دہشتگردوں نے جعفر ایکسپریس پر حملہ کیسے کیا؟ ٹرین ڈرائیور کا آنکھوں دیکھا حال
اشاعت کی تاریخ: 13th, March 2025 GMT
اسلام آباد:
جعفر ایکسپریس حملے کے کامیاب آپریشن پر بلوچ عوام نے پاک فوج کو خراج تحسین پیش کیا جبکہ ٹرین میں موجود افراد نے پاک فوج کا شکریہ ادا کیا۔
بازیاب ہونے والے ٹرین ڈرائیور نے خیالات کا اظہار کرتے ہوئے کہا کہ ٹرین کے انجن کے نیچے دہشت گردوں کی جانب سے دھماکا کیا گیا، ریل ٹوٹنے کے باعث ٹرین کی بوگیاں الگ ہو گئیں جس کے اچانک بعد بی ایل اے کے دہشت گردوں نے حملہ کر دیا۔
ٹرین ڈرائیور نے بتایا کہ پاک فوج کی بروقت کارروائی کے بعد یہ آپریشن کامیاب ہوا، ہم پاک فوج کے شکر گزار ہیں کہ انہوں نے ہماری جان بچائی۔
ٹرین سیکیورٹی گارڈ نے کہا کہ جعفر ایکسپریس پر حملے کے بعد پوری ٹرین میں خوف و ہراس پھیل گیا، تاہم ایف سی کی بروقت کارروائی سے قیمتی جانوں کا نقصان نہیں ہوا۔
بازیاب شدہ مسافر کا کہنا تھا کہ دہشت گردوں نے دھماکا کرنے کے بعد ٹرین پر قبضہ کرتے ہوئے ہمیں یرغمال بنا لیا، ایف سی اور کمانڈوز نے اپنی جان جوکھم میں ڈال کر ہمیں بچایا، پاک فوج کے حوصلے سے ہمیں بھی بہت حوصلہ ملا جس کے نتیجے میں آج ہم زندہ اور صحیح سلامت ہیں۔
مزید پڑھیں؛ بلوچستان میں جعفر ایکسپریس پر حملہ؛ دہشتگردی میں بھارت کا ہاتھ ہے، پاکستان
واضح رہے کہ سیکیورٹی فورسز نے بلوچستان میں جعفر ایکسپریس پر ہونے والے حملے میں دہشت گردوں کے خلاف آپریشن مکمل کرلیا جہاں فوج کے 4 جوانوں سمیت 21 مسافر شہید ہوئے جبکہ تمام 33 دہشت گردوں کو ہلاک کر دیا گیا۔
ڈی جی آئی ایس پی آر لیفٹننٹ جنرل احمد شریف چوہدری نے بتایا کہ دہشت گردوں نے 11 مارچ کو تقریباً ایک بجے کے قریب بولان کے علاقے اوسی پور میں ریلوے ٹریک دھماکے سے اڑا دیا اور جعفر ایکسپریس کو روکا، ریلوے حکام کے مطابق اس ٹرین میں 440 افراد سوار تھے۔
انہوں نے بتایا کہ یہ علاقہ آبادی سے دور دشوار گزار ہے، دہشت گردوں نے پہلے یرغمالیوں کو انسانی ڈھال کے طور پر استعمال کیا، جس میں عورتیں اور بچے بھی شامل تھے۔
.ذریعہ: Express News
کلیدی لفظ: جعفر ایکسپریس پر پاک فوج
پڑھیں:
مغربی کنارے میں اردنی ٹرک ڈرائیور کی فائرنگ، دو اسرائیلی ہلاک
data-id="863a0a8" data-element_type="widget" data-widget_type="theme-post-content.default">
مقبوضہ مغربی کنارہ: اسرائیل اور اردن کے درمیان قائم کنگ حسین (ایلن بی) بارڈر کراسنگ کے قریب فائرنگ کے واقعے میں دو اسرائیلی ہلاک ہوگئے۔
غیر ملکی میڈیا رپورٹس کےمطابق اسرائیلی ایمبولینس سروس ایم ڈی اے کے مطابق مرنے والوں کی عمریں 20 اور 60 برس تھیں، جبکہ حملہ بارڈر کراسنگ کے قریب پیش آیا۔
اسرائیلی فوجی ترجمان کا کہنا ہے کہ حملہ آور کو موقع پر ہی ہلاک کر دیا گیا، مزید تفصیلات فراہم نہیں کی گئیں، ٹرک ڈرائیور نے پہلے فائرنگ کی اور پھر چاقو کے وار سے دونوں اسرائیلیوں کو ہلاک کیا۔
اسرائیلی نشریاتی ادارے کان نے دعویٰ کیا کہ حملہ آور اردنی شہری تھا جو غزہ کے لیے انسانی ہمدردی کی امداد لے کر آیا تھا۔
اسرائیلی فوج کے مطابق حملہ آور امدادی سامان سے بھرا ٹرک لے کر سرحدی علاقے میں پہنچا اور فائرنگ شروع کردی جس کے بعد فورسز نے اسے ہلاک کر دیا، فوج نے بتایا کہ علاقے میں سرچ آپریشن شروع کر دیا گیا ہے اور وادی اردن کے شہر اریحا کو گھیرے میں لے لیا گیا ہے۔
اردنی حکومت کے ترجمان محمد المومنی نے کہا ہے کہ عمان اس واقعے کی تفصیلات کو بغور دیکھ رہا ہے، اردن کے پبلک سکیورٹی ڈائریکٹوریٹ نے مسافروں کی آمدورفت معطل کر دی ہے کیونکہ اسرائیل نے واقعے کے بعد بارڈر ٹرمینل بند کر دیا تھا۔
خیال رہے کہ ستمبر 2024 میں بھی اسی کراسنگ پر اردنی ٹرک ڈرائیور کی فائرنگ سے تین اسرائیلی ہلاک ہوگئے تھے، اردن اور اسرائیل کے درمیان تین سرحدی گزرگاہیں ہیں جن میں شیخ حسین پل، کنگ حسین (ایلن بی) پل اور وادی عربہ کراسنگ شامل ہیں۔
سندھ میں سیلاب سے نقصانات؛ حکومت اور جائیکا کا متاثرہ کسانوں کیلیے اقدامات کا اعلان