اب یہ لاسا بخار کیا ہے اور کون پھیلا رہا ہے؟
اشاعت کی تاریخ: 8th, March 2025 GMT
برطانیہ کے حکام لاسا بخار کے کسی بھی ممکنہ کیس کی جانچ کر رہے ہیں کیونکہ انگلینڈ کا دورہ کرنے والے ایک نائجیرین شہری کے بارے میں معلوم ہوا ہے کہ وہ اس انفیکشن میں مبتلا تھا۔
یہ بھی پڑھیں: کورونا کا خدشہ: چمگادڑ پھیلاؤ کا سبب بن سکتے ہیں، نئی تحقیق
صحت کے ماہرین کا کہنا ہے کہ یہ وائرس لوگوں کے درمیان آسانی سے نہیں پھیلتا اور مجموعی طور پر عوام کے لیے خطرہ بہت کم ہے۔
ماہرین کا کہنا ہے کہ برطانیہ کی ہیلتھ سیکیورٹی ایجنسی (یو کے ایچ ایس اے) کی جانب سے ابھی تک کسی سے بھی رابطہ نہیں کیا گیا ہے۔
کچھ مغربی افریقی ممالک میں یہ بیماری عام ہے جہاں لوگ عام طور پر چوہوں کے پیشاب یا فضلے سے آلودہ کھانا کھانے یا گھریلو اشیا کو ہاتھ لگانے کی وجہ سے انفیکشن کا شکار ہوجاتے ہیں۔
لاسا بخار برطانیہ میں نایاب ہے لیکن اس سے پہلے کچھ کیسز سنہ 2022 میں سامنے آئے تھے۔
برطانوی حکام کا کہنا ہے کہ وہ لاسا بخار میں مبتلا افراد کی شناخت کرنے کے لیے کوشاں ہیں تاکہ انفیکشن کے پھیلاؤ کو محدود کیا جا سکے۔
یو کے ایچ ایس اے کا کہنا ہے کہ وہ کسی بھی ایسے شخص کو تلاش کرنے کے لیے تیزی سے کام کر رہی ہے جس کا لاسا بخار والے شخص سے رابطہ ہوسکتا ہے۔
مزید پڑھیے: کراچی میں پھیلنے والی وبا کورونا یا کچھ اور؟
برطانیہ کی ہیلتھ سیکیورٹی ایجنسی کی ڈپٹی ڈائریکٹر ڈاکٹر میرا چند کا کہنا تھا کہ ہماری ہیلتھ پروٹیکشن ٹیمیں ان لوگوں سے رابطے میں رہنے کے لیے تیزی سے کام کر رہی ہیں جو انگلینڈ میں اس شخص کے ساتھ رابطے میں تھے تاکہ اس بات کو یقینی بنایا جا سکے کہ اگر ان میں کوئی علامات ظاہر ہوتی ہیں تو وہ مناسب طبی دیکھ بھال اور ٹیسٹ کریں۔
یہ انفیکشن لوگوں میں آسانی سے نہیں پھیلتا اور برطانیہ کی آبادی کے لیے مجموعی خطرہ بہت کم ہے۔
جن لوگوں میں لاسا بخار پایا جاتا ہے ان کا علاج کیاجائے گا اور ان کی علامات کی نگرانی کی جائے گی۔ فی الحال اس بیماری کے لیے کوئی مؤثر واحد علاج نہیں ہے۔
لاسا بخار کیا ہے؟یہ متاثرہ افراد کے جسمانی سیال (خون، لعاب، پیشاب یا سیمن) کے ذریعے دوسروں تک پھیل سکتا ہے۔
انسان متاثرہ چوہوں کے پیشاب یا فضلے کے ذریعے اس انفیکشن میں مبتلا ہوسکتا ہے۔
مزید پڑھیں: وادی نیلم میں پراسرار بیماری، نوجوان بچے، بچیاں شکار
اکثر جو لوگ انفیکشن کا شکار ہوتے ہیں ان میں کوئی علامات نہیں ہوتیں۔ یہ مرض بخار اور فلو کا سبب بن سکتا ہے اور ساتھ ہی ناک، منہ اور جسم کے دیگر حصوں سے خون بھی روان ہو سکتا ہے۔
