حکومت کا پیٹرولیم مصنوعات کی قیمتیں برقرار رکھنے کا فیصلہ، بجلی کی قیمت میں بڑے ریلیف کی تیاری
اشاعت کی تاریخ: 15th, March 2025 GMT
وزیراعظم پاکستان شہباز شریف نے پیٹرولیم مصنوعات کی قیمتیں حالیہ سطح پر برقرار رکھنے کا فیصلہ کیا ہے، جبکہ بجلی کی قیمتوں میں خاطر خواہ کمی کرکے عوام کے لیے بڑے ریلیف کی تیاری بھی کرلی ہے۔
وزیراعظم شہباز شریف نے کہاکہ پیٹرولیم کی قیمتیں سابقہ سطح پر برقرار رکھتے ہوئے اس کا پورا مالی فائدہ بجلی کی قیمتوں میں عوام کو منتقل کرنے کا فیصلہ کیا ہے۔
یہ بھی پڑھیں گیس کے بعد پیٹرولیم مصنوعات کی قیمتوں میں بھی کمی
انہوں نے کہاکہ یہ اقدام ان بہت سے دیگر اقدامات میں سے ایک ہے جو بجلی کے نرخوں میں بامعنی کمی کا باعث بنیں گا، بجلی کے نرخوں میں کمی کے حوالے سے ایک جامع اور مؤثر حکمت عملی کے تحت پیکج تیار کیا جا رہا ہے جس کی تفصیلات کو حتمی شکل دے رہے ہیں۔
انہوں نے کہاکہ عالمی منڈی میں تیل کی قیمتوں میں ردوبدل کے فرق سے پیدا ہونے والی مالی گنجائش اور دیگر اقدامات سے بجلی کی قیمتوں میں عوام کو بڑا ریلیف دینے کا پیکج تیار ہے۔
شہباز شریف نے کہاکہ بجلی کے نرخوں میں کمی کے حوالے سے پیکج کا اعلان آئندہ چند ہفتوں میں کیا جائے گا۔ حکومت سنبھالتے ہی عوامی ریلیف کو ترجیح دینے کا عہد کیا تھا۔
وزیراعظم نے اگلے چند ہفتوں میں بجلی کے نرخوں میں کمی کی صورت میں ریلیف اور عوام کے لیے مزید آسانیاں فراہم کرنے کے حوالے سے عزم کا اظہار کیا۔
شہباز شریف نے کہاکہ اس ریلیف سے نہ صرف بجلی کی قیمتیں کم ہوں گی بلکہ اس کا اثر مجموعی طور پر مہنگائی پر پڑے گا اور اس میں مزید کمی واقع ہوگی۔
یہ بھی پڑھیں حکومت سے مذاکرات کامیاب: پیٹرولیم ڈیلرز نے کل کی ہڑتال کی کال واپس لے لی
وزیراعظم آفس کے مطابق اس ریلیف کے حوالے سے وزیراعظم بہت جلد قوم کو خود آگاہ کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بجلی پیٹرولیم مصنوعات ریلیف شہباز شریف عوام قیمتیں وزیراعظم پاکستان وی نیوز.ذریعہ: WE News
کلیدی لفظ: بجلی پیٹرولیم مصنوعات ریلیف شہباز شریف عوام قیمتیں وزیراعظم پاکستان وی نیوز بجلی کے نرخوں میں پیٹرولیم مصنوعات شہباز شریف نے کی قیمتوں میں کے حوالے سے کی قیمتیں نے کہاکہ بجلی کی
پڑھیں:
حیسکو صارفین کو بہت جلد خوشخبری سنائیں گے، حیسکو چیف
data-id="863a0a8" data-element_type="widget" data-widget_type="theme-post-content.default">
حیدراباد(اسٹاف رپورٹر) حیسکو چیف فیض اللہ ڈاہری نے کہاکہ حیسکو صارفین کو بہت جلد خوشخبری سنائیں گے صارفین کے تعاون سے حیسکو کی ریکوری میں مذید 10 فیصد اضافہ اور لائن لاسز میں 3 فیصد کمی خوش أئند ہے جبکہ کوالٹی اف بلنگ میں 8 فیصد اور شکایات میں 14 فیصد بہتری آئی ہے وہ معروف سماجی شخصیت محمدنوید شیخ سے گفتگو کررہے تھے فیض اللہ ڈاہری نے کہاکہ وہ اور ان کی ٹیم میں شامل افسران و عملہ حیسکو صارفین کے مسائل حل کرنے میں کوشاں ہیں تاہم بجلی چوروں اور نادہندہ صارفین کے خلاف قانونی کاروائیوں کا سلسلہ جاری رہے گا کیونکہ بجلی چوری کرنا اخلاقی اور قانونی جرم ہے جس کے خاتمہ کے لئیے علاقہ کی سطح پر کاروائیوں اور صد فیصد ریکوری کی وصولی جاری ہے حیسکو چیف نے کہاکہ عوامی مسائل حل کرنے اور بجلی کی تسلسل سے فراہمی پر خصوصی توجہ دی جارہی ہے صارفین کی شکایات کے ازالہ کے لییے کھلی کچہریاں منعقد کی جارہی ہیں صارفین کے مسائل بروقت حل کئیے جارہے ہیں حیسکو چیف نے کہاکہ صارفین کی سہولت کے لئیے قاسم اباد میں فیسیلٹیشن سینٹر قائم کیا گیا ہے جہاں حیسکو عملہ صارفین کی خدمت کے لئیے ہمہ وقت مصروف عمل ہے اس موقع پر نوید شیخ نے حیسکو چیف فیض اللہ ڈاہری کی کی کاؤشوں کو سہراتے ہوئے کہاکہ آپ قیادت میں حیسکو کی کارکردگی قابل ستائش ہیں ۔
کاشف شیخ و دیگر کاپروفیسرابراہیم ‘ نصراللہ گورائیہ ‘نصراللہ رندھاواسے اظہار تعزیت