154 کلو وزنی ماں لے پاک بیٹے کے اوپر بیٹھ گئیں؛ بچہ ہلاک
اشاعت کی تاریخ: 11th, March 2025 GMT
امریکی ریاست انڈیانا میں لے پالک بچہ گھر چھوڑ کر جانے کی ضد کر رہا تھا جسے روکنے کے لیے 154 کلو وزنی رضاعی ماں اس پر بیٹھ گئی۔
عالمی خبر رساں ادارے کے مطابق رضاعی ماں جینیفر لی ولسن نے بتایا کہ جب بچہ درد سے کرراہ رہا تھا تو میں سمجھی شاید یہ ڈراما کر رہا ہے۔
48 سالہ ماں نے مزید بتایا کہ میں کچھ اور دیر تک اس پر چڑھ کر بیٹھی رہی اور بچہ ہلاک ہوگیا جس کا مجھے اندازہ ہی نہیں ہوسکا۔
یہ واقعہ اپریل 2023 کا ہے پولیس نے بچے کو اسپتال منتقل کیا۔ اس کی گردن اور سینے کی ہڈیاں ٹوٹ گئی تھیں۔
پوسٹ مارٹم رپورٹ کے مطابق وزن کے باعث 10 سالہ بچے کے جگر اور پھیپھڑوں کو شدید نقصان پہنچا جو اس کی موت کا سبب بنے۔
جینیفر نے عدالت میں بیان دیا کہ 10 سالہ ڈکوٹا گھر سے بھاگ گیا تھا اور پڑوسیوں کے گھر سے ملا تھا۔
ماں نے بتایا کہ میں نے صرف ڈرانے دھمکانے کے لیے ایسا کیا اور اس کی موت صرف ایک حادثہ تھی۔
عدالت نے غفلت اور لاپرواہی برتنے پر 6 ماہ قید کی سزا سنائی۔
.
ذریعہ: Express News
پڑھیں:
لاہور: خاتون ایم پی اے کا بیٹا اسنوکر کلب میں جوا کھیلتے ہوئے گرفتار، پولیس
سابق خاتون ایم پی اے پر مبینہ پولیس تشدد کے معاملے پر ڈی آئی جی آپریشنز لاہور نے نوٹس لے کر انکوائری کا حکم دے دیا جبکہ پولیس ترجمان نے کہا کہ خاتون ایم پی اے کا بیٹا اسنوکر کلب میں جوا کھیلتے گرفتار ہوا۔
ڈی آئی جی آپریشنز نے انکوائری 48 گھنٹے میں مکمل کرنے کی ہدایت کی اور مبینہ واقعہ کے تمام شواہد بشمول ویڈیوز سے انکوائری کرنے کا حکم دیا۔
ترجمان لاہور پولیس نے کہا کہ مبینہ تشدد کی انکوائری شروع کردی گئی جب کہ دیگر تمام الزامات حقائق کے منافی ہیں، خاتون ایم پی اے کا بیٹا اسنوکر کلب میں جوا کھیلتے گرفتار ہوا، ارسلان دو روز قبل 90 اسنوکر کلب میں 12 دیگر ملزمان کے ساتھ رنگے ہاتھوں گرفتار ہوا۔
ترجمان پولیس نے کہا کہ مذکورہ اسنوکر کلب اور گرفتار دیگر ملزمان سابقہ جوئے میں ریکارڈ یافتہ ہیں، خاتون کا ایک بیٹا گزشہ ماہ موٹر سائیکل سے گر کر جاں بحق ہوا جس کا مقدمہ درج ہے، اسنوکر کلب سے دوسرے بیٹے کی گرفتاری کو پہلے بیٹے کے مقدمہ قتل پر دباؤ سے جوڑنا بے بنیاد ہے۔
ترجمان نے کہا کہ خاتون ایم پی اے نے بیٹے کو چھڑوانے کے لیے دباؤ ڈالنے کی کوشش کی،
سابق ایم پی اے اور اس کے شوہر نے بیٹے کو چھڑوانے کے لیے پولیس والوں سے شدید بدسلوکی کی۔
بیان میں کہا گیا کہ وزیر اعلی پنجاب کی ہدایت کے مطابق قانون سب کے لیے برابر ہے، بغیر تصدیق الزام تراشی پر مبنی یک طرفہ خبر چلانا افسوسناک ہے۔
سابق رکن اسمبلی سمیرا کومل کے بیٹے پر مزنگ پولیس کا مُبینہ تشدد، جوا کھیلنے کا مقدمہ درج کر لیا#ExpressNews #BreakingNews #SumeraKomal #Son #Police #Lahore #LatestNews #Pakistan pic.twitter.com/cGiHt3yObq
— Express News (@ExpressNewsPK) October 31, 2025
ترکیہ برطانیہ سے 20 یورو فائٹر طیارے خریدے گا، معاہدے طے