کراچی: فائرنگ کے واقعہ میں ایک شخص ہلاک
اشاعت کی تاریخ: 11th, March 2025 GMT
شاہ لطیف ٹاؤن منزل پمپ کے قریب فائرنگ کے واقعہ میں ایک شخص ہلاک ہوگیا جس کی لاش ضابطے کی کارروائی کے لیے جناح اسپتال لیجائی گئی جہاں اس کی شناخت 40 سالہ امین علی کے نام سے کی گئی۔
انویسٹی گیشن ذرائع کا کہنا ہے کہ ابتدائی اطلاعات کے مطابق ہلاک شخص کے خلاف شاہ لطیف ٹاؤن تھانے میں مدعیہ معروف بی بی نے شوہر کو فائرنگ کر کے شدید زخمی کرنے کا مقدمہ درج کرایا تھا جبکہ مدعیہ نے گزشتہ روز سر راہ ایک شخص کو شناخت کر کے انویسٹی گیشن پولیس سے رابطہ کر کے اطلاع دی اور بتایا کہ شوہر پر فائرنگ کرنے والا مبینہ شخص یہاں موجود ہے جس پر انویسٹی گیشن پولیس موقع پر پہنچی تو مدعیہ کی نشاندہی پر پولیس اس کے پاس گئی تو اس نے اسلحہ نکال لیا اور فائرنگ کرتے ہوئے فرار ہونے کی کوشش کی، اس دوران خاتون پر بھی فائرنگ کی گئی۔
انویسٹی گیشن پولیس کی جانب سے بھی ہوائی فائرنگ کی گئی جبکہ موقع پر عوام کی بھی بڑی تعداد جمع ہوگئی اور ان میں شامل افراد کی جانب سے بھی فائرنگ کی گئی۔تاہم، فوری طور اس بات کا تعین نہیں ہوسکا کہ امین علی کس کی گولی لگی تھی جبکہ اس کے قبضے سے نائن ایم ایم پستول بھی ملا ہے۔
.ذریعہ: Express News
کلیدی لفظ: انویسٹی گیشن کی گئی
پڑھیں:
لکی مروت:پولیس اہلکار اغوا کے بعد قتل، لاش ہسپتال منتقل
لکی مروت میں پولیس اہلکار کو اغوا کے بعد قتل کردیا گیا ۔پولیس کے مطابق لکی مروت کے علاقے ملک آباد محلہ ریلوے اسٹیشن میں افسوسناک واقعہ پیش آیا، نامعلوم افراد نے پولیس اہلکار خوشدل خان کو رات گئے گھر سے اغوا کیا، اغواکاروں نے اہلکار کو کچھ فاصلے پر لے جا کر فائرنگ کا نشانہ بنایا، جس سے وہ موقع پر ہی جاں بحق ہو گیا۔واقعہ کے بعد علاقے میں شدید خوف و ہراس پھیل گیا جبکہ پولیس نے جائے وقوعہ کو گھیرے میں لے کر شواہد اکھٹے کرنا شروع کر دیئے ۔پولیس نے ملزمان کی تلاش شروع کر دی جبکہ مقتول کی میت کو ہسپتال منتقل کیاگیا ، ضروری کارروائی کے بعد ورثا کے حوالے کر دیا گیا۔
اسپیکر نے بجٹ کے لیے قومی اسمبلی کے شیڈول کی منظوری دے دی