیگ نون اور سینیٹر عرفان صدیقی نے کہا ہے کہ مودی کی لوک سبھا میں کی گئی تقریر جھوٹ کا پلندہ ہے۔ سوشل میڈیا پلیٹ فارم " ایکس " پر اپنے بیان میں عرفان صدیقی نے بھارتی بیانیے کو کرارا جواب دیتے ہوئے بھارتی وزیراعظم مودی کی تقریر پر کڑی تنقید کی ہے۔
انہوں نے کہا کہ مودی کی لوک سبھا میں تقریر جھوٹ کا پلندہ ہے جس کو بھارتی عوام، میڈیا اور اپوزیشن نے مسترد کر دیا، پاکستان کے معرکہ حق نے بھارت کا چہرہ بے نقاب کر دیا ہے۔ سینیٹر کا مزید کہنا تھا کہ مودی کی 2 گھنٹے طویل تقریر نئی الجھنوں اور سوالات کو جنم دے رہی ہے، جھوٹ کا چائے خانہ زیادہ دیر نہیں چلتا۔
اسلام آباد کی نجی سوسائٹی کے برساتی نالے میں بہہ جانے والے باپ بیٹی کی تلاش جاری