فینسی غیرقانونی نمبرپلیٹس لگانے والوں کیخلاف کریک ڈاؤن، بھاری جرمانے عائد
اشاعت کی تاریخ: 17th, March 2025 GMT
ویب ڈیسک : ایڈیشنل آئی جی ٹریفک کے حکم کے بعد رواں ماہ جعلی، فینسی، غیرقانونی، غیرنمونہ نمبرپلیٹس لگانےپر 52 ہزارسے زائد چالان کیے گئے۔
ترجمان ٹریفک پولیس کا کہنا ہے کہ نمبرپلیٹس میں چھیڑچھاڑیارد و بدل کرنےمیں موٹر سائیکل سوارسرفہرست رہے، 35ہزارسےزائدموٹرسائیکل سواروں کےخلاف کارروائی کی گئی، جبکہ 4ہزار300سےزائدکاروں کوغیرنمونہ غیرقانونی وفینسی نمبرپلیٹس لگانےپربھاری جرمانے کیے گئے۔ اس کے علاوہ 1178سےزائدموٹرسائیکل وگاڑیوں کیخلاف جعلی نمبرپلیٹس لگانےپرقانونی کارروائی کی گئی، جبکہ 8ہزار300 سے زائد کمرشل گاڑیوں کوغیرنمونہ وفینسی نمبر پلیٹس لگانےپربھاری جرمانے کیے گئے ۔
سٹاک مارکیٹ میں کاروبار کے آغاز پر تیزی ، ڈالر سستا
ایڈیشنل آئی جی ٹریفک کی جانب سے غیرقانونی نمبرپلیٹس کیخلاف کارروائیاں جاری رکھنے کاحکم دیا گیا ہے۔ ایڈیشنل آئی جی مرزا فاران بیگ کا کہنا ہے کہ صوبےمیں کمرشل ،نان کمرشل ہرقسم کی گاڑیوں کیخلاف کارروائیاں جاری ہیں نمبرپلیٹ گاڑی کی پہچان ہےگاڑی کی پہچان کو چھپانا قانونا ًجرم ہے ۔
.
ذریعہ
ذریعہ: City 42
پڑھیں:
مودی کا امتحانی پرچے لیک کرنے والوں کے خلاف فاسٹ ٹریک عدالتیں قائم کرنے کا اعلان
بھارتی وزیراعظم نریندر مودی نے امتحانی پرچوں کے لیک ہونے کے بڑھتے ہوئے واقعات کے خلاف سخت اقدامات کا اعلان کرتے ہوئے کہا ہے کہ ایسے جرائم میں ملوث افراد کو جلد انصاف کے کٹہرے میں لانے کے لیےفاسٹ ٹریک عدالتیںقائم کی جائیں گی۔ انہوں نے واضح کیا کہ طلبہ کے مستقبل سے کھیلنے والوں کے ساتھ کسی قسم کی رعایت نہیں برتی جائے گی۔
سوشل میڈیا پلیٹ فارم ایکس (X) پر جاری اپنے بیان میں وزیراعظم مودی نے کہا کہ نوجوانوں کا مستقبل حکومت کی اولین ترجیح ہے اور امتحانی نظام میں بدعنوانی یا پرچے لیک کرنے جیسے جرائم میں ملوث عناصر کو سخت اور فوری سزا دی جائے گی۔
یہ امتحانی پرچوں کے لیک ہونے کے معاملے پر وزیراعظم مودی کا پہلا عوامی بیان ہے۔ تاہم ان کے ردعمل کے بعد بھی ملک بھر میں جاری طلبہ احتجاج میں کمی نہیں آئی۔ متعدد طلبہ اور سماجی حلقوں نے سوال اٹھایا کہ حکومت نے اس حساس معاملے پر ردعمل دینے میں اتنی تاخیر کیوں کی۔
دوسری جانب لوک سبھا میں قائد حزب اختلاف راہل گاندھی نے وزیراعظم کے بیان کو تنقید کا نشانہ بناتے ہوئے حکومت پر تعلیمی نظام کو کمزور کرنے کا الزام عائد کیا۔
راہل گاندھی نے ایکس پر اپنی پوسٹ میں لکھا کہ نوجوانوں کے مستقبل کو سب سے زیادہ نقصان موجودہ حکومت نے پہنچایا ہے۔ ان کے مطابق حکومت نے نہ صرف تعلیمی نظام کو تباہ ہونے دیا بلکہ ذمہ دار افراد کو بھی تحفظ فراہم کیا۔
انہوں نے کہا کہ احتجاج کرنے والے طلبہ کے تین بنیادی مطالبات ہیں، جن میں وزیر تعلیم دھرمندر پردھان کو عہدے سے ہٹانا، طلبہ سے باضابطہ معافی مانگنا اور احتجاج کے دوران طلبہ پر مبینہ تشدد میں ملوث افراد کے خلاف کارروائی شامل ہے۔
واضح رہے کہ ملک میں تعلیمی اصلاحات اور امتحانی نظام میں شفافیت کے مطالبات کے حوالے سے احتجاجی تحریک جاری ہے۔ حالیہ دنوں میں طلبہ اور پولیس کے درمیان جھڑپوں کے بعد یہ معاملہ مزید شدت اختیار کر گیا ہے، جبکہ امتحانی پرچے لیک ہونے کے واقعات نے بھارت کے تعلیمی نظام پر سنجیدہ سوالات کھڑے کر دیے ہیں۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم