نائٹ رائیڈر اسٹار کی سابق اہلیہ نے 62 سال کی عمر میں خودکشی کرلی
اشاعت کی تاریخ: 7th, March 2025 GMT
امریکی کی عالمی شہرت یافتہ ڈراما سیریز بے واچ کی اداکارہ اور ڈیوڈ ہیسل ہاف کی سابقہ اہلیہ پامیلا بچ اپنے گھر میں مردہ حالت میں پائی گئیں۔
امریکی نشریاتی ادارے کے مطابق لاس اینجلس کے میڈیکل ایگزامینر نے تصدیق کی اداکارہ پامیلا کی موت کی وجہ خودکشی ہے۔
ان کی کنپٹی پر لگے گہرے زخم سے تصدیق ہوتی ہے کہ اداکارہ نے اپنے سر پر پستول رکھی اور گولی مار کر اپنی زندگی کا خاتمہ کرلیا۔
پولیس نے اداکارہ کے گھر کی مکمل تلاشی لی لیکن وہاں سے کوئی خودکشی نوٹ نہیں ملا۔ خودکشی کی وجہ فی الحال معلوم نہیں ہوسکی۔
اداکارہ کی موت کا اُس وقت پتا چلا جب ان کے خاندان والے گھر آئے اور پامیلا نے دروازہ نہیں کھولا۔ دروازہ توڑ کر اندر داخل ہوئے تو اداکارہ کو مردہ پایا۔
یاد رہے کہ اداکارہ پامیلا کی شادی ڈیوڈ ہاسل ہاف سے 1989 میں ہوئی تھی۔ دونوں کی ملاقات ٹی وی سیریز نائٹ رائڈر کے سیٹ پر ہوئی تھی۔
تاہم اس شادی کا اختتام 2006 میں طلاق پر ہوا تھا جب وہ لائف گارڈ ٹی وی ڈراما سیریز بے واچ میں شوہر کے ساتھ کام کر رہی تھیں۔
.
ذریعہ: Express News
پڑھیں:
اسپیس ایکس کا ایک اور کامیاب مشن، 29 اسٹار لنک سیٹلائٹس خلا میں روانہ
امریکی خلائی کمپنی اسپیس ایکس نے مزید 29 اسٹار لنک سیٹلائٹس کامیابی سے خلا میں روانہ کر دیں۔ یہ سیٹلائٹس ایلون مسک کے عالمی انٹرنیٹ منصوبے کا حصہ ہیں۔
فالکن 9 راکٹ نے دوپہر 12 بج کر 16 منٹ پر کیپ کینیورل اسپیس فورس اسٹیشن سے پرواز بھری۔ یہ راکٹ اپنے 15ویں مشن پر روانہ ہوا تھا۔ پرواز کے ساڑھے 9 منٹ بعد راکٹ کا بوسٹر الگ ہوا اور اٹلانٹک سمندر میں موجود خودکار ڈرون شپ “Just Read the Instructions” پر کامیابی سے لینڈ کر گیا۔
مزید پڑھیں: اسپیس ایکس کا مشن کامیاب، ناسا اور ناوا کے اسپیس ویذر سیٹلائٹس خلا میں روانہ
راکٹ کے بالائی حصے نے کم زمین مدار (Low Earth Orbit) میں داخل ہو کر 29 اسٹار لنک سیٹلائٹس کو چھوڑا۔ یہ مشن اسپیس ایکس کا سال 2025 کا 138واں کامیاب لانچ تھا، جو کمپنی کے سالانہ ریکارڈ کو مزید بہتر بناتا ہے۔
اب تک اسپیس ایکس دنیا بھر میں انٹرنیٹ فراہمی کے لیے 8,700 سے زائد اسٹار لنک سیٹلائٹس خلا میں بھیج چکی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپیس ایکس امریکی خلائی کمپنی ایلون مسک
بابر اعظم ایک ٹی 20 میچ میں کتنے عالمی ریکارڈز توڑ سکتے ہیں؟