بلوچستان اسمبلی کا اجلاس آج ہوگا
اشاعت کی تاریخ: 12th, March 2025 GMT
بلوچستان اسمبلی کا اجلاس آج ہوگا، اجلاس میں صوبے میں دہشت گردی کی کاروائیوں کی مذمت اور دہشت گرد گروپوں کے خلاف کارروائی عمل میں لانے کی قرار داد پیش کی جائے گی۔
بلوچستان اسمبلی کا اجلاس ایک دن کے وقفے کے بعد آج دوپہر اڑھائی بجے ہوگا، جس میں بلوچستان اسمبلی کے حلقہ پی بی 45 کوئٹہ سے دوبارہ منتخب رکن حاجی علی مدد جتک اسمبلی رکنیت کا حلف لیں گے۔
سیکیورٹی ذرائع کا کہنا ہے کہ بولان پاس، ڈھاڈر کے مقام پر دہشتگردوں نے جعفر ایکسپریس پر حملہ کر کے معصوم شہریوں کو ٹارگٹ کیا۔
اجلاس میں صوبائی مشیر مینا مجید بلوچستان میں دہشت گردی کی کاروائیوں کی مذمت اور دہشت گرد گروپوں کے خلاف کارروائی عمل میں لانے کی قرار داد پیش کریں گی۔
اجلاس میں بلوچستان مائنز اینڈ منرلز کا مسودہ قانون پیش اور وقفہ سوالات میں محکمہ خزانہ اور محکمہ بلدیات سے متعلق سوالات کے جوابات دیے جائیں گے۔
.ذریعہ: Jang News
کلیدی لفظ: بلوچستان اسمبلی
پڑھیں:
بلوچستان میں سیکیورٹی فورسز کا کامیاب آپریشن، 2 دہشت گرد ہلاک، 2 گرفتار
data-id="863a0a8" data-element_type="widget" data-widget_type="theme-post-content.default">
دُکی: بلوچستان کے ضلع دُکی میں سیکیورٹی فورسز نے خفیہ اطلاع پر کارروائی کرتے ہوئے فتنہ الہندوستان سے تعلق رکھنے والے دو دہشت گردوں کو ہلاک جبکہ دو کو گرفتار کر لیا۔
پاک فوج کے شعبۂ تعلقاتِ عامہ (آئی ایس پی آر) کے مطابق یہ آپریشن بھارتی انٹیلی جنس کی پشت پناہی رکھنے والے دہشت گرد گروہ کے خلاف کیا گیا، جو علاقے میں متعدد تخریبی کارروائیوں میں ملوث تھے، آپریشن کے دوران دہشت گردوں کے قبضے سے بھاری مقدار میں اسلحہ اور گولہ بارود برآمد کیا گیا ہے، جسے ممکنہ طور پر پاکستان کے اندرونی امن کو نقصان پہنچانے کے لیے استعمال کیا جانا تھا۔
آئی ایس پی آر نے بتایا کہ آپریشن اب بھی جاری ہے اور علاقے میں دیگر دہشت گرد عناصر کی تلاش اور مکمل خاتمے کے لیے سیکیورٹی فورسز الرٹ اور متحرک ہیں۔ ادارے نے اس عزم کا اعادہ کیا کہ بھارتی سرپرستی میں چلنے والی دہشتگردی کو جڑ سے اکھاڑ پھینکنے تک فورسز کی کارروائیاں جاری رہیں گی۔
انہوں مزید کہا کہ پوری قوم دہشتگردی کے منصوبہ سازوں کو انصاف کے کٹہرے میں لانے کے لیے پرعزم ہے، اور سیکیورٹی فورسز کی قربانیاں اس مقصد کی تکمیل میں کلیدی کردار ادا کر رہی ہیں۔
صدرِ مملکت آصف علی زرداری نے دُکی میں سیکیورٹی فورسز کی کامیاب کارروائی پر فورسز کو خراج تحسین پیش کرتے ہوئے کہا کہ سیکیورٹی فورسز کی پیشہ ورانہ مہارت، جرات اور قربانی پر پوری قوم کو فخر ہے۔
صدر مملکت کا کہنا تھا کہ پاکستانی قوم اپنی افواج کے شانہ بشانہ کھڑی ہے، اور بھارت کی پشت پناہی میں کام کرنے والی دہشتگردی کو جڑ سے ختم کرنے کے لیے ہماری جدوجہد ہر محاذ پر جاری رہے گی۔ انہوں نے کہا کہ دہشتگردی کے ناسور کا مکمل خاتمہ پاکستان کے پرامن مستقبل کے لیے ناگزیر ہے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی