جاوید اختر لیاقت علی خان کے پڑ پوتے سے رابطے کے خواہشمند کیوں ہیں؟
اشاعت کی تاریخ: 15th, March 2025 GMT
ممبئی(شوبز ڈیسک)مشہور بھارتی شاعر اور نغمہ نگار جاوید اختر نے پاکستانی گلوکار معظم علی خان کی گائیکی کے سحر سے متاثر ہو کر ان سے رابطہ کرنے کی خواہش کا اظہار کیا ہے۔
جاوید اختر نے سوشل میڈیا پلیٹ فارم ایکس پر ایک پوسٹ میں لکھا کہ انہوں نے یوٹیوب پر معظم علی خان کا گانا ”یہ نین ڈرے ڈرے“ سنا اور ان کی آواز سے بہت متاثر ہوئے ہیں۔
جاوید اختر نے درخواست کی کہ معظم علی خان ان سے رابطہ کریں تاکہ وہ ان کے ساتھ کچھ گانے گائیں۔
معظم علی خان، جو کہ پاکستان کے پہلے وزیرِ اعظم لیاقت علی خان کے پڑپوتے ہیں، نے اداکاری کی دنیا میں قدم رکھنے سے قبل موسیقی میں اپنا کیریئر شروع کیا تھا۔
انہوں نے 2020 میں ڈرامہ سیریل ”ثبات“ میں سیٹھ فرید کا کردار نبھایا اور اپنے کردار سے ناظرین کو محظوظ کیا۔ اس سے قبل وہ سوشل میڈیا پر نغمے گانے اور ویڈیوز شیئر کرتے تھے۔ سوشل میڈیا پر ان کے گانے اور ڈراموں کے کلپس مداحوں میں بےحد مقبول ہیں۔
معظم علی خان نے گلوکاری کا آغاز اپنے بھائی عباس علی خان کی غزل ”تمہارے بن“ سے کیا، جو کہ خود عباس نے گائی تھی۔ اس گانے کی مقبولیت نے ان میں مزید گانے گانے کا حوصلہ پیدا کیا۔ ان کی آواز نے نہ صرف پاکستانی بلکہ بھارتی مداحوں کا دل بھی جیتا ہے، اور انہیں جگجیت سنگھ سے مشابہت دی جا رہی ہے۔
معظم علی خان نے ہیمنت کمار کا مشہور گانا ”یہ نین ڈرے ڈرے“ اپنی آواز میں پیش کیا، جسے بہت سراہا گیا۔ ان کے گانے سن کر بھارتی اداکار رتک روشن اور گلوکارہ ریکھا بھردواج نے بھی ان کی تعریف کی۔
جاوید اختر کی پوسٹ کے بعد، ان کے مداحوں نے اکثر سوشل میڈیا پر ان کی ویڈیوز شیئر کیں اور انہیں جاوید اختر کے ساتھ کام کرنے کے لیے اس موقع پر فوری رابطہ کرنے کی تجویز دی۔
جاوید اختر ان دنوں مختلف پروجیکٹس میں مصروف ہیں۔ وہ حال ہی میں عامر خان کے ساتھ ان کی فلمی میلے ”عامر خان: سنیما کا جادوگر“ کے افتتاح پر نظر آئے تھے۔
اس کے علاوہ، جاوید اختر نیٹ فلکس کی ڈاکیومینٹری ”اینگری ینگ مین“ میں بھی نظر آئے، جس میں ان کی زندگی اور کیریئر پر بات کی گئی ہے۔
مزیدپڑھیں:کرکٹر کامران اکمل اور عمر اکمل کے والد کے فارم ہاؤس پر چوری کی بڑی واردات
ذریعہ: Daily Ausaf
کلیدی لفظ: معظم علی خان جاوید اختر سوشل میڈیا
پڑھیں:
سامعہ حجاب نے حسن زاہد کو کیوں معاف کیا؟ ٹک ٹاکر نے سب کچھ بتادیا
مشہور ٹک ٹاکر اور سوشل میڈیا انفلوئنسر سامعہ حجاب نے اپنے سابق منگیتر حسن زاہد کو معاف کرنے کی وجوہات کا تفصیل سے ذکر کرتے ہوئے کہا ہے کہ انہوں نے یہ فیصلہ حسن کی والدہ کی درخواست پر اور فی سبیل اللہ کیا ہے۔
سامعہ حجاب نے حال ہی میں انسٹاگرام پر شیئر کی گئی ایک ویڈیو میں کہا کہ جب انہوں نے اپنے ساتھ پیش آنے والے واقعے پر آواز بلند کی تو ان کا مقصد ان خواتین جیسا بننا تھا جو اپنے حق کے لیے خود کھڑی ہوتی ہیں۔ ان کا کہنا تھا کہ سوشل میڈیا پر تنقید کا سامنا ضرور کرنا پڑا، مگر اُن 75 فیصد لوگوں کی حمایت نے انہیں حوصلہ دیا جنہوں نے ان کا ساتھ دیا۔
View this post on Instagram
A post shared by Samiya Hijab jafari (@_samiyashianz_)
ٹک ٹاکر نے بتایا کہ عدالت کی آخری سماعت کے بعد حسن زاہد کو سزا سنائی جا سکتی تھی لیکن حسن کی والدہ کی درخواست پر انہوں نے کیس واپس لینے کا فیصلہ کیا۔ سامعہ کا کہنا تھا کہ ایک انسان کی غلطی کی سزا اُس کے پورے خاندان کو نہیں ملنی چاہیے۔
یہ بھی پڑھیں: اغوا کیس کا ڈراپ سین: ٹک ٹاکر سامعہ حجاب کا سابق منگیتر حسن زاہد کیخلاف مقدمات واپس لینے کا اعلان
انہوں نے مزید کہا کہ حسن زاہد نے اپنی غلطی تسلیم کر لی تھی اور ان پر لگائے گئے تمام الزامات واپس لے لیے تھے۔ اس کے بعد حسن کی والدہ نے مجھ سے دوبارہ رابطہ کر کے شکریہ ادا کیا اور درخواست کی کہ عدالت میں جا کر حلف دے دوں کیونکہ اس کے بغیر یہ مسئلہ ختم نہیں ہو گا جس کے بعد میں نے کورٹ جا کر حلفی بیان دیا اور کیس واپس لے لیا۔
سامعہ حجاب کا کہنا تھا کہ انہوں نے فی سبیل اللہ حسن زاہد کو معاف کر دیا ہے اور عدالت میں جا کر باضابطہ طور پر بیان جمع کروا دیا ہے کہ یہ کیس اس شرط پر ختم کیا جا رہا ہے کہ حسن زاہد آئندہ انہیں یا ان کے خاندان کو کسی قسم کا نقصان نہیں پہنچائیں گے۔
یہ بھی پڑھیں: سامعہ حجاب کا حسن زاہد سے کیا تعلق تھا؟ ٹک ٹاکر نے نئے انکشافات کردیے
واضح رہے کہ یکم ستمبر کو سامعہ حجاب نے انسٹاگرام پر ایک ویڈیو شیئر کرتے ہوئے الزام عائد کیا تھا کہ حسن زاہد نے انہیں اغوا کرنے کی کوشش کی، انہیں تشدد کا نشانہ بنایا اور بارہا بلیک میل کرتے رہے۔ ان الزامات کے بعد اسلام آباد پولیس نے فوری کارروائی کرتے ہوئے حسن زاہد کو گرفتار کر کے مختلف دفعات کے تحت مقدمات درج کیے تھے۔
ابتدائی سماعتوں کے بعد عدالت نے حسن زاہد کو جسمانی ریمانڈ پر پولیس کے حوالے کیا، جبکہ 12 ستمبر کو انہیں عدالتی ریمانڈ پر جیل بھیج دیا گیا تھا۔ بعد ازاں سامعہ حجاب نے تصدیق کی کہ وہ اپنے سابق منگیتر کو معاف کر چکی ہیں اور صلح ہو چکی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹک ٹاکر حسن زاہد سامعہ حجاب سوشل میڈیا انفلیوئنسر
کیکو شاردا نے دی کپل شرما شو چھوڑنے کی خبروں کی تردید کردی