خواتین کے عالمی دن پر ملک کے مختلف شہروں میں تقریبات، ریلیاں، مردوں کی بھی شرکت
اشاعت کی تاریخ: 8th, March 2025 GMT
خواتین کے عالمی دن پر ملک کے مختلف شہروں میں تقریبات کا اہتمام کیا گیا، جن میں مردوں نے بھی شرکت کی، اور خواتین کے حقوق کے لیے ان کے ساتھ کھڑے ہونے کا عزم کا اعادہ کیا۔
یہ بھی پڑھیں ’آپ ایجنڈے پر کام کرتے ہیں‘، ماریہ بی کی عورت مارچ پر تنقید
وفاقی دارالحکومت اسلام آباد میں نیشنل پریس کلب کے باہر ہونے والے عورت مارچ میں خواتین نے اپنے حقوق کے لیے آواز بلند کی، اس مارچ میں مرد بھی خواتین کے ساتھ شریک تھے۔
شرکا نے ہاتھوں میں پلے کارڈز اٹھا رکھے تھے جن پر خواتین کے حقوق کے حوالے سے مختلف نعرے درج تھے۔
شہر قائد کراچی میں بھی خواتین اپنے حقوق کے لیے بات کرنے باہر نکلیں، کراچی میں ہوم بیسڈ ویمن ورکرز نے اسکاؤٹ آڈیٹوریم سے آرٹس کونسل تک ریلی نکالی، اور اپنے حقوق کے لیے نعرے لگائے۔
اس کے علاوہ آرٹس کونسل میں بھی ایک پروگرام کا انعقاد کیا گیا، عورت مارچ منتظمین نے کراچی میں پریس کانفرنس کرتے ہوئے اعلان کیاکہ اس سال عورت مارچ رمضان کی وجہ سے مئی میں ہوگا۔
سندھ کے شہر حیدرآباد میں بھی خواتین نے ریلی نکالی، ان خواتین نے دریائے سندھ سے نہریں نکالنے کے خلاف نعرے بازی کی۔
یہ بھی پڑھیں کیا لاہور میں عورت مارچ کی اجازت دے دی گئی ہے؟
وہاڑی میں بھی خواتین سماجی تنظیم کے زیراہتمام ہونے والے پروگرام میں شریک ہوئیں، جبکہ آزاد کشمیر کے دارالحکومت مظفرآباد میں خواتین احتجاج کے لیے نکلیں اور بھارت کے خلاف نعرے بازی کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews تقریبات حقوق کی جدوجہد خواتین کا عالمی دن ریلیاں عورت مارچ نعرے بازی وی نیوز.ذریعہ: WE News
کلیدی لفظ: تقریبات حقوق کی جدوجہد خواتین کا عالمی دن ریلیاں وی نیوز حقوق کے لیے بھی خواتین خواتین کے میں بھی
پڑھیں:
اسپین کا اسرائیل اور روس کی عالمی کھیلوں میں شرکت پر پابندی کا مطالبہ
میڈرڈ میں ہسپانوی وزیراعظم پیدرو سانچیز نے کہا ہے کہ یوکرین اور غزہ میں جاری جنگوں کے دوران وحشیانہ اقدامات رکنے تک اسرائیل اور روس کو بین الاقوامی کھیلوں میں حصہ لینے سے روک دینا چاہیئے۔ اسلام ٹائمز۔ اسپین نے اسرائیل اور روس کی عالمی کھیلوں میں شرکت پر پابندی کا مطالبہ کیا ہے۔ میڈرڈ میں ہسپانوی وزیراعظم پیدرو سانچیز نے کہا ہے کہ یوکرین اور غزہ میں جاری جنگوں کے دوران وحشیانہ اقدامات رکنے تک اسرائیل اور روس کو بین الاقوامی کھیلوں میں حصہ لینے سے روک دینا چاہیئے۔ سانچیز نے گذشتہ روز میڈرڈ میں فلسطین کے حق میں ہونے والے پرتشدد مظاہروں کی بھی مذمت کی، جن کے باعث سائیکل ریس لا وولٹا کا آخری مرحلہ اور انعامی تقریب منسوخ کرنی پڑی۔
مالی مفاد حب الوطنی پر غالب: بھارت ایشیا کپ میں پاکستان سے کھیلنے پر آمادہ