زیادہ تر لوگ مکمل طور پر صحت یاب ہوجاتے ہین لیکن یہ بیماری جان لیوا بھی ہوسکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
برطانیہ چوہے لاسا بخار لاسا وائرس نائجیریا.ذریعہ: WE News
کلیدی لفظ: برطانیہ چوہے لاسا بخار لاسا وائرس نائجیریا کا کہنا ہے کہ لاسا بخار کے لیے
پڑھیں:
وزیراعظم سے برطانوی ہائی کمشنر جین میریٹ کی ملاقات، دو طرفہ تعلقات پر تبادلہ خیال
ویب ڈیسک : وزیراعظم شہباز شریف سے برطانوی ہائی کمشنر جین میریٹ نے ملاقات کی، جس میں دو طرفہ تعلقات ، جنوبی ایشیا اور مشرق وسطیٰ کی صورتحال پر تبادلہ خیال کیا گیا۔
ملاقات وزیراعظم ہاؤس میں ہوئی، جس میں دونوں رہنماؤں نے پاکستان اور برطانیہ کے درمیان دوطرفہ تعلقات، تجارتی مذاکرات اور عالمی سطح پرتعاون پرگفتگو کی۔ وزیراعظم نے کنگ چارلس سوئم اور وزیراعظم کیئر اسٹارمر کے لیے نیک خواہشات کا اظہار کیا اور برطانوی حکومت کی جانب سے پی آئی اے کی پروازوں کی بحالی کے حالیہ فیصلے کا خیرمقدم کیا۔
مون سون بارشیں, پی ڈی ایم اے کا الرٹ جاری
ملاقات کے دوران وزیراعظم شہباز شریف نے پاکستان اور برطانیہ کے درمیان حالیہ تعاون کی مثبت پیشرفت پر اطمینان کا اظہار کیا اور اقوام متحدہ کی سلامتی کونسل میں برطانیہ کے ساتھ تعاون کو اہم قرار دیا۔ اس کے علاوہ جنوبی ایشیا اور مشرق وسطیٰ کی موجودہ علاقائی صورتحال پر بھی تبادلہ خیال کیا گیا، جہاں وزیراعظم نے پاک بھارت کشیدگی میں کمی کے لیے برطانیہ کے کردار کو سراہتے ہوئے باہمی مذاکرات کی آمادگی کا اعادہ کیا۔
معروف برطانوی گلوکار انتقال کر گئے
شہباز شریف نے کہا کہ وہ اس سال کے اواخر میں برطانیہ کی قیادت کے ساتھ اپنی ملاقات کے منتظر ہیں، اس مثبت پیشرفت سے برطانوی پاکستانی کمیونٹی کو درپیش مشکلات کو دور کرنے کے ساتھ ساتھ لوگوں کے درمیان تبادلے کو بڑھانے میں بھی مدد ملے گی جبکہ انہوں نے اس سلسلے میں ہائی کمشنر کے مثبت کردار کو خاص طور پر سراہا۔
برطانوی ہائی کمشنر جین میریٹ نے وزیراعظم کے وژن اور حکومت کی معاشی کارکردگی کو سراہا اور پاکستان کے ساتھ تعلقات کو مزید مستحکم بنانے کے لیے اپنی کوششوں کا اعادہ کیا۔
لاہور سمیت پنجاب کے مختلف شہروں میں طوفانی بارش، نشیبی علاقے زیر آب
برطانوی ہائی کمشنر نے اپنے حالیہ دورہ لندن کے دوران پاکستان اور برطانیہ کے تعلقات بڑھانے پروسیع مشاورت کی تفصیلات بھی فراہم کیں جبکہ دونوں جانب سے علاقائی امن و استحکام کے حوالے سے تعاون جاری رکھنے پراتفاق کیا گیا۔
ایٹمی پروگرام کو نشانہ بنانے کی کوئی جرأت نہیں کر سکتا( پاک فوج)